# Ủy ban An toàn giao thông Negar brei thau, meng harei 16/12/2017 tal harei 15/04/2018), dalam negar rah tabiak labaih 6000 mbang bala angaok jala mbak, ngak brei 2.788 urang metai, 4.636 urang njauk rambuis. Ta-eng dalam bilan 4, dalam negar rah tabiak 1.346 mbang bala angaok jalan mbak, ngak brei 639 urang metai. Dom bala trak angaok jalan  bhian rah tabiak angaok jalan kabak takai. Ủy ban An toàn giao thông Negar pandar dom puk palei, bộ, ngành khik kajap trật tự, an toàn giao thông dalam tukvak padeih Lễ 30-4 saong 1-5.

# Meng harei 23/4 tal harei 4/5, di jabat Liên hợp quốc (Geneva, Thụy Sỹ) rah tabiak mbang nyaom yaka 2 di Ủy ban trù bị nyaom biai Kiểm điểm Hiệp ước oh pablei Vũ khí hạt nhân (NPT) di thun 2020. Mbang nyaom hu mbaok di labaih 400 urang jakar meng 118 taneh ia saong rilo gah di dunya. Kapul Việt Nam kayua Đại sứ Dương Chí Dũng, akaok Phái đoàn thường trực Việt Nam di Liên hợp quốc di Giơ-ne-vơ, Thụy Sỹ dang akaok kapul.

# Malam 26/4, malam pataom diễu hành carnaval ngak chreih chrai jalan phố khu du lịch Bãi Cháy (bal Hạ Long, Quảng Ninh) ngan haong bruk hu mbaok di yaok ribau tuai damuai dalam saong langiu negar. Yaok ribau bhap bani, tuai damuai dalam saong langiu negar trun jalan, ba drei tame bruk hội hè bui sambai. Ini lac bruk peih mbaok ka harei peih pakak Thun du lịch Negar Hạ Long – Quảng Ninh 2018 saong Carnaval Hạ Long rah tabiak di malam 28/4.

#  Pasak Du lịch Phong Nha - Kẻ Bàng pambuak bruk saong uy mban bhapbini xã Sơn Trạch, huyện Bố Trạch, tỉnh Quảng Bình peih mbang pakacah taong cap ikan trắm saong ngak dom janih pandap mbang bingi meng ikan trắm kraon Son. Mbang pakacah ikan trắm hu dom asal kadha ye: pakacah taong cap ikan drah samal, pakacah ikan praong, pablei to yaom ikan trắm praong abih…Hadei di tuk taong cap ikan trắm ala kraong tagok, lambaok dom kapul pakacah meda ngak dom janih pandap mbang bingi, pachreih meta meng ikan trắm. Urak ini bruk raong ikan trắm dalam kraong Son patagok khang ngan saong jaik 500 sang raong jaik 1.000 lồng ikan.

   # Huyện Châu Thành A, tỉnh Hậu Giang bahrai peih bruk pahadar 70 thun Jayak Tầm Vu (1948-2018) di labik inem krung jayak Tầm Vu pak xã Thạnh Xuân. Atah di ini 70 thun, dom jayak daneiy angan di 4 trận Tầm Vu rah tabiak angaok canah jalan Cái Tắc - Rạch Gòi oh ka tal 5km nan lac sa tanut bhong hadah tanjak dalam jaman mesruh metak taong Pháp di bol lin saong bhap bani drei. Pak ini, tỉnh Hậu Giang hu padang labik inem krung dakrai sajarah jayak Tầm Vu pambuak haong du lịch sinh thái.

  Khaw tin dunya

# 7h30 minit page harei 27-4 (tui tukvak Việt Nam),  Tổng thống Hàn Quốc Mun Chê In hu cap tangin biak catang haong urang pal akaok Triều Tiên Kim Châng Un pak jalan parabha ranh giới quân sự di dua gah, palei padeih mesruh Bàn Môn Điếm (Panmunjom) dalam Khu phi quân sự daok kreh tapen jalan negar Cộng hòa dân chủ bhap bani Triều Tiên saong Hàn Quốc. Dua urang pal akaok yam tame Nhà Hòa bình piah peih nyaom biai pakat galong dua negar Triều  Tiên saong yam tame ndom biai nao mai di tukvak 10h (tukvak puk palei, lac 8 tuk page ini di Việt Nam). Asal kadha di danak dak nyaom biai nan lac bruk phi hạt nhân hóa, khik kajap hòa bình suai lavik angaok pulao kaoh Triều Tiên saong talei pambuak bruk nao mai dua gah Triều Tiên.

     # Ceik apui Ki-u-su (Kyushu), Tây Nam Nhật Bản harei 26/4 daok medeih tagok veik, pruh ralo mbang thak dhul glaong 200 mét. Karja Nhật Bản hu kakei manuac sia juai mai jaik caeik apui, piah plaih di dhul mul. Nhật Bản nan lac sa dalam dom negar hu ralo ceik apui.

# Di Paris, Pháp, urang jakar meng 72 taneh ia hu mbaok tame nyaom biai dunya ka pacang cakak dom bruk daong ka dom kapul nyaom khủng bố,  hu kapul IS saong An-kê-đa. Ini lac harei nyaom ka 2 di nyaom biai rah tabiak di jabat ngak bruk di gah pambuak bruk saong patagok kinh te ( OECD), ngan saong bruk pataom mbaok di akaok mintri Tư Pháp saong  Nội vụ Pháp. Pháp daok kham merat jhul khang bruk pambuak gauk haong dunya dalam bruk pacang cakak dom bruk daong jien padai ka dom kapul nyaom phao ndao./.