# Pahadar 70 thun harei Thương binh Liệt sĩ (27/7/1947 - 27/7/2017), di ralo puk palei dalam taneh ia harei kabroi 26/7 hu rah tabiak dom bruk ngak hadar dom anh hùng liệt sỹ, thương bệnh binh saong baoh sang sarak karja, urang hu buh pren yava ka cách mạng. Di tỉnh Quảng Trị, Ủy viên mintri Chính trị, Phó akaok Quốc hội Tòng Thị Phóng hu nao rivang, am gilau di taneh kabo liệt sỹ negar Trường Sơn, taneh kabo liệt sỹ negar Đường 9, taneh kabo liệt sỹ huyện Triệu Phong, tỉnh Quảng Trị. Phó akaok Quốc hội jeng hu nao rivang, alin hadiah dom baoh sang sarak karja, urang hu buh pren yava ka cách mạng saong baoh sang njauk bala dalam mbang ribuk ka 4. 

# Di Nghĩa trang Liệt sỹ Việt- Lào huyện Anh Sơn saong Nghĩa trang liệt sỹ huyện Nghi Lộc barau rah tabiak harei truac dil hadar dhar phor saong danadak dah tamia "Khúc tráng ca bất tử" dalam tuk pahadar 70 thun harei thương binh liệt sỹ 27/7. Tapa nan, dom urang jakar hu hadar veik sajarah hào hùng di bangsa di dua mbang mesruh metak khik caga negar; halan hatian thau dhar phuan vô hạn, hatai thành kính di rairah ranaih umo ka bruk hy sinh praong glaong di dom anh hùng liệt sỹ

# Melam 26/7, di taneh kabo Liệt sĩ negar A1, Tỉnh đoàn Điện Biên pambuak saong Hội doanh nghiệp ranaih tỉnh Điện Biên peih bruk truac hadah dil hadar dom anh hùng liệt sĩ tuk pahadar 70 thun harei Thương binh Liệt sĩ (27/7/1947 - 27/7/2017). Di var peih bruk, dam dara tỉnh Điện Biên brei thau hatai thau dhar phon dom urang var klak rup drei ngak jeng jayah Điện Biên Phủ thun 195, dane angan. Yaok ribau mbiak dil hu truh hadah brei mboh hatai thau dhar phon di rai ranaih Điện Biên. 

# Jeng dalam melam 26/7, di Nghĩa trang liệt sĩ tỉnh, Ủy ban bhapnini tỉnh Đăk Nông peih bruk cuh gilau saong truac din hadar dom Anh hùng Liệt sĩ. Dom urang jakar saong rilo urang đoàn, damdara di tỉnh Đăk Nông hu thành kính mặc niệm, caik vòng bingu, cuh gilau pahadar pren praong glaong dom anh hùng liệt sĩ hu anh dũng hy sinh kayua nền độc lập, tự do di negar, ka bruk dak apdang saong khik caga taneh ia. Hadei var viếng, dom urang jakar gam saong rilo urang đoàn, dam dara, bhapbini hu truac gilau, nến saong caik bingu di 550 phần mộ liệt sĩ

# Melam 26/7, di taneh kabo liệt sĩ, bia tưởng niệm, đền đài dalam ban Cần Thơ, Thành đoàn saong Sở Lao động - thương binh saong xã hội Cần Thơ pambuak bruk peih danak dak “truh dil hadar dhar phon” dom anh hùng liệt sĩ saong danak dak daoh tamia ngan saong kadha “Màu hoa đỏ”. Danak dak pachreih hu labaih 10 ribau urang đoàn, dam dara hu mbaok tame. Tapa nan, danak dak jeng hu alin hadiah jien bac a 40 anek saih, sinh viên lac anek kamuan dom baoh sang liệt sỹ, baoh sang thương binh, baoh sang sarak karja…. Yam tapa kan kandah bac daa naih joi, yaok paok jien bac yaom 2 triệu đồng.

# Dalm mbang ngak bruk di Thái Nguyên bair harei 26/7, Thủ tướng Nguyễn Xuân Phúc hu nao ravang, ngak bruk saong Công ty Samsung điện tử Việt Nam Thái Nguyên (SEVT), di Tổ hợp Samsung điện tử Việt Nam, libik rik daong labaih 20% kim ngạch pablei pandap tabiak tanek ia lingiu di Việt Nam. Thủ tưởng caong lac, Samsung meng quy mo praong abih ka dau tu taneh ia langiu di Việt Nam, daok lac tập đoàn kiểu mẫu, đầu tư ngak mbang suai livik di Việt Nam. 

  # Biar harei kabroi 26/7, Sở pato megru tỉnh Quảng Bình peih mbang taduan saong tadhau yuh adei Nguyễn Thế Quỳnh, anek saih barau mek hu huy chương ameh mbang pakacah Olympic Vật lý dunya thun 2017. Ini lac thun ka 2 gam gam, adei Nguyễn Thế Quỳnh mek hu Huy chương ameh dalam mbang pakacah Olympic Vật lý dunya.  

        Khaw tin dunya

# Kayua ribuk ka 4, dalam taneh ia Campuchia dom harei tapa hu mboh hajan praong ngak dauk jalan nao mai di palei pala saong njam patam di bhapnini. Dom baok kraong nội đồng ia tagok glaong dauk ar ngak glut jaleih saong nduac tame nội đồng hamu ngak dauk padai daok jaik si ngak đòng saong sroh. Dom canah jalan pagam dom huyen, dom tỉnh rilo canah jalan gaok glut jaleih ngak gar jalan, yaok rabau baok sang daok angin ribuk ngak jaleih saong papaok tabung. Karja dom pakat saong kapul par phao ndao hu trun puk palei ramik pasiam dom canah jalan gaok glut jaleih, ba bhapbini tabiak truh libik mbuan si gaok bala, piah trun bair abih dom khat lihik kayua ribuk ka 4 rah tabiak dalam taneh ia.

# Khuah glai daok rah tabiak khang di Prang saong Bồ Đào Nha. Di Prang, gah  padam khuah hu paduan bhap bini daok di bhum duyên hải Ri-vi-ê-ra hadei di tuk khuah glai rah tabiak khang. Ralo sruh kapal haok trực thăng hu ba mai piah daong gah chức năng padam pui khuah. Dalam tuk nan, di Bồ Đào Nha, jaik 1 ribau 500 urang lin padam khuah hu ba mai padam dom mbang khuah di dom tỉnh Cát-tê-lô Ba-ran-cô saong Xan-ta-rem. Mbiah tal urak ini, pui mbang khuah labaih 74 ribau ha glai, gah chức trách puk palei hu panduan ba bhap bini di 10 puk palei./.

       # Dự luật yah klak sa phần đạo luật pasang iek pren yava Ô-ba-ma-ke oh hu brei tapa di thượng viện Mỹ kayua oh ginup 51 phiếu njauk buh. Dom thượng nghị sỹ Dân chủ gam saong 7 thượng nghị sỹ Cộng hòa buh phiếu oh daong. Dahlau nan, harei 25/7, dự luật pasang iek pren yava Mỹ (AHCA) kayua đảng Cộng hòa bảo trợ piah salih đạo luật Ô-ba-ma-ke oh tapa bambang Thượng viện Mỹ di mbang buh phiếu akaok mereip tuk rilo thượng nghị sĩ buh phiếu mesruh dự luật ini. Ini hu maong lac sa thất bại tra ka bruk kham merat di đảng Cộng hòa dalam bruk salih đạo luật thun 2010 di urang dahlau thiah ngak tổng thống Ba-rắc Ô-ba-ma.