# Biar harei 26/12, pak Hà Nội, Ủy ban Trung ương Mặt trận Negar Việt Nam pambuak haong Mentri Tài nguyên saong Môi trường peih  Nyaom biai peih tabiak jalan ngak bruk thun 2017 saong pok meyaom dom khu dân cư siam gheih dalam bruk pacang khik alam môi trường. Nyaom biai hu pok glaong, pok meyaom 59 jabat nan lac dom khu dân cư, Ủy ban Mặt trận Negar Việt Nam di dom tỉnh, Sở Tài nguyên saong Môi trường di dom puk palei saong sa baoh baha tiêu biểu dalam bruk pacang khik alam môi trường.

# Jeng dalam bair harei 26/12, Kapul urang nong Việt Nam saong Tạp chí Cộng sản hu mbaoh tangin tame harak sanya pambuak bruk tukvak 2016- 2020 piah paglaong labik dang di urang nong dalam bruk ramik pasiam veik saong padang ngak palei pala barau. Tui nan, dua gah meda pambuak bruk saong peih ngak siam dom bruk roh duah alamu, pathau khan saong brei thau cambaih dom jalan ngak, sarak di Đảng, adat hukum di karja pambuak tal ngak nong, urang nong, palei pala.

# Mentri ngak nong saong patagok palei pala bahrau njauk hatai haong Tập đoàn Điện lực Việt Nam ka bruk điều tiết dom binek padang aia nan lac: Sơn La, Hòa Bình, Thác Bà saong Tuyên Quang piah pabak jalan nduac ka gah ala, brei ka mikva mek aia pala drak padai vụ Đông Xuân 2016-2017, dom tỉnh Trung du saong bhum taneran Bắc bộ. Tui nan meda hu 3 mbang xả aia tapa  phát điện dalam 18 harei.

# Tỉnh Quảng Trị hu Trung ương parabha 500 tỉ đồng piah bayan jien bồi thường ka dom po kapal, urang ngak bruk tasik gaok kan kandah kayua sự cố môi trường. Urak ini, tỉnh barau brei labaih 220 tỉ đồng ka dom puk palei. Uy mban bhapbini tỉnh Quảng Trị pandar dom huyện iek veik dom menuac urang piah ramik pasiam, pabak tame, drah samal ba jien bồi thường ka urang  dahlau Tết Nguyên đán. Ông Nguyễn Đức Chính, akaok Ủy ban bhapbini tỉnh Quảng Trị brei thau: Dom huyện njauk peih ngak drak samal, piah dom paok jien langyah mbang ini hu bayan ka bhapbini dahlau Tết Nguyên đán. Yau nan ye, njauk ngak drak samal piah ba nao ka urang  di Tết Nguyên đán, saong jak ba urang  pandar paok jien ini piah đầu tư, salih jalan ngak sinh kế.

# Mbang akaok meti, Lễ hội ánh sáng hu Công ty trách nhiệm hữu hạn Index Creative Village Public di Thái Lan palih ruah ban klak Hội An ngak labik parang iek dalam tukvak uan raok thun bahrau Đinh Dậu - 2017. Tui bruk ba tabiak, meng melam 30 bilan Mat (lax melam 27/1/2017) tal 12 bingun bilan Tha (lac harei 08/2/2017), Lễ hội ánh sáng meda peih ngak di 6 labik pak bal Hội An, tỉnh Quảng Nam yau: Chùa Cầu, tatua An Hội, ar kraong Hoài, mblang bein Kazik, dalam dom tukvak 19 tuk giờ, 20 tuk saong 21 tuk. Jien piah ngak bruk ini jaik 22 tỉ đồng, kayua đối tác Thái Lan pok sap iew meng dom urang daong brei.

# Danadak taom gaok “Hữu nghị biên giới” Việt Nam - Campuchia mbang ka sa meda rah tabiak di Tây Ninh dalam dua harei 28 saong 29/12. Ini lac bruk ngak piah paglaong bruk jum pataom, hữu nghị di karja, bhapbini saong kapul khik caga tapeng negar dua taneh ia. Harei ini, Đồn biên phòng Phước Tân di Tây Ninh, Việt Nam saong Tiểu đoàn Cảnh sát khik caga tapeng negar 611 di Campuchia gam saong gauk tuần tra meng mốc quốc giới 150 tal mốc quốc giới 151 piah dut iek bruk ngak, dom jalan mòn, canah cakak jalan nao mai di canah jalan tapeng negar chung saong njauk hatai gauk dom bruk khik ramik, pacang caga.

# Biar harei 26/12, pak huyện Cư M’gar, tỉnh Đắc Lắc, Pasak pachreih nong pakat negar – Mentri Ngak nong saong patagok palei pala pambuak haong karja puk palei peih diễn đàn pachreih nông saong ngak nong ngan haong kadha “dom jalan ngak thâm canh cà phê siam lagheih piah paglaong siam mekre saong cakrok patagok khang kajap”. Tui Đề án patagok gah cà-phê khang kajap tal thun 2020, dalam negar hu jaik 600.000 ha cà phê, ngan haong labaih 80% mblang taneh pala drak tui jalan khang kajap hu chứng nhận saong 80% sản lượng cà-phê baoh that mek hu tiêu chuẩn; năng suất labaih 2,7 tấn/ha.

Khaw tin dunya

# Piah pacang cakak jit kum menuk ada njom mbak, harei kabroi (26/12) gah  chức trách Hàn Quốc tabiak lệnh cuh klak veik 1,6 triệu menek ada, patagok drei menuk ada cuh klak tal 26 triệu. Bruk pambak drak samal di chủng vi rút H5N6 caik ka gah chức năng Hàn Quốc paglaong bruk brei thau di kum menuk ada tagok tanut glaong abih meng dahlau mai ini.

# Nhật Bản meda pandar sa sarak hu dua jalan ngak gam gam ngan haong Nga, tui nan negar ini meda patui veik dom jalan taong phạt di kapul 7 negar công nghiệp cakrok patagok (G7) ngan haong Nga hadei di bruk sáp nhập Crưm (Crimea) min jeng jhul patagok bruk ngak mbang kinh tế haong Nga. Panuac meng Raja-ei Nhật Bản ndom lac, Thủ tướng Xin-dô A-bê (Shinzo Abe) jia lac bruk pasiam veik talei pambuak bruk haong Nga oh ngak kan kan kandah tal som sarak pambuak pagam tal dom kadha di Crưm.

# Harei kabroi (26/12), sa ribuk tuh tame gah kreh negar Philippin, ngak jaleih jalan menyek, ngak tayah tayiac sang danaok saong yaok rabau menuac njauk nao plaih di libik karei. Cảnh sát brei thau, hu dua urang metai dalam tuk kapul khik caga tasik khan  brei thau lac daok duah thau bruk, sa sruh phà sit gaok riyak praong taong karam. Labaih 300 rabau urang di taneh ia hu rilo menuac sia tui agama Cơ đốc ini njauk nao tapa melam Giáng sinh di dom libik lều bạt./.