# Thủ tướng Raja-ei hu mboh tangin tame Quyết định pok angan thành Điện Hải pak quận Hải Châu, bal Đà Nẵng lac Inem mek pakat negar biak karei gam haong 9 inem mek karei dalam negar. Ini lac inem mek ilamo dakrai sajarah akaok meti di bal Đà Nẵng hu pok brei angan inem mek pakat negar biak karei.

# Harei kabroi 26-12 , di mblang par dunya Cam Ranh, Phó Thủ tướng thường trực rajaei Trương Hòa Bình hu tacei pato tapak bruk pasram chip kapal haok pakat negar thun 2017.  Phó Thủ tướng Trương Hòa Bình ndom lac, bruk pasram ini hu makna praong, khik caga bruk pambuak gauk siam di dom gah pambuak tal piah pacang caga kol tội phạm

# Biar harei 26/12, pak bal raya HCM, Ban Tuyên giáo Trung ương pambuak haong Ban tacei pato bruk thông tin đối ngoại Trung ương peih nyaom biai pakat negar peih tabiak bruk ngak thông tin đối ngoại, pathau khan pulao tasik saong parabha jalan tapen negar, klauk jameng thun 2018. Dom tham luận pak nyaom biai hu pataom tame klah rabha ilamu bruk ngak thông tin đối ngoại; dom bruk njauk ngak chip dalam khik caga chủ quyền pulao tasik, bhum tasik taong mek ikan, bruk taong mek kaya ikan, urang taong mek ikan...

# Pasak Chiếu phim negar barau pahadar 20 thun dak padang saong taduan mek Huân chương Lao động Hạng Nhất. Bruk praong njauk biai di pasak Chiếu phim negar lac hatai tự chủ, sáng tạo, pabak bruk dak harei dak glaong di urang takre điện ảnh ban ine. Thun ini, pasak hu peih labaih 30 rabau mbang chiếu, duh ka labaih 2 triệu mbang urang maong.

# Harei kabroi (26/12), angaok jalan roya 1A labik nao tapa huyện Vạn Ninh, tỉnh Khánh Hòa hu rah tabiak ralo mbang bala angaok jalan, ngak ka 4 urang njauk rambuih. Makna lac kayua langik hajan, urang peih radaih oh maong mboh cambaih jalan, ginuh tame talei phân cách blaoh tableik.

Khaw tin dunya

# Brei panuac anak báo giới di harei kabroi (26/12), akaok mintri Ngoại giao Trung Quốc Vương Nghị brei thau, Trung Quốc meda peih tabiak chương barau ka talei pambuak bruk gam jayah saong dom taneh ia dalam thun 2018. Nan lac patagok talei rohim saong dom taneh ia jaik taphia, jhul khang langyah dom bruk pandiak di bán đảo Triều Tiên, Afganistan... padang hu talei pambuak bruk dunya tui jalan barau.

  # Ngoại trưởng Nhật Bản Ta-rô Kô-nô (Taro Kono) harei kabroi (26/12) hu mbang taom gaok haong Ngoại trưởng Gioócđani Ây-man An Xa-pha-đi (Ayman al Safadi) dalam mbang nao rivang Trung Đông. Ngoại trưởng Nhật Bản saong Ngoại trưởng Gioócđani hu pataom tame ginum biai ka dom bruk pambuak talei rohim di dua gah jang yau dom kadha bahrau dalam bhum, dalam nan hu bruk jaik di ini Mỹ ndom lac Giê-ru-sa-lem (Jerusalem) lac bal ine di Ixraen.

# Ngoại trưởng Xu-đăng Ibra-him Gan-đu (Ibrahim Ghandour) brei thau, Thổ Nhĩ Kỳ meda padang veik sa ban sit cảng đảo Xu-a-kin hu meng rai Ốt-tô-man (Ottoman)di Xu-đăng angaok takai tasik Đỏ, tuk taneh ia ini daok duah jalan peih praong pambuak bruk quân sự saong kinh tế di châu Phi. Tổng thống Xu-đăng Ô-ma An Ba-sia (Omar al-Bashir) barau njauk hatai jao Xu-a-kin (Suakin) ka Thổ Nhĩ Kỳ piah ngak ka libik ini jeng sa libik du lịch./.