# Dalam mbang ravang Cộng hòa Pháp, barau blaoh Tổng Bí thư Nguyễn Phú Trọng hu taom gaok lamboak urang trí thức trẻ Việt Nam di Pháp, dalam nan hu dom urang alamu, chuyên gia di dom gah hu libik dang praong di rilo jabat, libik, doanh nghiệp di Pháp. Tổng Bí thư jeng pok meyaom bruk dom urang tri thức Việt di Pháp daok halan hatian rik daong glo akaok saong pren yava di drei ka bruk patagok di Việt Nam

    # Patui mbang nao rivang Hà Lan, bahrau ni, di ban raya  The Hague, Akaok Quốc hội Nguyễn Thị Kim Ngân hu var taom gaok urang jakar Đại sứ quán song lambaok bhap bini urang Việt Nam di Hà Lan. Akaok Quốc hội ndom lac, Đảng song Karja tuk halei jeng iek bhap bini urang  Việt Nam di negar langiu lac sa bộ phận oh neh rabha hu di bhap bini bangsa Việt Nam, dak harei dak palagaih jang ka mik va mai rivang negar, pablei salih, pambuak bruk khoa học - công nghệ…

# Tui pasak y tế dự phòng tỉnh Bình Thuận, meng akaok thun 2018 tal ini, dalam tỉnh hu labaih 210 mbang urang ruak pandiak tabiak darah, trun 141 mbang duk saong dom bilan ini thun 2017. Urak ini daok yam tame tabung glaong di bilan thu, rilo urang bhapbini di bhum palei pala bhum ceik, bhum bhapbini bangsa takik bian padang ia dalam jeik, thùng phuy meyah oh gam sir ye lagaih ka jamaok caih baoh saong lăng quăng tamuh.

# Di sang bac Trung học phổ thông bangsa gam bac gam dok tỉnh Bình Phước, Ban Mban khik ramik inem krung tỉnh peih bruk parang iek thaot binguk di 27 inem krung sajarah ilamu, danh lam thắng cảnh di tỉnh. Ni lac jalan ka dom gru pato song anek saih di dom sang bac rivang iek duah thau, dong ka anek saih nao tal dom inem krung, ba dom adei mai song halau gha bangsa, hadar veik dom ilamu meng kan di taneh ia, palei negar.  

# Pambuak tal bruk khuah praong ngak ka 13 urang metai saong labaih 50 urang njauk rambuc di chung cư Carina Plaza, jalan Võ Văn Kiệt, Phường16, Quận 8 di dah pagaiy harei 23/3,  Đại tá Nguyễn Sỹ Quang – Trưởng phòng Tham mưu gam lac urang brei panuac di Công an ban raya Hồ Chí Minh brei thau Cơ quan cảnh sát điều tra barau quyết định khởi tố vụ án hình sự “ngak suan dom quy định ka pacang khuah padam khuah tui paka 313 Bộ luật Hình sự.  Ini lac mbang khuah hu khat lihik biak trak, hu menuac metai glaong abih di 15 thun ini mai di ban raya Hồ Chí Minh. Mbang khuah ini ngak pandik harao menuac sia saong rilo bruk brei thau po đầu tư, libik khik ramik tòa sang hu rilo ngak suan ka pacang khuah padam khuah.

# Akaok  Quốc hội Mi-an-ma U Ma Uyn Kha-inh Than (U Mahn Win Khaing Than) bahrau khan lac, negar ni peih bruk palih ruah Tổng thống dalam harei 28/3  piah pabak labik pan akaok  taneh, hadei di tuk Tổng thống U Tin Chô (U Htin Kyaw) likau padeih di adit dahlau hadei di 2 thun ngak Tổng thống. 

# Gilang pariak patagok Châu Á (ADB) hu mboah tangin tame sa thỏa thuận brei mesraiy jaik 175 triệu đôla Mỹ saong tập đoàn năng lượng SERD (PT Supreme Energy Rantau Dedap) di In-đô-nê-xi-a piah daong jien ka dự án địa nhiệt di tập đoàn ini di tỉnh Nam Xu-ma-tra (Sumatra) di taneh ia ini. In-đô-nê-xi-a hu sanya khang dalam bruk patagok dom nguồn năng lượng tái tạo piah hu rilo năng lượng hỗn hợp di taneh ia gam saong nan lac trun takik bruk tathuak khí các-bon.

# Phó Thủ tướng Thổ Nhĩ Kỳ Bê-kia Bô-đác (Bekir Bozdag) bahrau brei thau, Thổ Nhĩ Kỳ oh peih ngak sa bruk halei piah cagar Nga dalam tuk Mỹ song rilo negar châu Âu  trục xuất rilo urang  ngoại giao Nga. Thổ Nhĩ Kỳ song Nga urak ni dok pambuak bruk khang kajap meng di sa thỏa thuận hòa giải thun  2016 piah padeih bruk srau kadau  hadei di tuk  Thổ Nhĩ Kỳ cuh laik sa kapan haoh Nga di bhum lingik  Xy-ri../.