Khaw tin 10h30 saong 14h30 harei 27/6

# Thủ tướng  Nguyễn Xuân Phúc hu mbaoh tangin brei adat buh jien tame ngak ka ka 2.139 xã biak kan kandah, xã tapen negar, xã an toàn khu di 46 tỉnh tame  gah buh jien di danak dak 135 tuk vak 2017 - 2020. 44 tỉnh; kadung jien karja puk palei buh tabiak ka 36 xã di  2 tỉnh: Quảng Ninh song  Khánh Hòa. Tui angan dom xã hu thủ tướng brei adat, tỉnh dang akaok angan hu rilo xã hu buh jien tame di danak dak 135 tuk vak 2017 - 2020 lac  Cao Bằng hu 156 xã, Hà Giang 136 xã, Lạng Sơn 133 xã, Sơn La 118 xã, Lào Cai 104 xã, Điện Biên 103 xã, Thanh Hóa 100 xã, Hòa Bình 99 xã...

# Taduan panuac daa di tổng thống Cộng hòa Belarus Alexander Lukashenko, page harei 26/6, akaok taneh ia Trần Đại Quang saong diuk di ông gam kapul urang jakar pakat glaong Việt Nam tabiak Hà Nội, tagok jalan nao ravang Cộng hòa Belarus meng harei 26 – 28/6. Belarus lac taneh ia hu tiềm lực công nghiệp, nông nghiệp, khoa học, pato megru saong quốc phòng biak praong, dang ka 3 dalam dom taneh ia di Liên Xô klak. Belarus daong Việt Nam pato pakai rilo urang jakar, chuyen gia hu trình độ chuyên môn glaong… Urak ini dua gah di mbaoh tangin tame 7 văn kiện pambuak bruk di dua taneh ia.

# Kuhria tal bilan hè thu thun 2017, danak dak tam drak padai thông minh lagaih haong biến đổi khí hậu, kayua Công ty CP Phân bón Bình Điền pambuak bruk  song pasak pachreih nong pakat negar, Cục pala drak peih ngak, ngak hu bruk dalam 4 vụ ngak padai  di 13 tỉnh bhum taneran krong Cửu Long. Meng urang jakar pachreih nong, karja puk palei, tal urang nông jeng brei thau bruk kein lagaih di mô hình.

#Tui mintri Y tế, urak ini janih ruak daok tagok khang duk saong dom bilan ini thun dahlau lac viêm não virus, liên cầu lợn saong pandiak tabiak darah. Kuhtia meng akoak thun tal ini, dalam taneh ia mboh hu jaik 300 urang viêm não vi rút, dalam nan 9 ca metai. Mintri Y tế kakei, bruk caga ruak pandiak tabiak darah saong viêm não virus khang abih lac kayua pametai bọ gậy, pametai jamaok, oh caik jamaok duac, ngak hacih var raong peih takik hu libik daok di jamaok saong oh caik uranaih mein jaik var raong athur. Ruak viêm não virus daok meda pambak tapa jalan tiêu hóa atau jalan hô hấp. Yau nan ye, njauk ngak hacih alam moi truong, sang daok, ngak hacih rup pabhpabhap, bhian rao tangin saong xà phòng.

 # Melam 26/6, di pasak ilamu tỉnh Kiên Giang hu rah tabiak harei patom ilamu uranaih dom bangsa di gah merong  mbang ka VI thun 2017. Tui danak dak , harei patom ilamu thun ni rah tabiak dalam 3 harei, meng harei ni  tal harei 28/6, dalam nan hu rilo danak dak siam lagaih, yau doh tako pabak ka dom uranaih di bhum palei pala, joa pok jien bac, nhà khăn quàng đỏ... Saai Lê Trung Hồ, Bí thư tỉnh đoàn Kiên Giang, Trưởng ban pein ngak harei patom ilamu brei thau: Langiu di harei patom ilamu khol hulin jeng patom tame dong anek saih kan kathaot yam tapa kan kandah bac da-a naih joi.Dalam harei patom ilamu mbang ni khol hulin jao brei nhà khăn quàng đỏ hu yaom 50 triệu ka sa anek saih kan thaot yam tapa kan kandah bac megru naih joi piah dong ka dom adei yam tapa kathaot rambah bac da-a  naih joi

# Dom harei tapa, dalam tỉnh Tiền Giang rah tabiak hajan praong hamiet, ia tagok di kraong tagok glaong ngak glut jaleih trak taneh tapeng ar. Dalam huyen  Cái Bè urak ini hu jaik 30 libik glut jaleih, dalam nan hu 10 libik glut jaleih trak. 

Khaw tin dunya

# Đảng Bảo thủ di Thủ tướng Anh Thê-rê-xa Mây (Theresa May) saong Đảng Liên minh Dân chủ (DUP) – chính đảng praong abih Bắc Ai-len harei 26/6 hu mbaoh tangin tame sa thỏa thuận lịch sử, tui nan brei phép Đảng Bảo thủ par ngak bruk taneh ia hadei tuk lihik biak rilo quá bán di mbang  tổng tuyển cử meng akaok bilan ini.

 #  Ủy viên Châu Âu iek gah pablei salih Xê-xi-li-a Man-xtrôm (Cecilia Malmstrom) bahrau hu panuac lac  khối ni meda hu  bruk  đáp trả meyah dom  gah ngak pasei paseik Châu Âu njauk khat lihik trak kayua bruk patrun patakik blei tame meng gah Mỹ bo karja Tổng thống Đô-nan Trăm dok pasang iek.

# Rajaei Hi Lạp daok padrak công nhân pataom hareih veik hadei mbang padheih ngak bruk 10 harei ngak ka hareik pambuk tagok vil tom dar ban ine Aten. Rajaei dom libik hu njauk hatai peih bruk pataom hareik di dom libik du lịch rilo menuac urang, gah lingiu dom sang iek ruak saong dom gah 4, libik hareik tambuk ngak jhak tal jalan nao mai. Rajaei Hi Lạp jeng kuhria caga ba dự luật tagok Quốc hội ka bruk dui atah hợp đồng lao động ka yaok rabau công nhân pataom hareik.