# Biar harei kabroi 26/6, akaok negar Trần Đại Quang ngak bruk saong urang dang akaok tỉnh Bình Định ka bruk patagok kinh tế XH, khik kajap QP, an ninh, bruk ngak mbang pablei salih saong rai diuk bhap bini dalam tỉnh. Akaok negar caong khin Bình Định brei salih tui jalan sản xuất pandap pambuak saong chế biến saong darak pabeli. Dalam nan pachreih pandar dom tiến bộ khoa học công nghệ tame ngak mbang, abih di nyu nan lac dom janih pajaih barau hu năng suất, chất lượng saong kein laba glaong. 

     # Harei kabroi 26/6, Thủ tướng Rajaei Nguyễn Xuân Phúc pandar akaok UB bhap bini tỉnh Kon Tum samar pasang iek, ngak brei cambaih laih bruk báo chí khan lac hu bruk jah tak glai song pajeng ba kayau suan adat di labik di Công ty lâm nghiệp Đắk Glei, huyện Đắk Glei tỉnh Kon Tum, pathau khan tagok thủ tướng dahlau di harei 10/7

     # Pahadar 15 thun harei baoh sang VN (28/6/2001-28/6/2016), mintri ilamu – TT saong DL peih parang iek thaot binguk ngan saong kadha “mái ấm baoh sang Việt”. Ini lac bruk ngak daok dalam khuôn khổ harei baoh sang VN daok rah tabiak di pasak parang iek ilamu nghệ thuật VN. Parang iek yaih khan jaik 100 blah thaot siam, brei mboh yaok tukvak bình dị, ấm áp di baoh sang VN di grap taneh ia hu palih ruah meng yaok ribau blah thaot hu mbaok tame mbang pakacah “bốn mùa yêu thương”.       

      # UB bhap bini tỉnh Gia Lai hu tabiak harak phê bình Sở Văn hóa, Thể thao song Du lịch, po đầu tư dự án Pasaim labik du lịch Biển Hồ ka bruk kurang tui iek dalam bruk khik ramik padang ngak dự án. Tapa nan, ngak suan jalan tim kè, cột cơ kè song gheng tabung ta luy, ba tal mbuan si glut jaleih di labik đồi Vọng Cảnh song dom labik jiak tapen. Sở văn hóa, Thể thao song Du lịch tỉnh njauk tacei tabiak cambai laih bruk di urang halei, bloh kiểm điểm dom kapul nyaoom menuac urang nan di Sở.

     # Hadei di 6 bilan peih ngak iek bruk bayar chế độ sarak ka urang hu buh pren yava ka cách mạng saong gauk gar di urang hu buh pren yava tapa hệ thống bưu điện di tỉnh Quảng Nam, ralo bhap bini tỉnh Quảng Nam hu daong bruk ngak ini. Meng bilan 1 tal bilan 6 thun 2016, bưu điện tỉnh Quảng Nam pambuak bruk saong sở lao động, TB saong XH peih bayar iek ka jaik 60 ribau mbang urang hu mbang tui jien daong yaok bilan saong daong sa mbang. Tal urak ini, hu bayar ka labaih 58.000 urang mbang tui jien daong, ngan saong yaom jien abih tih labaih 500 tỷ đồng, samu 98,8%.

     # Meng harei 25/6 tal 2/7, kadung jien dong ka uranaih tỉnh Quảng ngãi pambuak bruk song kapul Operation Smile, sang iek ruak Răng- Hàm- Mặt song sang iek ruak Đa khoa tỉnh Quảng Ngãi peih ngak danak dak “ Kayua cambuaii klau hadah sang bac, tuk vak 2015 -2020”. Danakk dakk hu dom chuyên gia Răng-hàm-mặt di 10 negar di dunya song Bác sĩ sang iek ruak Răng- Hàm- Mặt iek ruak blai draih tapak brei saoh ka labaih 300 uranaih jaoh jo, mbaik cambaui. Langiu di bruk blai dreih brei saoh tui njauk quy chuẩn iek glang pren yava y tế dunya di mintri Y tế, danak dak dok hu donog jien nao mai, mbang menyum ka uranaih dalam tuk vakk iek ruak di sang iek ruak.  

    # Dom harei jaik di ini, hajan khang saong hu rilo ghe kapal nao mai ngak brei riyak khang ngak brei takai kraong gah timur di ribaong Chợ Gạo, tỉnh Tiền Giang jaleih khang. Khang di abih lac di dom xã Bình Phục Nhứt, Bình Phan, Xuân Đông saong ban sit Chợ Gạo hu yaok pluh labik jaleih barau. Taphia di nan, dom kapal praong daok pataok, kak talei tame dom phun kayau, vak talei tame takai kraong Chợ Gạo ngak jaleih khang. 

      Patui di ni dom khau tin dunya

     # Harei 26/6, thủ tướng HQ Hwang Kyo-ahn hu nao tal Trung Quốc piah ginum biai song urang pang akaok TQ ka dom bruk Triều Tiên jang yau dom bruk di 2 gah. Dalam mbang riivang 5 harei ni , ong Hwang Kyo-ahn meda hu mbaok di Diễn đàn Davos bilan hè 2016 di Thiên Tân song yaih khan dom sarak KT di HQ, taom gaook Chủ tịch Trung Quốc Tập Cận Bình song (urang  đồng cấp) Thủ tướng Lý Khắc Cường di Bắc Kinh hu piah ginum biai ka bruk cuh tên lửa Musdan jiak di ni di Triều Tiên, jang yau ảnh hưởng dibruk ni ka hòa bình song tani tanat di palao Triều Tiên.

    # Harei 26/6, urang brei panuac bol bala Philippines, Chuẩn tướng Restituto Padilla hu xác nhận thông tin ka bruk 7 thủy thủ Indonesia njauk urang cap 4 harei dahlau, taphia di nan ndom lac dom nạn nhân barau ini daok kreik di tỉnh Silu. Chuẩn tướng Padilla brei thau 7 thủy thủ Indonesia bị njauk  urang cap di bhum tasik di taneh ia ini di 11h harei 22/6. Urak ini bol bala labik pai Mindanao daok taong yaom bruk saong hu kế hoạch brei tiến trình hành động barau piah langyah cambaih urak ini./.

      # Tui bruk palih ruah hu pathau khan di angaok RAYO papar binguk RUV  harei 26/6 giáo sư lịch sử Gudni Johannesson, 48 thun, hu pok ngak Tổng thống Iceland ngan song 39,1%số phiếu ủng hộ. Dalam tuk nan, urang kamei DN Halla Tomasdottir song Thủ tướng Iceland dahlau deih David Oddsson dang ka 2 song ka 3 ngan song 27,9% song 13% phiếu buh brei. Ong Johannesson hu salih ka ong Olafur Ragnar Grimsson, urang khik bruk dang akaok karja dalam luac 20 thun tapa./.