# Kapul urang pakat glong negar Cộng hòa xã hội chủ nghĩa Việt Nam kayua Phó akaok negar  Đặng Thị Ngọc Thịnh pan akaok hu mbaok di Lễ hỏa táng aruah Patao Thái Lan Phu-mi-bôn A-đun-gia-đệt (Bhumibol Adulyadej) hu peih tabiak di ban ine Băng-cốc, negar Thái Lan.  Hu mbaok di Lễ hỏa táng, Phó akaok negar Đặng Thị Ngọc Thịnh song urang pan akaok dom negar hu caik bingu BREI mboh hatai  iek praong anak  linh cữu patao Phu-mi-bôn A-đun-gia-đệt, saong hu maong iek dom nghi lễ hoàng gia, agama hu  ngak dalam  lễ nan.

# Di Hà Nội, Trung ương Đoàn dam dara cộng sản Hồ Chí Minh peih pataom iek veik saong jao giải bruk pakacah sáng tác biểu trưng Nyaom roya Đoàn pakat negar mbang ka XI.  Mbang pakacah sáng tác biểu trưng (logo) pathau khan Nyaom roya Đoàn pakat negar mbang ka XI, tukvak 2017-2022 pachreih hu 140 tác giả ngan saong 205 tác phẩm pakacah. Dalam nan, ralo tác giả hu ralo tác phẩm,  hu tác giả hu tal 9 tác phẩm. Tapa nan, mban peih bruk hu jao giải ka 6 tác phẩm, dalam nan oh hu giải sa; 2 giải dua 4 giải 3.

# Di Đà Nẵng, Cục papar sap, papa binguk song Thông tin điện tử Mintri Thông tin song Truyền thông,  Sở Thông tin song  Truyền thông ban Đà Nẵng hu mbaoh tangin tame danak dak pambuak bruk dalam bruk khik ramik karja ka khau tin điện tử.  Ong Nguyễn Quang Thanh, Giám đốc Sở thông tin song  Truyền thông ban  Đà Nẵng brei thau, meng di thun 2018, Sở hu pambuak bruk song Cục papar sap, papar binguk song thông tin điện tử- Mintri Thông tin song Truyền thông peih ngak iek  padang ngak cơ sở dữ liệu piah khik ramik thông tin mạng.

# Jabat Cảnh sát điều tra tội phạm ka ma túy Công an tỉnh Thừa Thiên-Huế barau cap Trương Thị Phương Chi, umo 30 thun, daok di lait sang 12, jalan  Nguyễn Gia Thiều, phường Phú Hậu, ban sit Huế gam saong 3 urang karei ka bruk khik mepiah, pajeng ba sung hukum ma túy. Langiu di nan, jabat inijeng hu cap gilac 2 urang daok dalam jalan talei ini lac Nguyễn Thị Kiều Nhi saong Hồ Công Phúc, gam umo 26 thun, daok di phường Phú Cát, ban sit Huế.

      # Kapul dong duah urang gaok bala huyện Đạ Huoai (Lâm Đồng) duah mboh urang metai kayua ia krong Đạ Quay ba theik dI 2 harei dahlau . Bruk nan  rah tabiak di beir harei 24/10, tuk saai  Võ Văn Thương (umo 33 thun, palei Quảng Trị) song kapul urang ngak dok peih bruk dut iek ia di krong Đạ Quay, labik nduac tapa xã Đạ Tồn, huyện Đạ Huoai (Lâm Đồng) piah ngak thủy điện ye dano takai, laik trun krong song ia ba theik lihik. Mbiah tal beir harei 26/10, atau di saai Võ Văn Thương meng hu duah mboh atah di labik gaok bala.

# Di Pleiku, Gia Lai, mintri pato megru peih ginum meyai – pasram megru patagok sap Việt ka uranaih mầm non saong anek saih tiểu học bhum urang bangsa takik. Tui mintri pato megru, dalam thun bac 2016-2017,  jaik 7 triệu anek saih di 48 tỉnh ban dalam taneh ia hu bac môn Tiếng Việt tal 1 tui tài liệu công nghệ pato megru di mintri. Meng bruk salih barau jalan pato, mboh lac bac sap Việt di ralo tỉnh hu ralo anek saih bangsa takik hu siam tagok mboh di anak meta.

# Tỉnh đoàn Gia Lai hu peih Nyaom roya Kapul dam dara tỉnh mbang ka 14, tuk vak 2017-2022. 5 thun tapa, dom bruk  di kapul dam dara tỉnh Gia Lai hu peih ngak prong dalam song siam lagaih. Dam dara dalam tỉnh jak ba hu labaih 30 tỷ đồng piah padang ngak dom danak dak, dom bruk dam dara ngan saong jiak 2.300 bruk biak hu makna .

          Patui di ini dom khau tin dunya:

# Takik abih 4 urang metai saong 11 urang karei njauk rambuah hadei di tuk radaih pui paoh tame radaih quân sự di gah meraong Phần Lan. Tui báo chí puk palei, bala ini rah tabiak tuk radaih quân sự kham peih tapa jalan ray di ban Ra-xê-po-ri atah ban ine Hen-xi-ki jaik 90 ki-lô-mét mai gah pai yaom lac radaih pui daok mai tal. Bala nan ngak brei 3 urang lin angaok radaih quân sự saong sa tuai  angaok radaih pui metai. Urak ini dom urang njauk rambuah hu ba nao tal sang iek ruak di Hen-xi-ki saong Ra-xê-po-ri.

# Hạ viện Mỹ hu brei tapa dự luật piah peih prong bruk trừng phạt Iran pagam tal danak dak patagok tên lửa đạn đạo tầm xa di negar ni. Min bruk trừng phạt bahrau oh ngak suan jalan thỏa thuận hạt nhân Iran bo Mỹ song dom negar hu mbaoh tangin tame di thun 2015.  Tui nan, Mỹ brei pakhang bruk trừng phạt dom jabat karja Iran hu pagam tal danak dak tên lửa đạn đạo, jang yau kapul nyaom, menuac urang negar langiu halei dong ka negar ni patagok tên lửa đạn đạo.

# Hãng tin Roi-tơ ba panuac di  Bộ tình trạng khẩn cấp Nga barau khan lac, sruh trực thăng pajeng 8 urang taneh ia ini lahik liên lạc di bhum tasik quần đảo Xvan-bát di Na-uy di Bắc Cực. Tui pathau khan tuk camereip di urang ngak praong Na-uy, sruh trực thăng lahik liên lạc tuk daok angaok jalan par tal Ba-ren-xbuốc (Na-uy) meng labik Pai-ra-mít (Nga) di Bắc cực. Urak ini bruk cứu hộ saong duah sruh kapar haok hu peih tabiak. Quần đảo Xvan-bát daok atah gah brak lục địa châu Âu jaik 700 kilômét, daok dalam chủ quyền Na Uy./.