# Harei 27-2, pak jabat Raja-ei, Phaok Thủ tướng, Akaok Mentri Ngoại giao Phạm Bình Minh hu taom gaok tapak Akaok Điều hành Pasak Pablei salih Dunya (ITC), Amuk A-ran-cha Gôn-da-lết (Arancha González) tukvak amuk hu mbang rivang saong ngak bruk pak Việt Nam. Ndua dhal pol saong taong yaom glaong dom rik daong bo ITC hu brei ka Việt Nam tukvak tapa, Phaok Thủ tướng caong khin ITC daong tư vấn ka raja-ei Việt Nam padang jalan daong dom doanh nghiệp hu mbaok tame dalam jang chuỗi giá trị dunya.

# Pahadar  63 thun harei gru jru  Việt Nam, beir harei 27/2, Kapul gru jru Campuchia asar Việt Nam hu var taom gaok, liên hoan di  Phnom Penh. Ni lac sa kapul halan hatain ngak bruk pahla kayua bhap bini urang  Việt di Campuchia, halan hatain rik dong jien ndua piah peih bruk iek ruak brei saoh, tacei jalan iek glang pren yava, dong ka mik va    urang  Việt gaok kan kandah.

# Harei 27-2, Kapul urang kamei tỉnh Đak Lak tabiak bruk Thun pakacah “Urang kamei nao gam haong pandap mbang hacih sa-at” . Kadha ba tabiak lac jak ba urang kamei jeng urang ba akaok nao dahlau dalam bruk vệ sinh an toàn pandap mbang menyum, oh ngak, oh chế biến, blei pandar dom janih pandap độc hại; jak ba manuac urang mbang, menyum siam ka pren yava rup babhap di drei..v..v

# Melam 27/2,  di ban Gia nghĩa, Sở Y tế Đăk Nông peih melam doh tako ngak pahla hu angan “Melam lagu Blouse patih”, song dom kadha doh  di dom y bác sỹ dok ngak bruk di  tỉnh. Urak ni, di Đăk Nông hu 5 sang iek ruak padang hu ging mbang anit ranam, brei saoh jiak  50.000 var lasei ka dom urang ruak kan kathaot dok iek ruak di sang iek ruak. Abih tih pok jien pataom hyu dalam dom melam doh lagu  Blue patih di  Đăk Nông hu payua tame dom ging mbang ni piah patagok parilo pok lasei huak ka dom urang ruak.

# Pambuak pagam tal bruk bảo mẫu taong poh ralo anek naih sit di sang bac mầm non Mầm Xanh dalam phường Hiệp Thành, Quận 12, bal HCM, jabat Cảnh sát điều tra Công an Quận 12 bahrau ngak blaoh bruk pataom mek dom chứng cứ piah brei mboh bruk phạm tội di Phạm Thị Mỹ Linh (po sang bac mầm non Mầm Xanh) saong Nguyễn Thị Đào (bảo mẫu sang bac Mầm Xanh) piah langyah bruk “taong poh urang karei”. Công an quận 12 hu  ba taong abih hồ sơ vụ án tapa viện kiểm sát bhap bani gam pakat piah truy tố 2 bảo mẫu.

Khaw tin dunya: 

# 2 urang metai di Ru-ma-ni kayua tuyết laik kapan  song lingik la-an tal ala 0 độ C. Langik kan kandah  oh lac di  Ru-ma-ni song di  châu Âu  ngak ka rilo mbang par klak nao, bruk pajeng ba di angaok jalan mbak song jalan pasei jeng klaih klaoh, dom sang bac kreik pambah mbang. Di rilo negar, nhiệt độ trun beir di abih dalam rilo thun song bruk liar meda dui atah dalam rilo adit.Di Italia, karja njauk ba  quân đội tabiak pacang cakak dom jalan mbak kayua ribuk tuyết, sa bruk takik mboh di negar ni hiếm khi xảy ra tại nước này./.

# Dom công tố viên Hàn Quốc harei 27/2 hu đề nghị mức án 30 thun guk ka urang dahlau diah ngak tổng thống Pắc Cưn-hê, urang njauk pajaleih rai hadei di bruk bê bối di thun 2016. Amuk Pắc Cưn-hê, umo 66 thun, njuak truy tố dalam bilan 4/2017 ngan haong 18 tội tham nhũng, dalam nan hu tội mbang hối lộ, lạm dụng quyền lực saong ngak lộ bí mật negar. Amuk Pắc Cưn-hê daok karek dalam guk kuhria meng bilan 3/2017, hadei di tuk Tòa án Hiến pháp tabiak phán quyết pajaleih rai amuk. Phiên tòa tuyên án amuk Pắc Cưn-hê tui kuhria rah tabiak dalam puac bilan 3 anak tal.

# Harei 27/2, Thủ tướng Thái Lan Pra-út Chan-ô-cha ndom lac, bruk bầu cử di negar ni  hu peih ngak dahlau di bilan 2/2019. Karja  quân sự di Thái Lan hu dom mbang brei padeih  bruk  tổng tuyển cử meng di tuk tagok pal bruk hadei di di mbang  đảo chính thun 2014. Dalam mbang padeih jiak di ni, harei palijh ruah hu njauk tame bilan 11, min dalam bilan  1 meng bloh, Hội đồng Lập pháp Quốc gia (NLA, ieu lac Quốc hội Thái Lan) kayua quân đội ba tabiak hu salih hukum bầu cử,   sa bruk brei thau mbang palih ruah njauk brei padeih./.