# Pak bal Buôn Ma Thuột, tỉnh Đak Lak, Mentri Ngoại giao pambuak haong UB bhap bani tỉnh peih tal pato pathram ilamu đối ngoại brei ka urang jakar dom  tỉnh, bal bhum kreh negar saong Tây Nguyên. Pak ini, urang bac hu thau dom ilamu pambuak pagam tal bruk đối ngoại tui dom asal kadha: bruk ngak tapen negar, bruk ngak urang Việt Nam di negar langiu, bruk ngak lãnh sự, lễ tân đối ngoại, talei rohim pambuak bruk di bhum klau kieng patagok Việt Nam – Lào – Campuchia.

# Piah khik caga an ninh trật tự, an toàn giao thông dalam kraong Hàn dahlau, dalam saong hadei Lễ hội pháo bingu dunya Đà Nẵng 2018, Bộ Chỉ huy Bộ đội Biên phòng ban Đà Nẵng pandar uy mban bhapbini dom quận, huyện tacei pato uy mban bhapbini dom phường, xã, tổ dân phố khan ka dom po kapal, gilai saong urang bhapbini ka bruk pakauk pandar kapal, gilai saong dom janih pandap nao mai dalam ia karei pajeng tuai damuai meng pháo di krong Hàn dalam dom melam 30/4; 26/5; 2/6; 9/6 saong 30/6. Tabhia nan, pakauk dom janih nduac dalam ia tapa kraong Hàn libik meng tatua Rồng tal tatua Thuận Phước meng  17h00 tal 23h00 dom harei ndom angaok nan.

# Tui kuhria mboh di Gah y tế dunya, yaok thun, Việt Nam hu jaik 40 ribau urang metai kayua ruak pambuak pagam tal bruk pandar pakao hala saong manuac urang njauk ruak ung thư phổi hu njuk pakao tagok labaih 97%. Tiến sỹ Pắc Ki Đông, Akaok lambaok gah Y tế dunya pak Việt Nam brei thau, chất nicotin dalam pakao hala nan lac chất gây nghiện saong kayua yau nan bo klaak pakao hala oh lac mbuan.

# Meng akaok thun tal ini, khoa Truyền nhiễm – sang iek ruak Nhi Trung ương taduan raok saong iek ruak labaih 70 uranaih gaok ruak sởi, dalam nan labaih 85% oh ka klauk caga atau oh ka tal thun klauk vắc xin sởi. Rilo uranaih gaok biến chứng viêm phổi njauk iek ruak tích cực. Yau nan ye, mintri Y tế hu roh duah saong kham merat klauk vắc xin sởi ka uranaih meng umo 6 bilan salih ka 9 bilan ye urak ini. Ruak sởi bhian rah tabiak di bilan Đông Xuân, min, dom thun jaik ini gilac rah tabiak yaok thun.

# Gilang pariak Karja Việt Nam bahrau hu harak brei thau ka brukkhik kajap chất lượng dịch vụ an ninh, an toàn meng máy suak jien tự động (ATM) tuk pdeih lễ 30/4 saong 1/5. Gilang pariak karja pandar dom gah pabak bruk thanh toán thẻ  najuk caik hatai tal bruk pacang caga sao chép, co klaik thông tin thẻ pak ATM, bhian pasang iek bruk ngak di dom ATM (Abih di nyu lac di dom khu công nghiệp, labik me-in bui sambai, giải trí,  labik hu ralo bhap bani daonk khin suak jien ralo) piah duah mboh, pambuak bruk langyah samar drah, dom tbruk ATM abih jien, khik siam hệ thống ATM.

Khaw tin dunya

       # Akaok mintri năng lượng Mông Cổ Đa-va-xu-ren (Tserenpil Davaasuren) brei thau, meng akaok bilan 4 thun hadei, taneh ia pandalệnh pakauk pandar dang di ban ine U-lan Ba-to (Ulan Bator) piah trun takik nerak không khí. Piah ngak bruk ini, Mông Cổ hu dak padang sa sang mac sản xuất nhiên liệu piah salih dang. Nerak không khí daok lac bruk dut hatai di ban ine U-lan Ba-to, libik hu labaih 800 rabau bhapbini daok. Dom urang bhapbini bhian cuh dang atau pandar dom vật liệu mbuan si khuah ye nhựa, lốp klak piah sưởi ấm saong menhek mbang.

       # Pasak pasang iek saong pacang caga jit ruak Trung Quốc brei thau, labaih 140 ribau urang di negar ini njauk njaom mbak ruak takai, tangin, cambuai saong hu 6 urang metai kayua ruak ini dalam thun ini. Tui harak khan brei thau, dom 142 ribau urang njauk ruak takai tangin cambuai, hu jaik 600 urang daok njauk ruak trak. Jabat ini kakei lac, njauk peih ngak dom jalan ngak mong iek ka nyu catang piah pacang cakak ruak nyu pambak prong, abih di nyu lac dom sang bac tiểu học saong sang khik uranaih.

# Urang Chủ tịch barau Cuba Mi-gu-eo Đi-át Ca-nờ (Miguel Diaz-Canel) dang akaok mbang nyaom akaok meti di Hội đồng akaok mintri ka dom bruk ngak di taneh ia. Asal kadha praong di mbang nyaom lac kadung sarak karja saong bruk sraiy công.  Ông Mi-gu-eo Đi-át Ca-nờ hu pilih ruah ngak akaok Hội đồng karja saong Hội đồng akaok mintri Cuba meng adit dahlau. Lac urang ngak bruk di urang dang akaok Ra-un Cát-xtơ-rô (Raul Castro), Chủ tịch barau Cu-ba njauk ngak dom sứ mệnh praong saong rilo kan kandah lac bruk sarak đối ngoại, abih di nyu nan lac Mỹ, jeng ye par ba kinh tế di taneh ia Ca-ri-bê (Caribe) ini./.