# Patui danak dak mbang nyaom ka 5, Quốc hội mbang 14, harei ini (28/5), dom urang QH pataom gauk ginum biai di hội trường ka bruk peih ngak sarak, adat hukum ka khik ramik, pandar phn jien, drap ar karja di doanh nghiệp saong cổ phần hóa doanh nghiệp karja tukvak 2011 - 2016. Thun 2017, dalam taneh ia brei peih bruk cổ phần hóa 69 doanh nghiệp nan lac: 1 Tập đoàn, 10 Tổng công ty karja saong doanh nghiệp praong. Min urak ini bahrau hu 21 doanh nghiệp hu cổ phần hóa, mek veik hu 5 ribau 192 tỷ đồng.

# Harei kabroi 27/5, di TPHCM, Ủy viên Bộ Chính trị, akaok Quốc hội – amuk Nguyễn Thị Kim Ngân saong dom urang dang akaok TPHCM nao tadhau ayuh Phật đản thun 2562, lac thun 2018 saka ia harei di Văn phòng 2, Hội đồng trị sự Trung ương Giáo hội Phật giáo Việt Nam saong Ban Trị sự Trung ương giáo hội Tịnh độ Cư sĩ Phật hội Việt Nam haong dom labik karei. Di dom labik nao ravang nan, Chủ tịch Quốc hội Nguyễn Thị Kim Ngân tadhau ayuh dom Hòa thượng, dom urang  giáo phẩm Hội đồng Chứng minh, Hội đồng Trị sự Giáo hội Phật giáo Việt Nam haong taong baih tăng, ni, tín đồ Phật giáo hu pren yava khang kajap, siam mekre.

          # Urak ni,  tuainao tal ban Nha Trang bhian pataom gauk mai jalan Trần Phú piah main sambai, menei ia tasik, giải trí. Urak ni, gah Pai di jalan ni bahrau hu labaih 9 baoh saman công cộng oh pabak ginup ka bhap bini song tuai damuai. Dalam tuk nan, gah daih jalan, oh ka hu saman công cộng halei. Jabat chức năng tỉnh Khánh Hòa hu jak ba dom  khách sạn di angaok jalan Trần Phú peih pambah mbang  nhà vệ sinh piah duh ka bhap bini. Anak tal, Sở Du lịch hu panuac ieu dom  doanh nghiệp xã hội hóa đầu tư, peih dom nhà vệ sinh piah bhap bini song tuai damuia meda pandar saoh dom boh saman di dom khách sạn. 

# Harei kabroi 27/5, Sang iek ruak Quân Dân Y huyện pulao Phú Quý, tỉnh Bình Thuận cấp cứu 7 urang njauk jru mek pandap mbang kayau mbang ikan chình tasik. Ini lac bruk oh ka bhian mboh, oh ka bhian rah tabiak. Dom urang trực di sang iek ruak samar daong ka urang njauk jru mek. Urak ini, pren yava di 7 urang nan daok siam veik.Tui dom urang thau bruk, ikan chình lac janih ikan siam. Dom urang njauk jru mek nan meda kayua mbang nok atau bạch tuộc tanuh hijao meng njauk jru mek yau nan. Jabat y tế pulao daok caik hatai sangka tal bruk ini. 

# Harei 27/5, di ban Cao Lãnh, tỉnh Đồng Tháp, Mintri pajeng ba hu peih  tatua Cao Lãnh song jalan pambuak tatua Cao Lãnh - tatua Vàm Cống di Dự án pambuak bhum pasak  taneran  Mêkông. Tatua Cao Lãnh  nao tapa krong  Tiền  atah 2,01 km song jalan pambuak  tatua  Cao Lãnh – tatua  Vàm Cống atah 21,45 km nao tapa   huyện Cao Lãnh, ban  Cao Lãnh song  huyện Lấp Vò di tỉnh Đồng Tháp. Abih tih yaom jien padang ngak labaih 7.500 tỷ đồng.

Khaw tin dunya:

# Ngoại trưởng Iran Da-ríp (Mohammad Javad Zarif) brei thau, dunya pachreih tui bruk daong thỏa thuận hạt nhân di taneh ia ini haong kapul P5+1 hadei di tuk Mỹ tabiak truh thỏa thuận. Tui ngoại trưởng Da-ríp, dunya hu panuac pachreih tui thỏa thuận hạt nhân haong Iran, lingiu I-xra-en saong dom taneh ia Ảrập tui bruk Mỹ tabiak truh thỏa thuận, daok hu thau tal saong angan ieu lac Jalan ngak haong gauk (JCPOA).

# Takik di abih 23 urang metai dalam mbang glut jaleih taneh kayua hajan khang di gah kreih negar  Ê-ti-ô-pi-a harei 27-5. Tui khau tin di labik ni, mbang glut jaleih taneh rah tabiak di bhum Ô-rô-mi-a (Oromia) hadei di mbang hajan khang dui atah dalam rilo tuk. Langiu di nan hu 6 urang karei njauk rambuac dalam mbang glut jaleih taneh. Urak ni, tame bilan hajan di Ê-ti-ô-pi-a. Dom mbang hajan khang di negar  Đông Phi ni lavik lavik hu rah tabiak glut jaleih taneh di dom  abik..

# Urang tabiak panuac di mintri Ngoại giao Mỹ Hi-thơ Nau-ớt (Heather Nauert) khan lac sa kapul urang Mỹ daok taom gaok dom urang ngak praong Triều Tiên di palei đình chiến Bàn Môn Điếm, daok di biên giới Hàn Quốc saong Triều Tiên, piah ginum biai ka bruk meda peih bruk taom gaok thượng đỉnh Mỹ-Triều. Tui amuk Nau-ớt, 2 gah daok caga ka sa mbang taom gaok di Tổng thống Mỹ Đô-nan Trăm (Donald Trump) haong urang dang akaok Triều Tiên Kim Jong-un". Dahlau di nan, blah báo Bưu điện Oa-sinh-tơn (Washington Post) brei thau, urang dahlau daih ngak Đại sứ Mỹ di Hàn Quốc Xung Kim (Sung Kim), urak ini ngak Đại sứ Mỹ di Phi-líp-pin, hu brei nao tal Triều Tiên saong lac urang ba akok dom bruk caga ka mbang taom gaok pakat glaong di abih ini./.