# Tukvak pahadar 15 thun Harei baoh sang Việt Nam, harei kabroi 27/6, Vụ Baoh sang, kapul Dam dara Mentri Ilamo – Padhih saong rivang ma-in peih  ginum biai “Likei kumei samu gauk haong dom cuang kandah di dom baoh sang ranaih urak ini”. Dom urang lambaok pataom tame ginum biai ka bruk likei kumei samu gauk pak Việt Nam saong dom cuang kandah ka bruk likei kumei samu gauk ngan haong baoh sang ranaih urak ini... Meng dom hagait hu mboh di anek anek meta, dom urang lambaok hu ba tabiak dom jalan ngak yau paglaong bruk khik iek Karja ka bruk likei kumei samu gauk, padang cơ sở dữ liệu jeng yau padang bộ chỉ số giám sát, taong yaom bruk peih ngak Hukum Bình đẳng giới v…

    # Yaom jien pablei kaya nong tabiak negar langiu di negar drei 6 bilan tapa hu  15 tỷ 50 triệu đô la, tagok dut song tuk vak ni thun dahlau. Yaom jien pablei dom janih pandap kaya nong hu 7 tỉ 320 triệu đô la, tagok 5,1% dut song tuk vak ni thun dahlau. Dom janih pandap yau cà phê, am riak kalu, asar paoak blait, kaya ikan jeng daok tagok rilo.Tagok khang di abih nan lac cà phê, hu 1 tỉ 710 triệu đô la, patui di nan lac asar paaok blait. Yaom jien pablei brah tabiak negar langiu trun biak rilo dut song tuk vak ni thun dahlau.   

     # Mbang pakacah Trung học phổ thông negar thun ini, dalam negar hu labaih 887 ribau anek saih tut angan tame pakacah, trun labaih 118 ribau thí sinh (jaik 12%) dut haong thun 2015. Thun ini, dalam negar hu 120 cụm pakacah, dalam nan 70 cụm pakacah kayua dom sang bac Đại học dang tabiak peih ngak saong 49 cụm pakacah kayua Sở Pato megru, Cục Sang bac (Mentri Quốc Phòng) dang tabiak peih ngak, ngan haong labaih 31 ribau duk pakacah. Mbang pakacah rah tabiak dalam 4 harei, meng harei 1 tal harei 4 bilan 7. Harei 30/6, thí sinh meda nao tal dom labik pakacah piah ngak harak ba-ar pakacah.

     # Tạp chí Condé Nast Traveler, Pháp bahrau palih ruah song pathau khan, hu 3 labik mai rivang di VN lac Sa Pa, Hội An song Vịnh Hạ Long dalam angan 50 labik siam abih di Châu Á. Top 50 labik siam di abih châu Á dok hu mblang bein Bunaken Marine  song  Ubud - Bali (Indonesia), đền Taj Mahal (Ấn Độ), Tanah Lot, mblang bein  Nara (Nhật Bản), Luang Prabang (Lào), Langkawi (Malaysia).

     # Dalam dom harei meng 26 tal 28/6, pak Liên bang Nga, rah tabiak Nyaom roya mbang ka XV Đảng “Negar Nga Yasa”, Đảng pal akaok urak ini. Kapul urang lambaok Đảng drei kayua ong Phạm Xuân Sơn, Phaok Akaok Ban thường trực Ban Đối ngoại Trung ương ba akaok hu mbaok di nyaom roya. Dalam kadha ndom puac di drei, ong Phạm Xuân Sơn taong yaom glaong bruk ngak haong labik dang di Liên bang Nga ngan haong sa negar prong di Á-Âu, caong khin Nga ngak siam jang bruk pacang cakak dom cuang kandah, jhul kadhul likuk dom kanjah jhak, rik daong tame bruk dak padang sa bhum châu Á – Thái Bình Dương sron mbon, grap tanat saong cakrpk patagok.

     # Di ban ine Viêng Chăn (Vientiane), Kapul urang dang akaok Hội Chữ thập đỏ Việt Nam kayua Phó Chủ tịch, Tổng Thư ký Đoàn Văn Thái pan akaok kapul hu nao rivang song ngak bruk song Lào meng harei 27 tal harei 28/6. Bilan 11/2013, 2 Hội Chữ thập đỏ Việt Nam song Lào hu mbaoh tangin tame harak pambuak bruk tuk vak 5 thun 2014-2018 song dom asar prong pambuak bruk ginum biai, pambuak brukpato pakai, patagok pren khang. Pambuak bruk dalam bruk XH pahla. Pambuak bruk dalam dom mbang diễn đàn khu vực song dunya.

      # Pak negar Cam-pu-chia rah tabiak Nyaom biai di Kapul urang lambaok Bộ Tư lệnh Bộ đội Biên phòng Việt Nam saong Kapul urang lambaok Tổng cục Di trú, Bộ Nội vụ Cam-pu-chia. Pak njaom biai, dua gah njauk hatai glaong dom kadha mek hu, ngak brei grap tanat siam an ninh trật tự, palaghaih ka dom bruk nao mai labik tapen negar tapa pabah mbang negar, ngak brei patagok  kinh tế- xã hội, paglaong bruk gul pataom di bhap bani dua negar.

     Patui di ni dom khau tin dunya

     # Hãng tin RT di Nga brei thau  Tổng thống Putin taduan hu sa harak thư meng tổng thống Thổ Nhĩ Kỳ Tay-íp Éc-đô-gan (Tayyip Erdogan), dalam nan hu panuac likau maaf kayua urang phi công metai dalam mbang kapan haoh Su-24 di Nga njauk kapan haoh Thổ Nhĩ Kỳ chuh laik di tapen negar Xyri. Dalam harak thư Tổng thống Thổ Nhĩ Kỳ hu panuac ieu Nga lac sa ayuh song lac sa gah pambuak bruk praong, kayua yau nan ye, karja Thổ Nhĩ Kỳ oh cong khin padeih talei pambuak bruk ni. Tổng thống Thổ Nhĩ Kỳ brei mboh hatai caong pasiam veik talei rohim song Nga.

    # Takik di abih 18 urang metai saong labaih 30 urang karei njauk rambuis dalam 2 mbang njauk bala angaok jalan mbak biak trak rah tabiak harei 27-6 pak labik Tây Nam saong Tây Bắc di Pakistan. Sa sruh radaih buýt pajeng 40 urang laik trun ceik tuk cua gấp di canah jalan ceik pak quận Khu-đa (Khuzdar) tỉnh Ba-lô-chi-xtan (Balochistan), gah Tây Nam Pakistan. Mbang njauk bala trak ini ngak ka 11 urang metai saong 25 urang karei njauk rambuis. Sa mbang njauk bala trak rah tabiak jeng dalam harei nan ngak 7 urang metai saong 5 urang karei njauk rambuis. Bala rah tabiak pak quận Soát (Swat) dalam tỉnh Khi-bơ Pắc-tin-khoa (Khyber Pakhtunkhwa), gah Tây Bắc Pakistan tuk sa sruh radaih tải ginuh gauk haong srah radaih hơi.

     # Di ban ine Băng-cốc (Bangkok), Liên đoàn Lao động Thái Lan song kapul lao động dunya (ILO) song kapul Di trú dunya (IOM) pambuak bruk peih ginum biai patagok siam lagaih Biên bản hadar pambuak bruk lao động di Vn song Thái Lan. Di nyaom biai, dom urang lambaok ginum biai ka bruk urang ngak VN di tHái Lan, dom kan kandah dalam bruk khik ramik song tui iek bruk nhập khẩu urang ngak VN di negar ni./.