# Biar harei 27/7, di jabat ngak bruk rajaei, Thủ tướng Nguyễn Xuân Phúc hu taduan akaok mintri Ngoại giao Malaysia Anifah Aman daok rivang VN. Thủ tướng Nguyễn Xuân Phúc caong khin dua gah samar ginum meyai saong mbaoh tangin tame dom hiệp định pambuak bruk ka pacang cakak pablei menuac, Hiệp định dẫn độ, Hiệp định chuyển giao urang njauk akaoh duac daok gut, patagok talei pambuak bruk daong bala angaok tasik. Jhul pakhang pambuak bruk lao động, DL, giao lưu bhap bini.

  # Ngak tui thỏa thuận di dua mintri Quốc phòng, kapaul urang jakar mintri Quốc phòng Ôt-xtrây-li-a tapa ravang, ngak bruk di Việt Nam meng harei 26 tal 30/7. Bair harei 27/7kapul hu ginum biai saong kapul mintri Quốc phòng Việt Nam. Dua gah njauk hatai gauk khik dom cơ chế đối thoại hu blaoh, paglaong ginum biai dom pakat; pakacah pato pakai ngoại ngữ, paglaong ilamu ka kapul quân y, công binh pataom tame bruk khik hòa bình Liên hợp quốc, alamu duah daong bala saong tham vấn …

# Mintri ilamu, TT saong DL barau hu harak payua sở ilamu TT tỉnh Thừa Thiên - Huế pambuak tal bruk kabo diuk patao Tự Đức njauk la-ua klak ngak mblang khik radaih. Mintri ilamu, TT saong DL pandar sở ilamu TT saong DL tỉnh Thừa Thiên - Huế brei tacei pato po đầu tư ruah duah ramik veik bruk padang mblang khik radaih tui jalan khik kajap bruk khik ramik, patagok yaom glaong di inem krung.

# Harei 27/7, Ủy ban bhapbini tỉnh Bình Thuận peih mbang nyaom pang dom gah đầu tư khan brei thau ka tiến độ thi công dom dự án sang mac nhiệt điện di pasak Điện lực Vĩnh Tân saong dom bruk khik caga alam môi trường. Urak ini, mintri Tài nguyên saong môi trường jeng oh ka quyết định jao mblang ia di libik  30 héc-ta ka Vĩnh Tân 1. Yau nan ye, po đầu tư oh ka peih bruk kuac saong ngak karam.

# Harei 27/7, tỉnh Kon Tum peih pakak Đền tưởng niệm dom anh hùng liệt sĩ Trường Sơn, Khu tưởng niệm dom anh hùng liệt sĩ di huyện Kon Plông.  Tapa nan, tỉnh Kon Tum hu taduan 3 công trình an sinh XH meng gilang pariak Công thương Việt Nam, nan lac: padang ngak 487 baoh sang ka urang kan kathaot, baoh sang njom jru mek klik kruoc dioxin; blei 500 drei kabau, limo pajaih ka dom baoh sang khuyết tật saong uranaih metui medhua; pasiam veik, peih praong sang iek ruak phục hồi chức năng di tỉnh ngan saong abih tih phun jien labaih 30 tỷ đồng.

  # Harei 27/7, Đảng bộ, karja saong bhapnini Đồng Tháp peih ngak praong prang harei truy điệu, cải táng 106 hài cốt liệt sĩ quân tình nguyện saong chuyên gia Việt Nam hy sinh di dom tukvak mesruh matak di taneh ia Campuchia. 106 hài cốt liệt sỹ hu cất bốc, ba nao puk palei cải táng mbang ini hu đội K91 di Bộ Chỉ huy Quân sự tỉnh Đồng Tháp duah hu dalam dua tỉnh Prâyveng saong Pôsat (taneh ia Campuchia).

  # Harei 27/7, tỉnh Lâm Đồng daok hu hajan khang, ia di dom kraong mbuan ngak jeng ia sua di dom bhum hạ lưu. Dom labik di tỉnh Lâm Đồng jeng daok dauk dalam ia sua, yaok pluh ar pacang, taluy saong dom jalan mbak njauk glut jaleih, ngak kan kandah khang tal rai diuk saong bruk ngak mbang, pala drak di bhap bini.

  Khaw tin dunya

# Harei kabroi 27-7, Thượng viện Mỹ hu njauk hatai brei tabiak lệnh trừng phạt Nga saong ba dự luật ini tagok piah Tổng thống tut angan langyah atau phủ quyết. Kết quả buh phiếu di Thượng viện Mỹ hu ba tbaiak meng tỷ lệ áp đảo 76 phiếu ủng hộ saong 1 phiếu cakak ngak saong bruk ủng hộ khang di Nghị sỹ đảng Cộng hòa jeng ye đảng Dân chủ. Tui dom urang langyah, bruk gam Thượng viện saong Hạ viện brei tapa lệnh trừng phạt Nga meda cagar rajaei di Tổng thống Đô-nan Trăm yah klak dom bruk trừng phạt Nga, ngak kan kandah ka dom kham merat di ông Đô-nan Trăm piah pasiam talei pambuak bruk saong Nga.

# Harei 27/7, taong abih dom urang dalam hạ viện Prang hu buh phiếu brei tapa dom quy định, tui nan, oh brei adat dom chính trị gia taneh ia ini mek gauk gar yau diuk/pasang atau anek taco tame ngak trợ lý dalam QH. Dom quy định ini lac piah plaih bruk bê bối yau bruk urang dahlau daih lac Thủ tướng Prang Phăng-xoa Phi-ông saong diuk drei, bhian lac bất lợi praong tuk ong tranh cử Tổng thống. Luật ini hu pandar ngan saong dom akaok mintri saong dom urang dalam Quốc hội Prang,  pamaong tal bruk cakak klaoh dom gah chính trị pah menuac lac gauk gar ngak trợ lý, lac makna ngak brei bhap bini oh jia tame gah chính trị gia Prang./.