Khaw tin 10h30 saong 14h30 harei 2/8

        #/ Harei 1/8, di ban raya HCM, akaok negar Trần Đại Quang song dom urang QH di kapul urang Quốc hội khóa XIV, Đơn vị 1 – ban raya HCM hu var taom gaok cử tri di Quận 1, Quận 3 piah pathau khan ka mbang nyaom ka sa, QH mbang 14, caik hatai pang dom bruk bo cử tri sangka. Lambaok Kapul urang Quốc hội mbang XIV, Đơn vị 1 – ban raya Hồ Chí Minh, akaok negar ong Trần Đại Quang hu panuac dar phol cử tri hu caik hatai jia glong ngan song dom urang QH, song hu panuac sinya peih ngak siam danak dak bruk ngak hu ba tabiak dalam dom nyaom taom gaok cử tri, jak ba bầu cử. Akaok negar brei thau meda roh duah bruk salih bahrau jalan tom gaok cử tri, tapa nan ngak brei jiak gauk jang, bhian randap jang di urang QH song cử tri.

       # Melam kabroi (1/8), bruk peih pakak Hội khỏe Phù Đổng pakat negar thun 2016 hu rah tabiak di mblang vận động ban sit Vinh, tỉnh Nghệ An. Mai pataom mbaok hu Phó Thủ tướng rajaei Vũ Đức Đam. Hội khỏe Phù Đổng pakat negar thun 2016 hu labaih 6.000 Vận động viên lac anek saih di dom sang bac Trung học phổ thông, sang bac tiểu học di dom labik pato megru lambaok ka 63 tỉnh ban mai pakacah 15 janih thể thao, yau ye :Điền kinh,, Cờ vua, Bóng chuyền, caoh blong, Karatedo, Taekwondo, Pencak Silat, Vovinam, Bóng bàn…. Brei panuac di tuk peih pakak, Phó Thủ tướng Vũ Đức Đam ndom lac :“Hội khỏe hu peih tabiak piah pachreih bruk bac da-a saong pathram padhih dalam sang bac, dalam urang ranaih umo saong pambak tabiak  xa hoi. Angan ieu Phù Đổng, ndung bak thaot binguk Thánh Gióng, Hội khỏe Phù Đổng daok paih paglaong pato pakai hatai ranam taneh ia, hatai tự hào tự tôn bangsa”.

         #/ Piah pacang caga, patrun khat lihik kayua ribuk, hajan, harei 1/8, Tập đoàn Điện lực Việt Nam hu công điện khẩn 3148/EVN-AT pandar dom đơn vị samar pasiam veik dom khat lihik kayua ribuk ka sa Mirinae. Taphia di nan, peih dom jalan ngak piah pacang caga ribuk ka 2, langyah samar dom bruk rah tabiak, khik kajap bruk pabak điện, an toàn ka urang, thiết bị, công trình song siam mekre ka bhap bini, caga ginup menuac urang, pandap panda piah pasiam dom khut khat kayua bala.

        # Tapa pasang iek di Cục raong glang saong Thanh tra chuyên ngành di mintri ngak nong saong patagok palei pala hu mboh rilo bruk ngak suan gah chat luong pandap mbang raong glang athur, menuk ada. Mintri ngak nong saong patagok palei pala du harak pandar dom cơ sở ngak, pablei salih pandap mbang athur ngak njauk adat ka khik ramik pandap mbang raong glang.

        #/ Harei kabroi 1/8 Tỉnh đoàn ĐaK Lak peih mbaok adit pakacah thể thao bilan hè 2016. Hu mbaok di adit pakacah thể thao bilan hè thun ni hu labaih 150 VĐV mai meng dom xã, phường di ban Buôn Ma Thuột, tỉnh Đắc Lắ. Dom adei hu pakacah dom môn thể thao yau cầu lông, bóng bàn, chaoh blong Futsal  song bóng rổ.

        # Pasak pablei salih Saigon Centre ban raya Hồ Chí Minh barau peih pakak di harei kabroi (1/8). Labik ini hu labaih 400 thương hiệu dalam taneh ia saong dunya. Dalam nan, jaik 30% taneh di pasak pablei salih lac labik mbang menyum ngan saong jaik 50 nhà hàng, quán cà phê saong quầy pandap mbang menyum. Tuai damuai mai tal ini ravang mein saong blei pandap, daok hu pandar dom dịch vụ oh abih jien yau sạc điện thoại, khik pandap, radaih jhul saong radaih lăn. Dom sang hu anek sit meda nao tal libik tổ hợp mein bui sambai bac megru tiNiWorld.

     #/ 135 blah rup cih ka lingik tasik gheih mekre, anek menuac HN hu yaih khan tal bhap bini dalam mbang parang iek “ Sambo màu HN” peih tabiak di bier harei 1/8 di sang paranng iek 29 Hàng Bài, Hà Nội. Parang iek lac sa bruk ngak ilamu hu makna di gah mỹ thuật ban ine pahadar 71 thun CM bilan 8 song Quốc khánh 2/9 song 50 thun harei padang Hội Liên hiệp văn học nghệ thuật Hà Nội (1966-2016).

Khaw tin dunya

        #/ Akaok  Ủy ban Olympic dunya (IOC), Thomas Bach, bahrau hu panuac khik caga jalan ngak di IOC dalam bruk oh tabiak lệnh cấm hu mbaok tame Olympic 2016 song kapul thể thao Nga, hadei di mbang khủng hoảng dopinh meng bloh. Chủ tịch IOC ndom lac bruk cấm dom bộ phận VĐV Nga hu mbaok di Olympic Rio 2016 tok lac sa binah dalam dom bruk ngak patui di nan, bo IOC caga peih ngak, piah mesruh song bruk pandar chất cấm dalam thể thao./.

       # harei 1-8 di ban ine Praha di Cộng hòa Séc, Ủy ban bhapbini tỉnh Vĩnh Phúc hu peih nyaom biai yaih khan tiềm năng saong cơ hội buh jien tame ngak mbang di tỉnh. Tapa nan, dom urang urang dang akaok tỉnh hu yaih khan angan 42 dự án ieu buh jien tame ngak mbang tui dom jalan yau đầu tư pandar jein daong patagok (ODA), 100% phun jien taneh ia langiu (FDI), atau pambuak bruk công-tư (PPP). Tỉnh sanya ba mbuan lagaih di abih ka dom doanh nghiệp taneh ia langiu, dalam nan hu dom doanh nghiep mai meng Cộng hòa Séc, đầu tư saong ngak mbang hu kein laba di tỉnh.

       # Bang Florida di Mỹ brei thau hu bahrau 10 urang njaom Zika, nan ye abih tih urang njaom Zika dalam mbang tagok tal 14 urang kayua jamaok ba virus njom mbak. Gah y tế mbang Florida brei thau, bruk njaom mbak virus Zika daok giới hạn dalam sa labik sit. Dom chuyên gia y tế daok peih bruk dut iek dom urang ruak ini.