# Mesup 27/6, Thủ tướng Nguyễn Xuân Phúc taduan raok muk  Hilda Heine, Tổng thống Cộng hòa Hợp tác Guyana David Granger mai rivang Việt Nam hu mbaok di nyaom roya Quỹ môi trường dunya  (GEF) mbang ka 6. Tổng thống Guyana David Granger tong yaom glong dom jak jeng prong di  Việt Nam dalam bruk patagok kinh tế, patruh eik, patrun kathaot, ba drei tame  khu vực song dunya, brei mboh hatai khin Việt Nam patagok, peih prong pambuak bruk di  bhum Nam Thái Bình Dương song Nam Mỹ.

# Phó Thủ tướng Vương Đình Huệ harei 27/6, hu taduan raok dom urang dang akaok di Hội đồng pablei salih Hoa Kỳ-ASEAN (USABC) saong dom doanh nghiệp dang akaok di Hoa Kỳ urak ini daok ngak mbang pablei salih di Việt Nam. Dom doanh nghiệp Hoa Kỳ ndua dhar phuan bruk daong brei bo rajaei Việt Nam hu caik ka doanh nghiệp Hoa Kỳ ngak bruk di Việt Nam dalam tukvak tapa; brei thau Việt Nam lac darak pasal năng động ngan saong rilo tiềm năng saong dom doanh nghiệp Hoa Kỳ caong khin paglaong rilo jang dom bruk pablei salih, đầu tư di Việt Nam. 

# Piah klah rabha saong pachreih ba bhap bini bhum ia sua, Công đoàn gilang pariak Việt Nam peih bruk jak ba công đoàn viên di gilang pariak buh sa harei jien bilan piah dong ka dom  tỉnh pasiam veik dom khut khat kayua bala meng langik tasik. Tong abih pok jien dong lac 2,3 tỷ đồng.

   # Quỹ  Bảo Trợ uranaih ban Đà Nẵng pambuak bruk saong Công ty cổ phần truyền thông Alaska ban raya Hồ Chí Minh peih ngak danakdak “ jalan pambuak pagam hatai anit ranam” piah rik pataom jien daong anek saih kathaot. Di ini, dom urang tài trợ hu alin  260 paok jien bai saong phần mềm ứng dụng công nghệ thông tin, yaom labaih 4 tỷ đồng alin dom anek saih kathaot di ban Đà Nẵng; daong brei pandap, jien, bảo hiểm, pasang iek pren yava ka uranaih saong dom sang kan kandah di ban Đà Nẵng saong 2 tỉnh Quảng Nam, Quảng Ngãi... 

#Mong veik mbang pakacah  THPT pakat negar  2018, menuac urang ndom lac, đề thi thun ni  nyu atah song kan. Bruk  lọt đề thi  Vật lý song Hóa njauk mong iek veik . Bruk njauk nyai nan lac, hadei di tuk  đề thi hu  đăng tải, dom  Giáo sư Toán học song  Hóa học jeng ndom lac  oh meda langyah HU abih đề ni dalam  90 minite. Ong Sái Công Hồng -Cục phó Cục Quản lý chất lượng (Mintri pato megru )ndom lac, đề thi thun ni hu ba tabiak tui jalan  tagok tính phân hóa. Meyah lac duh song thun 2017, ye nyu kan jang lac bruk  hiển nhiên kayua asar kadha ilamu hu peih prong tapa gam  kiến thức tal 11. 

 Khaw tin dunya

    #Kapul pasang iek di Washington taong yaom Mỹ saong dunya meda dang anak dom kan kandah dalam tuk mbuan hu rilo srau kadau gah kinh te saong chinh tri. Dalam nan, 4 tavak tave pambuak tapak tal rajaei di Tổng thống Mỹ Donald Trump. Srau kadau nội bộ patagok saong dom đồng minh atau bruk gaok chỉ trích ka bruk limin hatai anak Nga lac dom hagait bo rajaei Mỹ saong Tổng thống Trump daok dang anak.

# Gah báo chí di  Điện Krem-lin (Kremlin) brei thau, harei ni 28/6, Tổng thống Nga Vla-đi-mia Pu-tin (Vladimir Putin hu mai rivang  mblang chaoh blong  Uôn Cắp 2018 (World Cup)  di  Quảng trường Đỏ, hu peih pambah mbang meng  harei  21/6 song tadhau yuh  sinh viên tốt nghiệp naih gheih  di dom sang bac  đại học di mintri  quốc phòng song dom jabat thực thi hukum negar karei karei di  Nga. 

#Thủ tướng Hun Sen barau hu panuac ieu urang bhapbini Campuchia oh cá độ dom mbang caoh mblaong dalam tuk rah tabiak World Cup 2018. “Dahlak ieu urang bhapbini Campuchia padheih cá độ dom mbang caoh blaong. Likau jhui ngak bruk nan. Jhui cá độ dịp World Cup 2018. Di rilo taneh ia, hu menuac chat lầu pametai rup eng kayua thua độ, lah jien biak rilo” .