# Melam  28-12 di Hà Nội rah tabiak  bruk jao Giải thưởng Sao Đỏ - Doanh nhân ranaih umo  Việt Nam naih gheih  thun 2017. Mai pataom mbaok, hu Ủy viên mintri Chính trị, Phó Thủ tướng thường trực Trương Hòa Bình song 3000 urang lambaok  ka doanh nhân ranaih umo dalam taneh ia. Tapa nan, 100 doanh nhân ranaih umo Việt Nam naih gheih 2017 hu pok meyaom, dalam nan hu 10 doanh nhân naih gheih di abih  hu jao Giải thưởng Sao Đỏ 2017.

# Bair harei kabroi (28/12), di tỉnh Thừa Thiên- Huế, Công ty TNHH Đóng tàu Cửa Việt,  tỉnh Quảng Trị peih bruk jao brei kapal ikan kanduh pasei hu ngak barau tui Nghị định 67/NĐ-CP ka urang ngak ikan Trần Dành, daok di ban sit Thuận An. Kapal hu công suất máy chính 829 CV saong jien buh tame ngak labaih 21,4 tỷ đồng meng jien mesraiy di Gilang pariak ngak nong saong patagok palei pala.

# Tuai damuia mai rivang me-in, du lịch di Đà Nẵng tuk Tết Dương lịch 2018 labaih 143.000 mbang urang,  tagok jiak 18% dut song tuk vak ni thun dahlau, dalam nan tuai dunya jiak 82.000 mbang. Tuk vak puac thun ni, di ban  Đà Nẵng rah tabiak rilo rija roya, nyaom darak pasa prong taduan hu rilo tuai mai rivang  me-in song dok veik.

# melam 28/12, sang iek ruak Đa khoa Xuyên Á  di Củ Chi, ban raya HCM hu taduan iek ruak ka 92 urang ruak di sa công ty jhik di Khu công nghiệp Tân Phú Trung gaok ngộ độc pandap mbang. Dahlau nan dom công nhân daok mbang var melam piah caga tame ca melam ye mboh pandik akaok huyn meta, pandik hatian, hu caglon…hadei di labaih sa tuk iek ruak akaok mereip, dom urang ruak hu tani tanat, dom trieu chung hu trun.

# Hadei di sa tuk vak atah  yaom ikan padoc dang di tanut beir, mblang taneh rong ikan padoc di bhum taneran krong  CL trun khang. Min, jiak 2 adit tapa yaom ikan padoc tagok khang, urang nong di bhum taneran krong  CL jak gauk peih prong mblang taneh. Urak ni ikan padoc blei  di danao  yaom meng  38.000 tal  40.000đ/kg, urang rong hu liba  meng 8.000 tal 10.000đ/kg, min takik hu ikan piah pablei. 

Khaw tin dunya

# Mỹ saong Thổ Nhĩ Kỳ harei 28/12 hu ba  gauk yah klak dom tavak tavaiy ka visa hadei di tuk Oa-sinh-tơn khan lac An-ka-ra hu ngak tui dom sanya lac oh urang jakar ngoại giao halei di Mỹ daok di Thổ Nhĩ Kỳ meda gaok kan kandah dalam tuk ngak bruk. Urang jakar Thổ Nhì Kỹ jeng khan brei thau dom tavak taiy ka bruk brei visa ka urang bhapbini Mỹ hu salh bloh, min phủ nhận bruk Thổ Nhì Kỳ sanya khik caga bruk an toàn di dom urang jakar ngoại giao Mỹ.

#  Tổng thống Mỹ Đô nan Trăm (Donald Trump) harei  28/12 hu panuac lac  ong biak thất vọng hatai hadei di tuk mehit lac Trung Quốc meda ngak suan dom lệnh trừng phạt dunya ngan saongTriều Tiên meng bruk pablei menyek ka negar ni. Dahlau di nan, sa harak mbao Hàn Quốc brei thau kapan Trung Quốc pabak menyek ka kapan Triều Tiên di langiu tasik. Dom taneh ia di dunya dok hu dom jalan ngak kinh tế piah pacang dom danak dak hạt nhân song tên lửa di Triều Tiên hadei di dom mbang  ngak iek dalam thun ni. 

# Thủ tướng Italia Pao-lô Gen-ti-lô-ni (Paolo Gentiloni) harei kabroi 28-12 brei thau: dom urang di cư tal Italia dalam thun ini trun biak rilo, nan ye dom urang metai di jalan nduac tapa Địa Trung Hải trun 40% duk saong thun dahlau. Italia meda ba  470 urang lin nao tal Ni-giê piah daong taneh ia Tây Phi ini caga urang di cư mai tal  châu Âu./.