# Bal ine Hà Nội harei kabroi 28/1 hu mong iek bruk “oh ka hu meng kan mai dalam dakrai sajarah” tuk yaok rituh ribau urang hâm mộ tuh tabiak jalan uan raok dom  urang dalam kapul caoh mbanh U23 Việt Nam mai veik taneh aia yau dom "người hùng" hadei di mbang caoh biak mekre di Vòng Chung kết U23 châu Á 2018 pak Thường Châu - Trung Quốc ngan haong baoh medai pariak. Jeng melam nan, pak Jabat raja-ei, Thủ tướng Nguyễn Xuân Phúc hu taom gaok saong pok  Huân chương Lao động Hạng Nhất  brei kapaul caoh mbanh U23 Việt Nam,  Huân chương Lao động hạng Ba ka huấn luyện viên trưởng  Park Hang Seo, quốc tịch Hàn Quốc, thủ môn Bùi Tiến Dũng, tiền vệ Nguyễn Quang Hải ka dom jak jeng di Giải vô địch U23 Châu Á.

# Melam 28/1, di huyện Mường Nhé, tỉnh Điện Biên, Văn phòng Quốc hội pambuak bruk saong Ủy ban bhapbini tỉnh Điện Biên, Bộ Tư lệnh Bộ đội Biên phòng peih danakdak daoh tamia “Xuân biên phòng ấm hatai bhapbini bản”. Ủy viên mintri Chính trị, Phó akaok thường trực Quốc hội Tòng Thị Phóng gam kapul ngak bruk di trung ương mai hu mbaok saong alin brei paok jien labaih 700 triệu đồng gam rilo paok pandap  piah daong bhapbini bangsa sang kan kandah di huyện Mường Nhé.

# Jeng dalam melam 28/1 angaok sân khấu lingiu di miunyim  Hà Nội, labaih 40 nghệ sĩ hu parang me-in abih drei dalam danakdak “ Salam xuân 2018 – ba gauk daong ka urang gaok jru mek kalik kruac”. Tapa danakdak, mban peih ngak caong khin mek hu rilo bruk rik daong di dom urang, dom sang ka dom urang gaok bala kayua njru mek kalik kruac grauk labik dalam taneh ia, daong urang gaok bala saong sang dom urang nan raok Tết Nguyên đán Mậu Tuất 2018 bui sambai.

# Mban jak ba halan hatian brei darah ban sit Buôn Ma Thuột tỉnh Đắk Lắk peih harei adit bhong halan hatian brei darah mbang yaka 10 – thun 2018 ngan saong kadha “ hatai urang Buôn Ma Thuột”. Harei pataom pachreih hu jaik 2.500 urang halan hatian mai meng dom mban, kapul nyaom, sang bac, doanh nghiệp dalam ban. Tapa nan pataom hu labaih 860 đơn vị darah..

# Melam 28/1, kapul urang nong ban raya HCM pambuak bruk saong rayo paparsap papar binguk ban raya HCM peih danakdak “Tết ngak bruk kheih” Xuân Mậu Tuất 2018. Thun ini, danakdak ieu dom doanh nghiep, mạnh thường quân daong urang nong sang kan kandah 2.000 paok pandap Tết, alin 100 sổ patak pataom ka urang nong sang kan kandah yam tagok dalam raidiuk, ba mbuan lagaih ka urang nong patruh kathaot khang kajap. Abih tih yaom jien jak ba pasang iek ka urang nong kathaot thun 2018 lac 13,8 tỷ đồng./.    

 Khaw tin dunya

#  Mintri Tư pháp Phần Lan melam kabroi 28-1 brei thau bruk kiểm abih tih số phiếu dalam mbang pilih ruah Tổng thống rah tabiak harei nan di taneh ia ini. Tui nan, Tổng thống urak ini Xau-li Ni-nít-xtô (Sauli Niinisto), 69 thun hu ngak veik nhiệm kỳ 6 thun tal meng 62,7% số phiếu ủng hộ. Tổng thống Phần Lan meda kham merat jang dalam bruk dang akaok taneh ia tuk hu bruk pachreih tui praong meng urang bhapbini taneh ia ini. Daok gah đối ngoại, ông Xau-li Ni-nít-xtô hu brei thau lac hu talei pambuak bruk siam saong taneh ia tabhia lac Nga.

# Dom urang jakar Nhật Bản pachreih tui panuac di Tổng thống Mỹ Đô-nan Trăm, ka bruk Mỹ meda  mai veik haong Hiệp định Đối tác Xuyên Thái Bình Dương (TPP) min brei panuac lac bruk pasiam veik Hiệp định nan lac kadha oh hu. Atah di ini sa thun, Tổng thống Đô-nan Trăm hu ba negar Mỹ tabiak truh Hiệp định TPP  hu  12 negar, njauk haong panuac sanya di ong tuk  tranh cử.

# Dom bruk trừng phạt barau brei di Mỹ maong yau oh ngak jhak tal bruk ngak mbang dalam taneh ia di Nga bo nyu daok ba rilo jalan patagok. Tapa chỉ số hiệu suất glaong thun 2017, akaok mintri Năng lượng Nga A-lếch-xan-đơ Nô-vác ndom lac, dom bruk trừng phạt hu tuk ngak ka dom công ty Nga hu rilo jalan piah patagok bruk ngak mbang dalam taneh ia./.

Jasi saong Thúy Linh lang tapa sap Cam