# Harei ni (29/6), Ban Bí thư Trung ương Đảng peih nyaom biai urang jakar  pakat negar bac megru quán triệt, brei thau, peih ngak dom sarak Trung ương 7 mbang ka XII di Đảng. Nyaom biai Trung ương 7 brei  tapa  3 sarak prong ka bruk urang jakar, salih bahrau jien bilan song salih bahrau bruk bảo hiểm xã hội.

 # Melam 28/6, Quỹ Bảo trợ uranaih Việt Nam peih danakdak daoh tamia “ Ka uranaih tasik pulao”, “Bui hatai bol lin Trường sa” rik pataom jien daong pasang iek raidiuk anek bik dom urang lin daok ngak bruk lingiu quần đảo Trường Sa saong anek di urang ngak iken sang kan kandah di ban Đà Nẵng. Di ini, dom urang tài trợ hu alin 1.000 paok jien bac, yaok paok yaom jien 2 triệu đồng saong 1.000 paok pandap alin ka dom anek bik urang jakar, urang lin daok ngak bruk di Trường Sa saong Nhà giàn DK1 saong anek urang ngak ikan sang kan kaneh di 5 tỉnh, ban bhum kreih negar meng Đà Nẵng tal Phú Yên. 

    # Amuk Trương Thị Mai - Ủy viên Bộ Chính trị, Bí thư Trung ương Đảng, Trưởng Ban Dân vận Trung ương, harei  28/6 hu var ngak bruk song Ban Thường vụ tỉnh ủy Quảng Ninh ka bruk ngak hu tal kreih  nhiệm kỳ Nyaom roya  Đảng dom pakat; salih bahrau jalan ngakg, pasiam palagaih hệ thống chính trị, peih ngak hu siam lagaih. Amuk Trương Thị Mai kakei tỉnh Quảng Ninh njauk peih ngak dom bruk bahrau tui njauk jalan ngak, pambuak , pagam song sarak Trung ương 6 di  Đảng.

4# Phó Thủ tướng Thường trực Trương Hoà Bình barau hu panuac tacei pambuak tal bruk blei tame, pablei salih nam janih jru hu angan di Công ty Health 2000 ngak di Ca-na-đa. Cambaih laih, Phó Thủ tướng jao ka mintri Công an duah thau, ngak cambaih bruk Công ty Việt Nam Pharma blei tame, pablei salih nam janih jru hu angan di Công ty Health 2000 ngak di Ca-na-đa (min biak di nyu Công ty Health 2000 oh hu sang mac ngak di Ca-na-đa), meyah mboh lac tội phạm ye khởi tố vụ án tui adat hukum; khan brei ka Thủ tướng rajaei thau dalam bilan 8/2018.

# Tui kuhria mboh bahrau abih di  Tổng cục Hải quan, dalam bilan 6/2018, abih tih yaom pandap  xuất nhập khẩu (XNK)  di negar  lac labaih 39 tỷ USD, trun  3,5% dut song bilan  5/2018. Dalam nan , yaom pandap pablei tabiak taneh ia lingiu jaik 20 tỷ USD, trun  1,8% dut song bilan  5/2018 yaom pandap blei tame  lac  jaik 20 tỷ USD, trun  5,1% dut song bilan 5/2018.

Khaw tin dunya

# Ban ine Amstecđam(Amsterdam) di Hà Lan mbang akaok meti hu sa urang kumei pan akaok. Harei 28/6, hội đồng ban ine hu pilih ruah amuk Han se ma( Femke Halsema) ngak thị trưởng ban ine ini. Amuk Han- se- ma 52 thun dahlu diah hu dang akaok Đảng cánh tả xanh di Hà Lan, hu angan je meng cương lĩnh tranh cử ka alam môi trường. Labaih 100 urang hu tut angan tranh cử tame ngak Thị trưởng Amsterdam, hadei di tuk Thị trưởng di ban ini metai di bilan 10 thun diah.

# Tui sa khau tin, Ca-na-đa daok kuhria pabak 1 pok jien dong hu yaom meng  500 triệu đôla Ca-na-đa tal  800 triệu đôla Ca-na-đa piah dong ka gah công nghiệp nhôm, pasei jang yau urang ngak dalam gah ni dok gaok kan kandah kayua njauk  Mỹ áp thuế. Ngoại trưởng Ca-na-đa Cờ-rítx-ti-a Phờ-ri-len (Chrystia Freeland) hu ba tabiak panuac  khan ka bruk  ni dalam harei  30/6 song pok jien dong ni hu dui atah dalam dom thun.

# Mintri Y tế Cộng hòa Dân chủ Công-gô (Congo) harei 28/06 brei thau ngak blaoh bruk dut iek dom urang puac di abih hu taom gaok saong dom urang njaom Ê-bô-la (Ebola) saong oh duah mboh urang halei njaom ruak barau. Meyah hu urang njaom barau hu brei thau hadei tukvak ủ ruak dui atah 3 adit lac Cộng hòa Dân chủ Công-gô meda khan brei thau abih jit. Tal urak ini, jit Ê-bô-la hu ngak metai takik abih 29 urang kuhria meng tuk patuh meng bilan 4.