# Gilang pariak Karja bahrau tabiak Chỉ thị ka 05 brei bruk peih ngak danak dak di gah Gilang pariak piah daong pasiam veik bruk pablei salih, paglaong pren khang meriak gauk di negar. Piah ka danak dak ini hu siam mekre, Thống đốc Gilang pariak sarak karja pandar: dom jabat dalam gilang pariak điều hành sarak jien padai, tỷ giá chủ động, linh hoạt piah pacang khik lạm phát tui bruk ba tabiak, khik grap tanat kinh tế vĩ mô, jhul pakhang patagok kinh tế khang kajap, paglaong labik dang di jien đồng Việt Nam; peih ngak siam bruk khik iek karja ngan haong darak pasar ameh.

       # Meng harei 1/1 tal harei 17/6 dom mintri, dom jabat TƯ hu peih bruk thanh lý 264 radeih ô tô. Ba 20 radeih ô tô công ka dom jabat, puk palei karei dok khin. Kuhria tong abih dalam negar, 6 bilan tapa ô tô công tagok 171 sruh, dalam nan blei bahrau 56 sruh song taduan tapa 115 sruh. Yaom lac yau nan, tal urak ni jeng dok 8/43 dom mintri, dom gah song 18/63 tỉnh oh ka pathau khan ka bruk pasang iek, rami ramik veik radeih ô tô payua ka mintri jien padai.

       # Harei ini 30/6, dom thí sinh tut angan tame pakacah Trung học phổ thông negar thun  2016 dalam negar meda nao tal 1.482 labik pakacah piah ngak harak ba-ar pakacah. Urak ini dalam negar hu jaik 880.000 hồ sơ tut angan tame pakacah, patrun jaik 120 ribau hồ sơ dut haong tukvak ini thun dahlau. Mbang pakacah Trung học phổ thông negar thun ini meda rah tabiak meng harei 1/7 tal harei 4/7, hu 8 môn pakacah nan lac: Toán, Ngữ văn, Lịch sử, Địa lý, Vật lý, Hóa học, Sinh học saong Ngoại ngữ. Dalam nan, môn Ngoại ngữ thi vak saong trắc nghiệm, môn Ngữ văn hu binah puac hiểu saong ngak văn, dom môn daok veik pakacah tui jalan trắc nghiệm.

       # Harei kabroi 29/6, akaok mintri ilamu thể thao song du lịch hu mbaoh tangin tame harak brei thau angan 50 urang di kapul Thể thao Việt Nam hu mbaok di Olympic 2016 di Brazil. Dom urang nanpakacah 10 janih. Olympic Rio 2016 hu peih tabiak harei 5/8 song tamat di harei 21/8, hu mbaok labaih 10.500 VĐV mai meng 206 negar di duny, pakacah 306 kadha di 28 môn thể thao.

       # Việt Nam jeng hu mbaok tame Nyaom roya padhih dunya uranaih châu Á mbang ka 6 pak Liên bang Nga meng harei 04 – 17/7 ngan haong Kapul nyaom padhih hu 55 urang. Hu mbaok tame Nyaom roya hu kapul nyaom padhih di 39 negar saong bhum taneh, pakacah 22 môn, dalam nan hu bóng rổ, bóng chuyền, bóng bàn, điền kinh, cử tạ, caluia aia, cuh phao….Pak Nyaom roya mbang ini, kapul nyaom padhih Việt Nam hu mbaok tame 6 môn pakacah nan lac  Taekwondo, caluai aia, điền kinh, cờ vua, vật saong boxing.

        # Urak ni, tỉnh Quảng Trị hu brei labaih 800 tấn brah ka labaih 35 ribau urang bhum tapen tasik gaok kan kandah kayua ikan metai. Dong ka yaok po kapan oh caik jamriak 3 triệu meteh song 5 triệu đồng ka dom kapan hu công suất ala 90CV. Tỉnh QT jeng buh tabiak meng kadung jien karja 8 tỷ đồng piah dong ka urang tong ikan 4 huyện Hải Lăng, Triệu Phong, Gio Linh  song Vĩnh Linh.

         # Công an Bal raya Hồ Chí Minh hu taduan mek labaih 100 radaih mô tô đặc chủng piah duh ka bruk pagui mek kaol co klaik angaok jalan. 100 radaih đặc chủng hu jao brei mbang ini hu Ủy ban bhap bani Bal raya Hồ Chí Minh jak ba meng sa mạnh thường quân. Dom sruh radaih ini hu daong pren ka cảnh sát hình sự đặc nhiệm, cảnh sát cơ động, cảnh sát phản ứng samar jhul pakhang bruk pasang iek pacang khik angaok địa bàn ngan haong mật độ tapal, samar drah duah mboh cap khik kaol co klaik...

       # Hajan khang gam song hangin ribuk meng bloh ngak ka 15 boh sang di dom xã xã An Thái Đông và Mỹ Lợi A huyện Cái Bè, tỉnh Tiền Giang jaleih song par tabung. Hadei di tuk bala rah tabiak, karja song kapul nyaom puk palei hu ba gauk nao daong pasiam veik. Huyện hu dong 6 triệu đồng ka dom boh sang jaleih abih, 3 triệu đồng ka boh sang par tabung labaih meteh. 

         Khaw tin dunya:

       # Ủy ban khik iek sarak padai brah Thái Lan meda pablei hu 1 triệu 110 ribau tấn brah ka  29 urang thầu ngan haong yaom glaong, jien mek tame tui kuhria dahlau labaih 11 tỷ 540 triệu bạt (samu 32 triệu Đô la Mỹ). Thái Lan hu pablei blaoh 6 triệu 590 ribau tấn brah, hu yaom 69 tỷ bạt dalam 2 thun tapa, trun 9 triệu 500 ribau tấn meng kho khik piah saong hu kế hoạch jhul pakhang ralo di abih dalam thun ini. Raja-ei meda patui veik peih pablei yaom brah daok pambuk dalam kho tui ralo jalan ngak, hu gam bruk peih thầu ka khu vực tư nhân saong dom urang blei tame negar langiu.

         # TQ, Nhật Bản, song HQ tamat bloh mbang ginum biai ka 10 hu  njauk hatai ka bruk pablei salih tự do (FTA) di 3 negar di ban ine Xơ-un (Seoul) di Hàn Quốc, song oh njauk gauk ka bruk tah klak paga thuế quan. Dom gah jeng dok oh ka njauk gauk ka bruk tự do hóa pablei salih, lac jalan peih tabiak ka dom bruk ginum biai gah thuế quan. NB song HQ cong khin tự do hóa pablei salih hu rah tabiak glong jang, dalam tuk nan, TQ oh ka halan hatain ka bruk klak paga thuế quan, jang yau brei mboh yaom glong ka bruk khik iek .

        # Bruk bhap bani dak harei dak taha di Nhật Bản hu tagok tal tỷ lệ oh ka mboh, ngan haong labaih 1/4 bhap bani Nhật Bản di umo 65 atau glaong jang. Urak ini Nhật Bản hu labaih 33,4 triệu urang umo 65 thun atau glaong jang. Số ini samu 26,7% dalam taong abih bhap bani  di Nhật Bản saong lac số glaong abih kuhria meng tuk Nhật Bản peih bruk điều tra dân số thun 1920. Dalam tuk nan, tỷ lệ dân số Nhật Bản umo ala 15 thun nan lac 15,86 triệu urang, samu 12,7% taong abih bhap bani song jeng lac tỷ lệ biar abih meng dahlau mai. Bản thống kê ini jeng brei mboh dahlau bol bhap Nhật Bản meda patrun daok 83 triệu urang dalam thun 2100, dalam nan 35% meda lac urang hu umo labaih 65 thun./.