# Melam kabroi, 29/1, di Bạc Liêu, Thủ tướng Nguyễn Xuân Phúc hu ngak bruk song urang pal akaok tỉnh Bạc Liêu ka bruk kinh tế xã hội. Thủ tướng ndom lac, piah eng drei pasamu hu kadung jien karja,  tỉnh brei tui jalan patagok hajao meng pren khang di drei yau rong hadang ia taba; du lịch; năng lượng tái tạo; ngak nong, padai brah chất lượng glong, dalam nan pataom tame bruk tong chap rong pala kaya ikan, abih di nyu nan lac rong hadang công nghệ glong siêu thâm canh.

# Trung ương Đoàn barau alin Kỷ niệm chương kayau rairah ranaih Việt Nam ka Huấn luyện viên trưởng Park Hang-seo saong dom urang dalam mban huấn luyện; Harak meyaom ka dom urang caoh mbanh dalam kapul U23 Việt Nam kayua mek hu thành tích xuất sắc di Giải vô địch U23 châu Á 2018. Tapa nan, Quỹ daong tài năng trẻ Việt Nam  alin kapul caoh mbanh U23 Việt Nam 500 triệu đồng

# Gah ngak nong huyện Diễn Châu, tỉnh Nghệ An bahrau peih bruk am cuh jiak 800 drei menuk medhi njauk ruak cúm menuk ada  H5N1. Sruh jit hu duah mboh di Trang trại di boh sang ong Nguyễn Văn Thời, palei 7, xã Diễn Liên, huyện Diễn Châu. Gah ngak nong tỉnh hu panuac ieu Chi cục thú y brei 20 ribau liều vắc-xin cúm menuk ada song 60 lít ju hóa chất piah huyện Diễn Châu pacang caga jit ruak. 

# Ủy ban Mặt trận negar Việt Nam ban Đà Nẵng alin 3.500 paok pandap Tết ka urang kathaot, yaok paok yaom jien meng 500.000 tal 700.000 đồng. Tapa nan, Mặt trận dom pakat ban Đà Nẵng jak ba dom urang hảo tâm rik daong labaih 10 rabau paok pandap Tết, yaom jien 4 tỷ 2 ratuh rabau đồng, daong urang kathaot bui smabai raok tết mai xuân tal.

# Thau hu bruk darak pasa, urak ni rilo sang bein di Ninh Thuận dok kham iek glang, ramik caga yaok ribau phein nho kiểng piah pablei ka darak pasa Tết Nguyên đán Mậu Tuất 2018. Rilo sang bein brei thau: Yaom pablei yaok phein nho kiểng Tết ni meng 180.000-200.000 đồng, tagok 30.000 đồng/phein dut song Tết thun dahlau.

Khaw tin dunya

# Harei 29/1, Nhật Bản khan brei thau meda ba tabiak dom lệnh trừng phạt hành chính ka sàn giao dịch jien ảo Coincheck hadei di mbang taong klaik jien ảo tagok tal yaok ratuh triệu USD meng sàn giao dịch hu jabat ngak bruk di Tokyo ini. Tui hãng tin Kyodo, gah Dịch vụ jien padai (FSA) meda ba tabiak dom bruk trừng phạt piah daong pagalong dom bruk giao dịch saong khik caga siam jang quyền lợi di urang pandar.

# Harei 29/1, hãng tin Yonhap brei thau Thứ trưởng mintri Y tế Triều Tiên hu panuac khan brei gah Y tế dunya  (WHO) di Bình Nhưỡng thau ka bruk tamuh jit cúm A di negar ni. Dalam tuk vak meng harei 1/12 tal harei 16/1, hu labaih 126.570 mbang medhi njom cúm A, dalam nan hu 81.640 mbang dut iek dương tính song virus cúm A. 4 urang, dalam nan hu 1 urang prong song 3 uranaih metai. 

# Dom urang alamu barau duah tabiak sa janih pandap mbang tiềm năng ka dom urang du hành vũ trụ meng bruk pandar vi khuẩn piah ba hóa chất thải anek menuac jeng sa janih pandap mbang sệt, pandar piah uak tagok bánh mì. Dalam harak pathau khan hu đăng angaok tạp chí khoa học Life Science, dom urang roh duah di Đại học bang Pennsylvania di Mỹ hu tacei tabiak bruk neh rabha dom chất thải dạng rắn saong lỏng piah ngak tabiak protein saong janih hu rilo chất béo meng chất thải di anek menuac./.

  Thúy Linh  saong Hani Pha lang tapa sap Cam