Khaw tin 10h30 saong 14h30 harei 30/11

# Beir harei 29/11, akaok  Quốc hội Nguyễn Thị Kim Ngân song kapul urang pakat glong Quốc hội Việt Nam hu nao rivang song ngak bruk hong urang jakar, urang daok ngak bruk dalam Đại sứ quán Việt Nam di Australia. Akaok Quốc hội Nguyễn Thị Kim Ngân tong yaom, dalam dom thun tapa, talei rohim Việt Nam- Ô-xtrây-li-a oh padeih khang kajap song patagok di abih gah.

# Page harei 29/11, di sang Quốc hội, Ban Bí thư Trung ương Đảng peih nyaom biai trực tuyến pakat negar ka bac megru, ngak tui dom Sarak nyaom biai Ban Chấp hành Trung ương Đảng mbang yaka 6, khóa XII. Akaok mban Tuyên giáo, ông Võ Văn Thưởng hu panuac kakei dom urang jakar pataom tame pang, roh duah, thau kajap dom asal kadha  praong di dom Sarak. 

# Tui bruk rivang pakat karja tal negar drei di Tổng thống Ba Lan Andrzej Duda, mesup harei  29/11 di trụ sở rajaei , Phó Thủ tướng Vũ Đức Đam hu taduan raok Phó Thủ tướng, Akaok mintri Khoa học song pato pakai Ba Lan Jaroslaw Gowin. 2 Phó Thủ tướng tong yaom glaong bruk mintri Khoa học song pato pakai Ba Lan song mintri pato Megru Việt Nam mbaoh tangin tame harak pambuak bruk baharau ka bruk pato pakai đại học, dalam nan hu bruk tagok pok jien bac di 2 gah pabak brei gauk labaih 20 pok yaok thun. 

# Mban khik ramik Lăng Chủ tịch Hồ Chí Minh brei thau: Lăng Chủ tịch Hồ Chí Minh, Đài tưởng niệm dom Anh hùng Liệt sỹ ngak blaoh bruk ramik pasiam yaok bilan thun 2017. Harei ravang Chủ tịch Hồ Chí Minh, harei pahdar dom Anh hùng Liệt sỹ hu peih tabiak veik meng harei 5/12.

# Tui Tổng cục Thống kê, dalam 11 bilan tapa, yaom jien pandap pablei tabiak negar langiu hu jaik 194 tỷ đôla Mỹ, tagok jang 21% dut song tuk vak ni thun dahlau. jien pandap pablei tabiak negar langiu dom janih pandap panda chủ lực daok tagok mbiah dut song tuk vak ni thun dahlau yau: điện thoại song linh kiện; điện tử, máy tính song linh kiện; dệt may; takhuah dép; pandap pajeng ba song phụ tùng; asar paaok blait, njam patam.

# Lingik jhak dalam dom harei tapa ngak ka labaih 30 athur di urang bhapnini dalam huyện Sa Pa, Lào Cai  metai li ar. 34 drei kubao, limo metai la ar jeng rilo meng ala 1 thun atau dom drei taha takik pren pacang caga ruak. Khat lihik rilo laik tame dua harei 24 saong 25/11, tuk nhiệt độ di Sa Pa trun tanut biak bair meng 3 – 5 độ C.

# Dalam tuk daok cang brah parabha meng Trung ương mai, dom puk palei di tỉnh Khánh Hòa hu tạm ứng kadung jien karja, blei brah mai pabha, dong pacang eik lipa ka dom boh sang gaok kan kandah kayua ribuk ka 12. Tui nan, ban Nha Trang buh tabiak labaih 2,3 tỷ đồng, blei 197 tấn brah dong ka labaih 13 ribau urang daok gaok kan kandah. Anak meta, dom puk palei hu pabak brei yaok urang 15kg brah.

Khaw tin dunya

# Srau kadau taphia bruk buh phiếu pandar chất ngak metai hareik Glyphosate di châu Âu daok đe doạ tal bruk padang veik rajaei “đại liên minh” di Đức.

# Anak bruk Triều Tiên cuh  tên lửa liên lục địa (ICBM) hu tong yaom lac hu cuh tagok tal 13.000 km song meda  gaok tal yaok labik di taneh ia Mỹ, harei 29/11, Akaok negar Trung Quốc Tập Cận Bình song Tổng thống Mỹ Donald Trump hu ndom biai tapa phone. Ong Donald Trump ndom tal labik dang di Trung Quốc saong pachreih Trung Quốc brei ngak catang piah Triều Tiên padeih dom bruk ngak bo Mỹ mong lac gây hấn.

# Sa kapal pajeng tuai di tỉnh Xê-vin (Seville), Tây Ban Nha harei (29/11) nyu pableik ngak ka 21 urang njauk rambuic, dalam nan hu dom urang gaok rambuac trak./.