# Pahadar 45 thun ja yah Hà Nội-Điện Biên Phủ trên không, Rayo sap ndom VN hu peih danak dak daoh tamia “Hadar veik 12 harei melam - Pui, Bingu saong jayah”. Danak dak hu dom kadha doh hào hùng ba menuac urang hadar tal dom harei puac thun 1972, Tuk bol lin song bhap bini Hà Nội khang hatai mesruh metak, ngak tayah bruk taong meng kapal haoh di không lực Hoa Kỳ. Nan lac sa ja yah hadah krah hu mong yau sa Điện Biên Phủ angaok lingik.

# Akoak mintri jien padai Đinh Tiến Dũng brei thau, kuhria caga thun ini kadung jien karja mek tame tagok 5%. Bội chi kadung jien sarak trun 4.000 tỷ đồng duk saong kuhria dahlau nan. Min, bruk cổ phần hóa thoái vốn jeng suai, oh ka ngak hu ye bruk ba tabiak. Makna lac rilo doanh nghiệp ngak mbang thua lỗ, oh ka hu phương án xử lý salah ka jien padai yau nan ye kan si ramik pasiam veik.

# Cục Mỹ thuật, Nhiếp ảnh song parang iek, Mintri ilamu - Thể thao song Du lịch hu ba tabiak 10 bruk mỹ thuật, thaot binguk song parang iek siam di abih thun 2017. Taphia 10 bruk nan, thun ni lac thun camereip, Cục peih bruk palih ruah daok hạn chế, nan lac: Sa rup patau dalam dom rup patau ja yah di tỉnh Bắc Ninh njauk jaoh jaleih ba tal rilo panuac ndom oh siam, bruk padang ngak móng di rup patau N’Trang Lowng, tỉnh Đăk Nông hu rilo bruk ngak suan njauk jabat chức năng pasang iek tong phạt. 

# Phòng Cảnh sát Giao thông, Công an ban Đà Nẵng barau peih mbang tabung glaong dut iek, trấn áp tội phạm, khik caga an ninh trật tự, an toàn giao thông dahlau, dalam saong hadei tết Nguyên đán Mậu Tuất. Mbang tabung glaong rah tabiak meng harei 26/12/2017 tal harei 4/3/2018. Tui nan, dom chốt cakak hu peih tabiak di dom canah jalan pasak di ban, dom libik hu rilo nhà hàng, quán mbang.

# Dalam 3 thun tapa  Liên doanh Việt -Nga Vietsovpetro hu cakak trun 1.600 urang jakar công nhân viên, urang ngak piah rami ramik veik tổ chức. Tapa thun 2018, Liên doanh Vietsovpetro daok cakak trun 400 urang ngak, dalam nan  urang ngak di Việt Nam  361 urang. Dom urang nan hu parabha tal dom đơn vị di  Vietsovpetro piah daong ngak ka yaom duah mek xăng menyek beir di abih.

Khaw tin dunya

  # Gah chức trách Tây Ban Nha barau khan brei thau, urang bhapnini daok di 60 baok sang barau ba nao plaih kayua khuah glai patuh veik di harei 28/12 di libik bhapbini daok Pô-len-xa (Pollensa). Yaom lac urak ini, khuah patuh oh daok đe doạ tal dom libik hu menuac urang daok, min apui praong daok pambak praong kayua angin khang. Truyền thông Tây Ban Nha brei thau, kuhria tal tukvak ini hu labaih 75 héc-ta glai gaok apui mbang abih.

# Mỹ khan lac, dom urang jakar  pablei salih negar ni hu mbang taom gaok dom dom urang Hàn Quốc dalam bilan anak tal piah ginum biai veik Hiệp định thương mại tự do di 2 gah. Rajaei di Tổng thống Mỹ Đô-nan Trăm (Donald Trump brei thau thâm hụt di Mỹ hu tagok jang 2 mbang, meng di tuk hiệp định ni hu ba tabiak di bilan  3 thun  2013.

# Thứ trưởng Ngoại giao Nga Mi-lha-in Bốc-đa-nốp barau ginum baiai saong Đại sứ Xyri tại Mát-xcơ-, ông Ri-át Hát-đát ka bruk kuhria caga ka nyaom roya nyaom biai bangsa Xyri di Sô-chi (Sochi) dalam dom harei 29 – 30/1/2018. Tui kuhria, di nyaom roya meda ginum biai bruk soạn thảo Hiến pháp xyri barau saong maong tame di blah Hiến pháp barau ini meda peih bruk pilih ruah ala bruk daong di Liên hợp quốc./.