# Taduan panuac daa di Karja Nhật Bản, Akaok negar Trần Đại Quang saong hadiuk di gait gam haong kapul urang lambaok pakat glaong Việt Nam tabiak truh bal ine Hà Nội tagok jalan nao rivang pakat karja tal Nhật Bản meng harei 29/5 tal harei 02/6/2018. Mbang nao rivang brei mboh Việt Nam patui khik jalan đối ngoại độc lập, tự chủ, đa phương hóa, đa dạng hóa talei pambuak bruk dunya, dalam nan tuk halei jeng iek prong Đối tác chiến lược haong Nhật Bản.

# Harei 28/5, Phó Thủ tướng, akaok mintri Ngoại giao, ong Phạm Bình Minh hu taduan raok urang dang akaok dhar kapul Đông Á - Thái Bình Dương saong Sarak an ninh mạng dunya di Ủy ban Đối ngoại Thượng viện Mỹ, Thượng nghị sỹ Cory Gardner daok hu mbang ravang Việt Nam. Phó Thủ tướng, akaok mintri caong khin Quốc hội Mỹ jhul patagok bruk brei ralo kapul dom pakat nao mai ravang gauk, dalam nan hu kapul pakat g;laong, patui jalan pambuak bruk siam lagaih, kein laba haong Việt Nam dalam bruk pasiam dom khut khat di mesruh metak.

# Page harei 29/5, Ban Trị sự Giáo Hội Phật giáo Việt Nam tỉnh Thừa Thiên Huế peih ngak Đại lễ Phật đản Phật lịch 2562. Dalam van ngak lễ, Hòa Thượng Thích Đức Thanh, Akaok Ban Trị sự Giáo hội Phật giáo Việt Nam tỉnh Thừa Thiên - Huế puac Thông điệp di Đức Pháp chủ Giáo hội Phật giáo Việt Nam. Thông điệp ndom lac: Tăng Ni, Phật tử, kapul nyaom Giáo hội Phật giáo Việt Nam njauk paglaong hatai saneng: "Trí tuệ – Kỷ cương – Yam tame – cakrok patagok.

# Tukvak jaik di ini, di Đắk Lắk bhian hungin ribuk saong jakala, ngak khat lhik trak ka gah ngành điện. Công ty Điện lực Đắk Lắk samar ramik pasiam dom dom khut khat saong caga pacang tuk bilan hajan ia sua daok mai. Bilan hajan thun ini, gah điện lực hu pasang iek veik taong abih 15 labik mbuan gaok khut khat dalam tỉnh. Dom gheng điện mbleing hu ngak pasiam veik, khik hu khang kajap, dom labik jalan điện nao tapa hu jah tak hareik hareim.

# Harei 29/5, Akaok UB bhap bani tỉnh Bình Thuận hu mboh tangin tame harak pandar Sở Tài nguyên saong Môi trường, Sở Công thương saong UB bhap bani huyện Đức Linh samar pasang iek, pasiam veik bruk “lờn jru” dalam bruk xử lý khai thác cuah suan adat hukum di labik pandiak Đức Linh. Akaok UB bhao bani tỉnh Bình Thuận jao ka Sở Tài nguyên saong Môi trường pambuak haong Kapul nyaom pasang iek liên ngành, Sở Công thương saong UB bhap bani huyện Đức Linh pasang iek, xác minh, ngak brei cambaih laih bruk ini, taphia di nan, xử lý catang tui adat hukum ngan haong dom bruk ngak suan yau: khai thác, khik piah, blei pandar khoáng sản suan dat hukum; pandar hóa đơn chứng từ oh njauk adat hukum... dom kapul nyaom, cá nhân hu pambuak pagam tal. Kết quả khan brei ka UB bhap bani tỉnh thau dahlau di harei 10/6 anak tal.

  # Salam uan harei dunya uraniah 1.6, harei 29-5, di TPHCM, Công ty cổ phần phát hành sách TPHCM hu peih harei pataom tapuk uraniah lingiu ban thun 2018. Harei pataom tapuk lingiu ban thun ini hu peih tabiak gam tuk haong mbang patabiak tapuk saong dom bruk ngak duh ka Hè di 107 Nhà sách dalam negar di FAHASA. Labaih 5 triệu baoh siphau anek saih saong 200.000 pandap pandar ka bruk bac da-a …hu yaom abih tih lac 200 tỷ đồng hu Công ty Fahasa pataom mai duh ka hè di dom adei anek saih. Tapa nan, FAHASA jeng hu alin hadiah labaih 2.000 paok pandap yaom abih tih jaik 500 triệu đồng brei ka dom adei anek saih sang kan kandah, kham merat yam tapa, bac da-a naih gheih dalam taneh ia.

Khaw tin dunya 

# Harei 28-05, Thủ tướng Ixraen Ben-gia-min Nê-ta-ni-ahu brei thau ong meda taom gaok dom urang pal akaok negar Pháp, Đức saong meda jeng hu Anh dalam adit tal piah ginum biai jalan ngak pacang caga kadha bo ong iew lac “Caong khin hạt nhân saong chủ nghĩa peih prong di khu vực” di Iran. Gah châu Âu, dom negar hu mbaok tame mboh tangin sanya blaoh jeng oh caong khin panuac sanya nan njauk tah klaak.  

# Urang dahlau daih ngak tình báo Triều Tiên saong urak ini ngak Phó Chủ tịch đảng Lao động Triều Tiên iek gah pambuak bruk duah gah Triều Tien, ông Kim Y-âng Chôn (Kim Yong Chol) medea nao tal ban ine Oa-sinh-tơn (Washington) hadei di tuk padeih takai di Bắc Kinh (Trung Quốc) piah taom gaok dom urang jakar ngak praong di Mỹ. Tui Hãng tin Yonhap di Hàn Quốc, mbang taom gaok piah ginum biai ka nyaom biai pakat glaong di urang dang akaok Triều Tiên Kim Châng-un (Kim Jong-un) saong Tổng thống Mỹ Đô-nan Trăm (Donald Trump) tui kuhria rah tabiak di harei 12/06 tal di Xinh-ga-po.

# Urang pok sap ndom di Mentri Ngoại giao Canađa Â-đam Ô-xtần (Adam Austen) brei thau, Ngoại trưởng negar ini Crít-ti-a Phờ-ri-len (Chrystia Freeland) harei 29-5 hu nao tal bal ine Oa-sinh-tơn, Mỹ piah taom gaok dom urang jaka gah pablei salih negar ini, piah ginum biai ka Hiệp định Thương mại Tự do Bắc Mỹ (NAFTA). Mbang nao rivang rah tabiak dalam dua harei (29 saong 30/5)./.