Khaw tin 10h30 saong 14h30 harei 30/6

# Melam 29/6, tui bruk rivang Liên bang Nga, Akaok negar Trần Đại Quang song haduik di ong song dom urang di kapul pakat glong hu caik tuk vak nao rivang song taom gaok dom urang jakar , urang ngak dalam Đại sứ quán, dom jabat lambaok  Việt Nam di Liên bang Nga.

 # Tukvak jaik ini, rilo puk palei di tỉnh Quảng Nam patuh jit ruak pandiak tabiak darah. Tal tukvak ini, huyen Duy Xuyên, tỉnh Quảng Nam hu mboh 119 urang gaok ruak tabiak darah, 14/14 xã, ban sit jeng hu klau ca ruak. Bruk njauk caik hatai nan lac rilo urang gaok ruak min daok di sang atau nao tal dom cơ sở y tế tư nhân iek ruak, ngak tabiak oh takik kan kandah ka bruk dut iek, caga ruak pandiak tabiak darah. Bác sĩ Nguyễn Văn Thạnh, Giám đốc Trung tâm Y tế huyện Duy Xuyên, Quảng Nam brei thau: Di ini kol dahlak njauk ba rilo ca tabiak sang iek ruak đa khoa chuyền darah. Karei tiểu cầulac njauk lọc biak lihik jien. Dom janih jit kol drei jeng caga lac praong, pandiak tabiak darah kol drei mek lăng quăng tabiak alam moi truong lac siam abih

# Bruk hu rilo menuac njauk ruak pandiak tabiak darah dalam dom harei jiak di ni ngak ka ban raya Hồ Chí Minh mbuan si tamuh ruak pandiak tabiak darah di rilo labik, kayua langik dok lagaih ka jamuk vằn  – véc tơ pambak ruak song caik mebaoh. 

# Tui Sở Y tế tỉnh Tây Ninh, dalam 6 bilan akaok thun 2017, Ban tacei pataom dom gah ka hacih saat pandap mbang menyum dom huyen, ban sit, xa, phuong, thi tran di tỉnh brei 362 kapul dut iek ka hacih saat pandap mbang di 4.044 cơ sở chế biến, ngak, pablei salih pandap mbang, pandap mbang di jalan phố, ging mbang tập thể dalam tỉnh. Tapa dut iek, mboh 1.188 cơ sở ngak suan ka an toàn hacih saat pandap mbang.

 # Tui ong Nguyễn Duy Vĩnh – Phó Vụ trưởng Vụ Kế hoạch, mintri ngak nong song patagok palei pala, kadha praong di patagok kinh tế - xã hội bhum taneran krong Cửu Long lac buh jien tame patagok bruk ngak padai brah, boh kayau song kaya ikan tui jalan ngak prong song padang ngak jalan mbak palei pal. Tui nan,  ba tabiak tanut sản xuất ngak nong  lac 64,2% dalam bruk Nông – Lâm – Thủy sản; sản lượng padai mek hu 24,5 triệu tấn, sản lượng kaya ikan hu 3,5 triệu tấn; dom xã mek hu tanut palei pala bahrau lac 50%..

# Khan brei thau meng Tổng cục Du lịch harei 28/6 : Kuhria dom urang tuai mai Việt Nam di 6 bilan akaok thun 2017 hu labaih 6,2 triệu mbang, tagok  30,2% duk saong dom bilan ini thun 2016. Dalam nan, lượng tuai mai meng jalan ahaok tagok 33%; tuai mai meng jalan tasik tagok 26%; tuai mai meng jalan radaih tagok 15,8% duk saong 6 bilan akaok thun 2016. Karei di bilan 6/2017, dom tuai dunya mai Việt Nam kuhria hu 949.400 mbang, trun 2,4% duk saong bilan 5/2017.

# Tỉnh Trà Vinh dok pataom tame rilo jalan ngak piah patagok du lịch jeng sa gah kinh tế khang. Tỉnh kham merat tal thun 2025 taduan hu labaih 2,5 triệu tuia  du lịch, dalam nan hu labaih 85.000 tuia negar langiu; saong yaom jien mek hu meng bruk du lich abih tih 1.600 tỷ đồng

Khaw tin dunya

#Tổng thống Phi-líp-pin Đu-téc-tê (Rodrigo Duterte) harei 29/6 sanya peih paha ban Ma-ra-uy (Marawi) tabiak truh kol IS di dom harei tal. Tui ông Đu-téc-tê, urak ini kapul rajaei daok jhul khang dom mbang taong tame kol Is saong khik caga lac rajaei Phi-líp-pin meda chiến thắng.

#Urang ba panuac mintri pablei salih Trung Quốc Tôn Kế Văn (Sun Jiwen)  brei thau Bắc Kinh hu panuac ieu Mỹ langyah bruk meriak gauk pablei salih  di 2 negar tapa bruk ginum biai. ong Tôn Kế Văn ndom lac bruk  Trung Quốc song Mỹ kham merat khik ramik bruk pablei salih tani tanat khang kajap lac hu makna biak prong ka talei pambuak bruk di dua gah jeng ye di dunya, yau nan ye 2 gah brei langyah bruk meriak gauk tapa ginum biai tui hukum dunya song iek prong gauk song pambuak gauk ba kein lagaih ka 2 gah./.

# Ngan saong kadha "ta eng pala phun lương thực", công ty Edible Garden City hu thiết kế saong dak padang labaih 50 beir pala phun lương thực di  Singapore ka dom urang tuai meng nhà hàng, khách sạn tal sang bac saong libik bhapbini daok. Dự án ini brei 100 kg njam hijao, 20 kg thảo mộc saong 10-15 kg gimao, ginup piah ba pandap mbang ka 500 urang sa harei. Tui ông Darren Ho (Đa-ren Ho), urang dang akoak sáng kiến Nông trại bhapnini, yaom lac sản lượng ini lac takik duk saong caong khin ka lương thực di taneh ia ini lac 5,5 triệu bhapbini ini, min ini meng lac bruk ngak camereip jia tame rilo.