# Harei ni (31/10), Quốc hội yam tame harei camereip dalam 3 harei ginum biai di hội trường ka bruk patagok kinh tế-xã hội song kadung jien karja Thun 2017; bruk patagok kinh tế-xã hội, dự toán kadung jien karja, jalan parabha kadung jien trung ương thun 2018 song kế hoạch jien padai –kadung jien karja 3 thun negar  2018-2020.

# Thun 2018, rajaei daok ba tabiak bruk ngak tani tanat nền kinh tế vĩ mô, pasang iek lạm phát saong pataom tame ka dom bruk ngak trung hạn piah jhul pakhang salih barau bruk tăng trưởng pambuak saong rami ramik veik nền kinh tế. Lac quan saong jia tame dom chỉ tiêu rajaei ba tabiak, min dom urang QH daok hu ralo panuac suh sah. Amuk Mai Thị Ánh Tuyết, urang QH kapul An Giang brei thau: “Dahlak mboh lac piah nền kinh tế nao njauk bruk ngak, nền kinh tế lac chất lượng, tani tanat kinh tế vĩ mô ye brei ba chỉ tiêu oh hu bruk ngak saong ba bruk ngak tame chỉ tiêu piah rajaei hu dom jalan ngak samu gauk, piah langyah siam”.

  # Phó Thủ tướng Chính phủ Vương Đình Huệ bahrau tacei Mintri ngak nong song patagok palei pala buh brei (oh mek jien) vắc xin, hóa chất sát trùng dalami pandap khik piah negar dong ka dom tỉnh pacang caga jit ruak menuk ada, athur rong. Tui nan, dong ka  tỉnh Thái Nguyên 5.000 lít hóa chất sát trùng Han-Iodine song 5.000 lít hóa chất sát trùng Vetvaco-Iodine. Tỉnh Hà Tĩnh hu dong 20.000 liều vắc xin LMLM 2 type (O, A); 30.000 liều vắc xin LMLM type O; 10.000 lít hóa chất sát trùng Han-Iodine; 10.000 lít Vetvaco – Iodine...

# Ong Nguyễn Hoài Dương, Giám đốc Sở ngak nông saong patagok palei pala  Đắk Lắk brei thau, dalam đề án pasiam veik bruk ngak nông di  tỉnh tal thun 2025, bruk  raong glang meda tagok 24%, tal thun 2030 lac 26% oh lac 19% yau urak ini. Piah ngak hu bruk ini, Đắk Lắk daok pachreih đầu tư ngak jeng dom bhum raong glang praong, pandar công nghệ glaong, abih di nyu nan lac dom dự án raong menuk, pabui, limo ia tasau, limo ralo.

# Tal Urak ni, dom gah chức năng di tỉnh Khánh Hòa jeng oh ka duah hu labik lagaih piah panduan ba dom cơ sở ia mesin ngak nerak tachauk dalam ban Nha Trang tabiak truh labik dân cư. Ong Bùi Minh Sơn, Phó Chi cục trưởng Chi cục Bảo vệ Môi trường, Sở Tài nguyên - Môi trường tỉnh Khánh Hòa brei thau: Urak ni, nao tui iek dalam tỉnh, tuk vak ni dok duah labik. Urak ni sản xuất biak prong, dom cơ sở jeng ngak mbang prong tagok. Dalam khu dân cư  dak harei dak mbau, meng 2 nguồn: tuk vak  nhập nguyên liệu song tuk vak ngak ia mesin. Menuac sia dak harei dak rilo, oh meda xử lý hu.

# Giám đốc Sở pato megru saong tỉnh Kiên Giang Nguyễn Thị Minh Giang, brei thau meng akaok thun bac barau 2017 – 2018 tal ini, nao gam saong danak dak daong pren nao tal sang bac, dom jabat, doanh nghiệp, kapul nyaom menuac urang hu daong, alin hadaih labaih 2.000 paok jien bac; 500 suất BHYT, BH bala ka anek saih, sinh viên saong pok meyaom, daong ka dom anek saih kan kathaot hu số điểm glaong trúng tuyển tame dom sang bac ĐH, CĐ, alin hadaih radaih juak, pandap bac daa ka anek saih kan kathaot ngan saong yaom jien abih tih labaih 21 tỷ đồng.

# Hajan prong dui atah pambuak song ia tagok glong dalam dom harei tapa ngak ka rilo labik di tỉnh Cà Mau duak dalam ia. Tui nan, hu takik di abih  250 ha padai, labaih 70 ha njam patam rilo meng lac di bhum ia taba di dom huyện U Minh, Trần Văn Thời, Thới Bình njauk khut khat trak. Langiu di nan, mbang hajan khang meng bloh ngak duak dalam ia yaok pluh km jalan mbak puk palei di dom huyện ni.

Patui di ini dom khau tin dunya:

# Rajaei Mỹ harei 30/10 sa mbang tra brei thau bruk daong di taneh ia ini ngan saong bruk kham merat pacang khủng bố di 5 taneh ia bhum Sa-hen (Sahel) atau daok ieu lac kapul G5 nan lac Mô-ri-ta-ni, Ma-li, Cộng hòa Xát, Ni-giê, Buốc-ki-na Pha-sô, gam saong bruk sanya daong 60 triệu đôla ka dom taneh ia ini.

# Anak mbang nao rivang châu Á meng harei  03/11 anak tal,  Tổng thống Mỹ Đô-nan Trăm (Donald Trump) song  Thủ tướng Nhật Bản Sin-dô A-bê (Shinzo Abe) harei  30/10 njauk hatai gauk ngak bruk piah pacang cakak  Cộng hòa dân chủ bhap bini Triều Tiên patagok danak dak hạt nhân song tên lửa đạn đạo.

# Rajaei TL harei 30/10 brei klak taong abih dom hộ chiếu hu brei ka urang dahlau daih ngak thủ tướng Dinh-lắc Xin-na-vắt (Yingluck Shinawatra). Tui mintri Ngoại giao Thái Lan, bruk ini hu daong cảnh sát samar ba urang kamei chính trị gia mai taneh ia taduan án./.