# Patui veik danak dak mbang nyaom ka 2, Quốc hội khóa 14, harei ini (3/11), Quốc hội  ginum biai ka bruk cakrok patagok kinh tế- xã hội. Harei kabroi 2/11 langayh asal kadha pambuak pagam tal pasiam veik bruk ngak nong, Akaok Mentri ngak nong saong patagok palei pala Nguyễn Xuân Cường ndom lac: Tukvak anak tal meda brei thau ka dom nyaom pandap hu pren khang di negar piah ba tabiak dom jalan ngak praong, abih di nyu nan lac pataom tame peih taleih dom kadha daok tavak ngak jeng pren khang ka bruk ngak mbang pala drak, bo kadha tavak prong abih nan lac taneh riya, palaghaih ka dom doanh nghiệp, Hợp tác xã saong urang nong hu hatai caong khin peih prong bruk ngak mbang pala drak. 

# Anak bruk hajan xua ngak khat lihik trak tal dom tỉnh gah kreh negar , harei 2/11, Trung ương Hội Chữ thập đỏ Việt Nam hu daong pandap saong jien mbang ka  3 yaom 4,2 tỷ đồng. Dalm nan, hu jaik 3 tỷ đồng jien; 1 rabau 200 thùng pandap di sang, 300 bộ dụng cụ ramik pasiam sang, 15  sang  bạt dã chiến, 65 thùng khử khuẩn ia Aquatab, labaih 500 thùng menyek lipao akaok, máy halang ia ..ka dom tỉnh gaok khat lihik trak abih lac Hà Tĩnh, Quảng Bình saong Quảng Trị. Dalam melam pandap cứu trợ hu pajeng nao tal 3 tỉnh piah samal brei ka 2 kapul cứu trợ di Trung ương Hội Chữ thập đỏ Việt Nam ba brei ka mikva  di harei 3/11 di dom libik khat lihik trak abih kayua xua ribuk. 

          #  Ủy ban Bhap bani tỉnh Quảng Nam hu ba tabiak sarak daong ka urang nong piah paglaong kein laba bruk raong glang ngan haong phun jien jaik 3 tỷ đồng. Tui nan, dom baoh sang raong limo, kubao, menuk ada (oh kuhria dom baoh sang raong pah ka dom doanh nghiệp saong raong dalam trang trại) dalam tỉnh hu daong jien blei bình caik nitơ, vật tư phối giống nhân tạo ka limo, kubao, blei kubao tano, limo tano; xử lý chất thải raong glang (padang công trình khí sinh học, ngak đệm lót sinh học); pato tacei ilamo phối pajaih nhân tạo limo, kubao saong daong abih dịch vụ thú y. 

# Tal urak ini, dalam tỉnh Hà Tĩnh jeng daok hu labaih 1 Ribau sang bhapbini di dom huyện Hương Khê, Vũ Quang, Cẩm Xuyên gaok ia dauk saong oh hu jalan nao mai. Yaom lac ia xua daok trun, min dom danao padang ia dalam tỉnh Hà Tĩnh daok xả lũ piah khik caga an toàn dom danao padang ia. Tui ông Ngô Đức Hợi, akaok  Chi cục Thủy lợi tỉnh Hà Tĩnh, dalam tukvak urak ini njauk pasng iek hajan xua piah parabha ia siam di dom danao piah khik caga an toàn danao padang, taphia nan trun takik áp lực dauk ia ka bhum hạ du: Samar khan brei ka bhapbini saong karja puk palei thau ka mức độ xả lũ piah pacangcaga, khik siam tính mạng saong drap ar di bhapbini.

# Văn phòng Thường trực ban Tacei pato pacang caga bala meng langik tasik saong daong duah urang njauk bala tỉnh Bình Định brei thau, hajan prong dalam tỉnh meng harei 30/10 tal harei 2/11 ngak khut ralo labik pak dom huyện Vĩnh Thạnh, Hoài Ân, Phù Mỹ saong Hoài Nhơn. Cambaih laih, hu dua baoh sang jaleih, 18 baoh sang tapeih tabung, 1.211 sang dauk dalam aia; 35 baoh sang aia dauk njauk panduan nao di palei Tân Phú, xã Mỹ Đức, huyện Phù Mỹ. 

# Harei pataom dam dara Việt Nam - Trung Quốc mbang yaka 3 di Việt Nam meda rah tabiak meng harei 7/11 tal 10/11/2016.  Dom bruk ngak praong di harei pataom meda rah tabiak di 7 tỉnh, ban tui kadha : “dam dara pataom tame khik caga alam môi trường saong patagok khang kajap rah tabaik di Lạng Sơn, Quảng Ninh; “dam dara pataom tame khik ramik  ilimo saong patagok  du lịch” rah tabiak di Bắc Ninh, Ninh Bình saong Phú Thọ; “dam dara nao dahlau patagok kinh tế xã hội rah tabiak di Lào Cai.

# Dalam bilan 10/2016, bal Cần Thơ pablei tabiak jaik 57.000 tấn brah, trun 5,8 % dut haong bilan dahlau. Tui kuhria 10 bilan akaok thun bal Cần Thơ pablei tabiak negar langiu labaih 535.000 tấn brah, mek hu labaih 62% bruk ba tabiak, trun 23% dut haong tukvak ini thun dahlau.Tui Sở Công thương Cần Thơ, bruk pablei brah tabiak negar langiu dalam bilan 10 oh hu ralo kayua hatai caong khin blei brah tame di dom negar Trung Quốc, Philippines, Malaysia, Indonesia trun biar.

Khaw tin dunya

# Sa kapal cao tốc pajeng labaih 100 menuac ginuh tame san hô saong karam di langiu tasik Inđônêsia, ngak 18 urang metai. Dom urang tuai angaok kapal rilo meng lac urang Inđônêsia ngak bruk di dom sang máy, trang trại di Malaisia.

# Nhật Bản meda daong brei 800 tỷ yên (jaik 7,7 tỷ đôla) ka Mi-an-ma dalam 5 thun tal. Panuac brei thau ini bahrau hu Thủ tướng Xin-zô A-bê (Shinzo Abe) ba tabiak dalam harei ini di mbang họp báo haong Cố vấn Karja kiêm Ngoại trưởng Mi-an-ma, amuk A-ung San-su-ki (Aung San Suu Kyi) pak bal ine Tôkiô  daok rivang Nhật Bản meng harei 1 tal 5/11.

# Harei kabroi 2/11, rajaei Thái Lan brei tagok tanut jang bruk daong ka urang pala padai brah Hom Mali (brah nhài thơm), saong brei peih ngak rilo jalan karei piah tani tanat darak pasal brah dalam tuk yaom padai brah trun bair abih kuhria dalam 10 thun tapa. Bruk daong nan hu peih tabiak meng harei 1/11/2016 tal harei  28/2/2017 saong meda daong hu 2 triệu urang nong. Tanut daong barau ka sa tan brah Hom Mali hu pandar ka urang nong lac  370 USD./.