# Patui veik danak dak mbang nyaom ka 5, harei ini Quốc ginum biai ka dự án Hukum pacang cakak tham nhũng (pasiam veik) saong dom asal kadha daok hu panuac karei di gauk di dự án Hukum pasiam veik, pabak dom paka di Hukum Thể dục, thể thao. Ralo quy định di dự thảo Hukum hu pasiam veik piah khik kajap bruk peih ngak hu, lagaih haong bruk di anak meta, njauk haong dom adat hukum urak ini yau quy định ka công khai, minh bạch gah bruk ngak di jabat, tổ chức, đơn vị; pathau khan, brei thau cambaih ka bruk pacang cakak tham nhũng; ka bruk alin hadiah saong taduan mek pandap alin hadiah, thanh toán tapa tài khoản; bruk langyahtham nhũng hu duah mboh tapa pasang iek saong ralo asal kadha karei di dự thảo Luật.

# Ba drei tame bruk ngak mbang kinh tế dunya nyu peih tabiak ralo jalan siam lagaih ka doanh nghiệp kaya ikan jeng gah gah hadang, min jeng hu oh takik cuang kandah tuk meriak gauk haong dom taneh ia raong hadang dalam bhum. Ong Kim Văn Tiêu, Phó giám đốc pasak pachreih nông negar, mintri ngak nong sang patagok palei pala brei thau: Raong hadang siam mekre, haci hacih lac bruk oh ngak karei hu, kol drei raong tui jalan Vietgap  ye nyu hu siam mekre, plaih hu ruak kik. Urak ini, dom sang raong hadang tui ilamu bharau ye hu kein laba biak glaong.

# Cục Hải quan tỉnh Hà Tĩnh daok peih ngak dom bruk piah yah klaak Chi cục Hải quan Khu kinh tế pabah mbang negar Cầu Treo tui Quyết định di Mentri Jien padai, kuhria meng harei 1/6/2018. Meng tuk Hukum kak je pablei tabiak negar langiu, kak je blei tame meng negar hu peih ngak meng harei 1/9/2016 ye Khu kinh tế Cầu Treo oh daok pabak ginup điều kiện piah taduan hu ưu đãi khu phi thuế quan, oh daok mbang tui dom sarak jien je ngan haong pandap panda, dịch vụ yau dahlau diah.

# Harei 30/5, UBND tỉnh Đăk Nông pambuak bruk haong Jabat pablei salih saong Công nghiệp Việt Nam – dhar Đà Nẵng peih ginum biai paglaong tanut meriak gauk pakat tỉnh (PCI) thun 2018. Tui pathau khan di UBND tỉnh Đắk Nông, yaom lac mek hu dom jak jeng siam mekre, min bruk merik gauk saong bruk ngak pih pasiam chỉ số PCI di tỉnh jeng daok ralo tavak tavaiy. Thun 2017, tanut meriak gauk di tỉnh Đắk Nông dang ala di abih dut saong dom tỉnh, thành karei dalam taneh ia. Dom doanh nghiệp dalam tỉnh Đắk Nông jeng daok gaok ralo kan kandah… Di nyaom biai, dom urang quản lý, dom chuyên gia, doanh nghiệp hu taong yaom veik bruk meriak gauk, klah rabha ilamu di dom tỉnh saong rik daong dom jalan ngak piah pasiam bruk ngak mbang, pablei salih, paglaong tanut meriak gauk tỉnh Đắk Nông thun 2018. 

# Jabat Cảnh sát điều tra Công an bal sit Huế bahrau tabiak bruk khởi tố vụ án, khởi tố bị can, chap kareik ong Ngô Văn Phúc, umo 32 thun, daok di phường Phước Vĩnh, bal Huế ka bruk pablei salih suan adat hukum ma túy. Pandap mek hu nan lac 1 tép Heroin saong 5 pok Heroin karei dalam rup ong Phúc. Pasang iek pak duk ong Phúc, gah chức năng mek hu 2 mbaik thaong  atah jaik 0,5m saong ralo pandap piah tiêm chích, pandar ma túy.

# Ủy ban nhân dân tỉnh Đắk Lắk bahrau hu panuac javap jaloi hadei di tuk hu panuac medil ka bruk chấm phúc khảo dom bài thi di mbang pakacah pilih ruah công chức di tỉnh, peih tabiak di kreih bilan 3 meng bloh. Dalam nan, hu 1 urang tagok điểm đột biến tal 67,5 điểm, saong 5 urang, hadei di tuk pasang iek veik, tagok hu 10 điểm, ngak brei salih karei labik dang dalam bảng điểm, nan ye hu dom khiếu nại di rilo thí sinh lac daok trúng tuyển bloh laik. Ủy ban Nhân dân tỉnh Đăk Lăk ndom lac, hội đồng thi tuyển ngak siam, ngak njauk adat hukum, oh hu bruk tiêu cực.             

Tin dunya: 

# Nhà Trắng harei 29/5 brei thau, mbang taom gaok pakat glaong Mỹ-Triều di Xing-ga-po harei 12/06 tui kuhria jeng meda rah tabiak. Tui Thư ký báo chí Nhà Trắng Xa-ra Xan-đơ (Sarah Sanders), Mỹ daok kuhria caga ka mbang taom gaok ini. Ngoại trưởng Mai Pôm-pê-ô (Mike Pompeo) dalam adit ini meda hu taom gaok Phaok akaok Ủy ban Trung ương đảng Lao động Triều Tiên Kim Y-âng Chôn (Kim Yong-chol), urang daok angaok jalan nao tal Niu O-óc (New York). Tổng thống Đô nan Trăm (Donald Trump) meda hu mbang taom gaok haong Thủ tướng Nhật Bản Sin-dô A-bê (Shinzo Abe) di Nhà Trắng harei 07/06, dahlau di tuk nyaom biai pakat glaong Mỹ-Triều hu peih tabiak di harei 12/06.

         # Tổng thống Mêhicô En-ri-quê Pê-na Ni-ê-tô (Enrique Pena Nieto) sa mbang tra ndom lac, taneh ia ini oh bayar jien ka daning biên giới bo Tổng thống Mỹ Đô-nan Trăm (Donald Trump) khin padang ngak piah pacang menuac nhập cư suan hukum tame negar Mỹ. Dahlau di nan sa harei, Tổng thống Mỹ Đô-nan Trăm hu panuac chỉ trích Mêhicô oh daong pacang menuac nduac tame Mỹ, saong hu panuac pahadar Mêhicô njauk bayar jien ka daning rah tui jalan negar di dua taneh ia.

# Mentri tri Ngoại giao Thái Lan brei thau, jabat ini oh ka thau ka bruk Vương quốc Anh phê chuẩn visa ka urang dahlau diah ngak Thủ tướng Thái Lan Dinh-lắc Xin-na-oắt (Yingluck Shinawatra). Dom hagait bo mentri ini thau hu jeng tapa báo chí. Dahlau di nan, harei 28/5, tui thong tin BBC di Anh ba panuac di sa urang jaik taphia dom amuk Dinh-lắc, urang dahlau diah ngak thủ tướng 51 thun hu blaoh visa dui atah 10 thun ka hộ chiếu di amuk. Ngan haong visa ini, thủ tướng njauk bleik rai meng thun 2014 di Thái Lan meda laik tame negar Anh tự do ngan haong giới hạn yaok mbang nao nan lac 6 bilan./.