#Sơn La hong dom tỉnh Bắc Lào daok brei patagok dom jalan ngak piah paglaong chất lượng, kein laba pambuak bruk di dua gah. Tỉnh Sơn La saong dom tỉnh Bắc Lào sanya peih ngak siam harak hadar kanal pambuak bruk yaok thun. Dua gah hu gam gam brei dom kapul urang pakat glaong saong urang jakar dom pakat, dom ngành taom gaok, ndom meyai nao mai ka bruk pato megru piah pabak tui bruk di anak meta, daong gauk patruh eik patrun kathaot, khik kajap quốc phòng – an ninh.

  # Di Hải Phòng, Liên đoàn Lao động ban sit Hải Phòng barau peih bruk pahadar 85 thun harei lihik di ong Nguyễn Đức Cảnh (31/7/1932-31/7/2017). Ini lac harei piah dom pakat, dom gah, dom kapul nyaom saong bhapbini ban Hải Phòng ngak tui kreih camin, patagok ilamu anit ranam taneh ia, jalan ngak cách mạng di  ong Nguyễn Đức Cảnh; kham merat yam tagok meng dom bruk ngak saong ngak siam abih bruk di drei, ba Hải Phòng hu dom jalan patagok barau di tukvak tal.

#Dom doanh nghiệp VN buh jien tame ngak mbang di Lào daok rik daong ka bruk patagok KT – XH di taneh ayut; urak ini hu 408 dự án hu brei adat, abih tih phun jien lac jaik 3,7 tỷ đôla Mỹ. Pambuak bruk pato megru dak harei dak peih praong, hu kein lagaih. Urak ini hu labaih 14 ribau lưu học sinh Lào bac daa di VN. Thun 2017, VN hu daong ka Lào 850 tỷ đồng; dom dự án daong hu peih ngak siam, njauk tukvak ba tabiak.

# Dalam 3 harei meng harei 17-19/11/2017) di tỉnh Bạc Liêu hu rah tabiak harei pataom ilimo Khmer Nam bộ mbang yaka 7. Harei pataom ilimo Khmer Nam bộ lac bruk ilimo praong peih ngak 3 thun sa mbang. Harei pataom piah jhul khang bruk jum pataom, taom gaok ilimo, nghệ thuật khik ramik saong patagok ilimo di bhapbini Khmer Nam bộ; tapa nan piah pok je, yaih khan ilimo di bhapbini Khmer saong bhapbini dalam taneh ia jeng ye dunya; brei thau bruk sangka di Đảng, karja ka khik khik ramik patagok dom yaom ilimo di bhapbini Khmer dalam jalan mbeik drei tame dunya di taneh ia urak ini .

# Urak ini, ruak vàng lùn- lùn blik hala daok njom mbak di taneh padai Hè thu di tỉnh Tiền Giang. Dalam adit tapa, gah ngak nông tỉnh hu 120 ha padai njom ruak vàng lùn – lùn blik hala, patagok abih tih jaik 250 ha padai njom ruak ini. Dom taneh padai njauk njom ruak vàng lùn – lùn blik hala pataom ralo abih di huyện Cai Lậy, Cái Bè  ngan saong  tỷ lệ ruak meng 5 tal 20% di padai daok pacah mbu, sraoh.

# bruk lingik jhak lac jalan siam ka jit ruak tamuh tabiak, ngak kan kandah tal bruk ngak nong di ban Cần Thơ. Tui nan, taong abih taneh nyaom ruak di dom janih phun pala lac jaik 27 rabau ha. Dalam nan, jit palai padai lac labaih 25 rabau ha, phun hu múi lac labaih 140 ha, njam patam saong phun mbang baoh karei lac labaih 1 rabau 300 ha.  Piah daong cakak saong pasiam kan kandah, piah khik caga bruk pala drak di bilan hajan thun ini, gah ngak nong ban Cần Thơ kakei mikva urang nong patagok taneh raong saong taong cap ikan dalam hamu. Lingiu di nan, patagok pathau khan bruk hajan xua saong jit ruak palai pajoa dalam bhum meng ini tal puac harei 15/8. 

# Harei 30/7, ban raya HCM peih danak dak pok meyaom 17 kreih camin dam dara palei pala ngak mbang naih joi thun 2017. Ini lacdom kreih camin dalam sản xuất, pablei salih dalam bruk ngak nông, hu ralo hatai sahneng bahrau saong pandar dom bruk ngak barau, pandar siam ilamu kỹ thuật tame bruk sản xuất, ba mai kein laba kinh tế glaong.

Khaw tin dunya

# Aakok mintri Ngoại giao gam ngak akaok mintri Quốc phòng Nhật Bản Phư-mi-ô-ki-si-đa brei thau, Nhật Bản saong Mỹ hu peih bruk pasram di bhum langiu tasik bán đảo Triều Tiên kuhria meng gah pai bhum Kiu-siu di Nhật Bản. Bruk pasram  mbang ini brei mboh bruk kham merat saong hatai khang di Nhật Bản piah paglaong libik dang dalam talei pambuak bruk đồng minh Nhật-Mỹ pamaong tal tani tanat khu vực, taphia nan, khik iek bruk ngak di Triều Tiên.

# Hadei di tuk họp di ban ine Ba-ranh mesup kabuoi, Ngoại trưởng 4 taneh ia Ả-rập nan lac Ả-rập Xê-út, UAE, Ba-ranh saong Ai Cập ndom lac halan hatian ginum biai saong Ca-ta piah langyah bruk khủng hoảng, nyaik khat lihik tal bhap bini.

# Hải quân Ấn Độ harei 30/07 khan brei thau hu mek khik sa kapal pajeng jaik 1500 kg hê-rô-in (heroin) yaom jien tagok tal 35 tỷ ru-pi (rupees), sumu 545 triệu đôla Mỹ. Ini lac dom ma túy praong abih bo gah hải quân Ấn Độ mek khik hu meng dahlau mai ini./.