# Harei 2/3, pak Hà Nội, Thủ tướng Nguyễn Xuân Phúc saong hadiuk di gait hu taom gaok diuk pasang patao Nhật bản daok rivang pakat karja di Việt Nam. Tapa nan, Thủ tướng Nguyễn Xuân Phúc saong Patao Nhật Bản brei mboh hatai bui sambai anak bruk cakrok patgaok khang kajap, taong abih gah di talei rohim pambuak bruk Việt Nam - Nhật Bản dalam dom thun tapa saong jia lac mbang rivang Việt Nam di patao saong hadiuk di patao mbang ini meda ngak brei patagok talei rohim pambuak bruk di bhap bani dua negar, jeng yau jul patagok bruk pambuak di dua negar ralo gah.

       # Di tuk pahadar 58 thun harei bộ đội Biên phòng, 28 thun harei  Biên phòng toàn dân 3/3, Bộ Tư lệnh Bộ đội Biên phòng barau peih harei pok meyaom 20 greih camin ranaih umo hadah trah Bộ đội Biên phòng 2016. Dalam dom 20 greih camin ranaih hadah trah hu rilo greih camin urang jakar, chiến sỹ biên phòng mesruh saong kol tội phạm pablei salih lậu saong pablei salih suan hukum chất ma túy. Meng thành tích tame mesruh jak jeng 5 chuyên án ma túy thun 2016, nhân viên đội đặc nhiệm Bộ chỉ huy Bộ đội Biên phòng Sơn La Nguyễn Đình Của brei thau: Hu sa đối tượng jaik dahlak abih, dahlak jeng pagui tui, đối tượng pandar phao K59 nduac mai tacei tame mbaok dahlak. Asal dahlak jeng thau lac mek pahu đối tượng. Dalam tuk dahlak daok sami samal tah laik phao di đối tượng, kuan đối tượng, dahlak jeng khống chế hu đối tượng, mek hu 50 bánh hê rô in saong sa mbaik phao K59.”   

        # Dom harei tapa, ralo baoh sang di bhap bhap bal Kon Tum mboh duh hatai kayua mblang taneh tangeiy hadei di tukvak mong iek gilac brei takik asal saong biak khang nan ye kan pablei. Oh lac yau nan, pak dua phường Thắng Lợi saong Thống Nhất di bal Kon Tum daok  hu mboh tình trạng thu hoạch tangeiy takik asal, gaok mai oh hu sa asal halei. Tui kuhria di bhap bani kayua lac pala gaok tangeiy lai nan ye yaok sào bhap bani khat meng 2-3 triệu đồng.

       # Tal akaok bilan 3/2017, lingik di ở tỉnh Khánh Hòa jeng daok rah tabiak jhak tuk hu hajan suan bilan saong la ar. Urak ini, pa ok daok tabiak baoh di bilan chính, min kayua lingik la ar, âm u yan na ye, tỷ lệ tabiak baoh bair jang duk saong thun dahlau. Tui ông Nguyễn Lai, akaok kapul urang nong huyện Cam Lâm, lingik jhak ngak ka pa ok tabiak baoh trun meng 35 – 40% duk saong dom thun dahlau. Taphia nan, bọ trĩ - đối tượng ngak kanyah jhak abih di phun pa ok jeng hu mboh di dom taneh pala. Ralo sang beir njauk peih bruk priuh jru piah caga bọ trĩ kaik phun.

       # Di Bình Phước, tukvak akaok bilan 3 ini hu tame mùa vụ paik amariak kalu. Yau nan min, tui ralo baoh sang di ini brei thau, urak ini yaom blei tame asal amariak kalu kuhria rah tapa meng 110.000 đồng tal 120.000 đồng/kg, tui kjanih amariak kalu. Hu thau, dalam tukvak ini thun dahlau (2016) yaom blei tame asal amariak kalu tal 180.000 đồng/kg. ralo urang nong mboh oh bui sambai, kayua lac amariak kalu trun yaom; urak ini yaom kaom daok laik trun. Anak yaom darak pasar amariak kalu trun tagok yau urak ini, ralo baoh sang yau daok angaok mbuk apui. Baoh sang urang nong Điểu Ma Giang, daok di thôn 3, xã Đắk Ơ, huyện Bù Gia Mập brei thau urak ini bein amariak kalu 2,5 ha samu jaik 3.000 trụ daok brei paik baoh. 

      # Paglaong prein meriak gauk piah meblah darak pasal pablei lẻ dalam taneh ia – nan lac bruk pandar di ông Trần Vĩnh Tuyến, Phó akaok uy mban bhapbini ban raya Hồ Chí Minh ka kapul padai brah, pandap mbang menyum ban raya Hồ Chí Minh  (FFA) di nyaom biai tabiak bruk thun 2017 peih ngak di melam  02/3. Tukvak tal, ban raya meda daong dom  doanh nghiệp ka jien, xúc tiến thương mại saong talaih kan kandah ka dom thủ tục hành chính .

       # Vụ padai Đông Xuân 2016-2017 pak Cần Thơ di dom tỉnh Bhum taneran kraong Cửu Long urak ini daok yam tame tukvak yuak kuak. Karei haong dom thun dahlau, thun ini tame vụ thu hoạch rộ, yaom padai Đông Xuân daok tagok glaong. Abih di nyu, yaom padai dak harei tagok ngak ka doanh nghiệp kan duah blei ginup chỉ tiêu piah pablei tabiak negar langiu kayua lac ralo baoh sang urang nong yaom lac hu mboh tangin pablei ka doanh nghiệp min jeng cố tình "jaoh kèo" piah pablei tabiak langiu. Số lượng  ini meblah meng 10-20%. 

      Khaw tin dunya

      # Meng dahlau harei peih pakak nyaom biai Chính trị Hiệp thương pakat negar Trung Quốc (Chính hiệp), hu veik sa urang jakan pakat glaong di taneh ia gaok điều tra kayua tội tham nhũng.  Di tukvak 5 tuk bair harei kabroi (2/3), trang web di Ủy ban kiểm tra kỷ luật Trung ương Trung Quốc (CCDI) brei thau, Tôn Hoài Sơn – Ủy viên thường vụ Chính hiệp Trung Quốc khóa 12, Chủ nhiệm Ủy ban kiều bào Hồng Công, Đài Loan, Ma Cao di Chính hiệp kayua ngak suan kỷ luật yau nan ye daok hu pasang iek.

      # Piah patrun manuac urang nhập cư tame châu Âu, Ủy ban châu Âu harei 2/3 hu tagok sap iew dom negar dalam Liên minh châu Âu pacang cakak dom urang nhập cư oh hu cơ hội likau tị nạn. Tui Cao ủy ka bruk nhập cư châu Âu, piah peih ngak siam mekre, dom negar dalam Liên minh châu Âu meda mong iek dui atah tukvak khik iek urang nhập cư njauk cap mek tagok tal 18 bilan.

      # Rilo nghị sỹ cộng hòa hu caong khin akaok mintri Tư pháp barau Giép Xét-sờn  (Jeff Sessions) oh pataom tame dom bruk dut iek ka bruk Nga can thiệp tame bruk pilih ruah tổng thống Mỹ. Bruk caong khin di ba tabiak hadei tuk hu khan brei thau ông Xét-sờn thun dahlau hu gaok Đại sứ Nga min oh khan brei thau di var điều trần anak Thượng viện.