# Pahadat 110 thun harei menek di aruah Tổng Bí thư Lê Duẩn (7/4/1907-7/4/2017), page ini 3/4, pak Hà Nội hu rah tabiak Nyaom biai “Ongh Lê Duẩn- urang pal akaok gheih ghang di Đảng, urang anek naih joi di bhummi Quảng Trị”. Nyaom biai kayua Học viện Chính trị negar Hồ Chí Minh, pambuak haong Ban Tuyên giáo Trung ương saong Tỉnh ủy Quảng Trị peih ngak. Nyaom biai piah pahadar veik bruk ngak saong dom rik daong di ong Lê Duẩn brei ka cách mạng Việt Nam saong bhummi Quảng Trị, taphia di nan brei mboh hatai thau dhar phor di Đảng saong bhap bani drei brei ka ong Lê Duẫn.

# Jang dalam mesup harei ini, di sang  Quốc hội, Ủy ban Thường vụ Quốc hội peih nyaom meyai đại biểu chuyên trách, ginum meyai, brei panuac ka dom bruk praong di 5 dự án hukum piah kuhria caga ka mbang nyaom ka 3, QH mbang mbang 14. Di nyaom meyai mbang ini, dom đại biểu QH chuyên trách hu brei panuac ka dom dự án hukum quang trọng, nan lac dom dự án hukum pasiam veik, pabak dom paka di bộ luật hình sự 2015; hukum khik iek, pandar drap ar karja (pasiam veik); hukum trách nhiệm bồi thường di karja (pasiam veik); hukum daong doanh nghiệp mbiah saong sit; hukum quy hoạch.

# Page harei 2/4 –njauk tame hareu 6 bilan 3 thun Đinh Dậu, tỉnh Phú Thọ peih ngak prong prang Lễ giỗ Đức Quốc Tổ Lạc Long Quân saong pok gilau pahadar Tổ Mẫu Âu Cơ pak Kalan Đức Quốc Tổ Lạc Long Quân angaok ceik Sim, Kalan Tổ Mẫu Âu Cơ angaok ceik Vặn dalam Khu inem mek dak rai sajarah Đền Hùng. Pak Kalan Đức Quốc Tổ Lạc Long Quân, binah ngak yang kayua đội tế xã Chu Hóa (bal Việt Trì) peih ngak dalam prong prang njauk tui adat cambat tanarakun meng kan, brei mboh hatai thành kính tri ân di anek taco Lạc cháu Hồng ngan haong ong akaok ong akei – dom urang hu kong menek tabiak bhap bani bangsa Việt, dak padang cơ đồ, peih prong mblang taneh, ba caik nền móng khang kajap ka Negar, bangsa hadei ini.

# Melam 2/4, di Quần thể inem krung sajarah dak rai- ilamu Phủ Dầy, xã Kim Thái, huyện Vụ Bản, tỉnh Nam Định, mintri ilamu- Thể thao saong Du lịch, UB bhap bini tỉnh Nam Định, Uỷ ban pakat negar UNESCO di Việt Nam peih bruk taduan mek bằng UNESCOcông nhận inem krung ilamu phi vật thể lambaok di nhân loại ka “thực hành tín ngưỡng thờ Mẫu Tam phủ di urang Việt”.

# Dalam bilan dam dara thun 2017, dom pakat bộ đoàn bal Hà Nội hu pataom tame peih ngak 4 asal kadha prong. Nan lac dom bruk peih ngak Thun kỷ cương hành chính; pathau khan, grap tanat trật tự, văn minh đô thị; bruk ngak sáng tạo, khởi nghiệp ka dam dara saong bruk tổ chức, tacei pato Nyaom roya Đoàn dom pakat. 

# Hu gilac kapal kanduh pasei hu ngak barau meng phun jien mesraiy Nghị định 67 di rajaei di ban Đà Nẵng hu hạ thủy thành công di harei 2/4. Kapal atah 27m, praong labaih  7m, glaong 3,3 mét, abih tih công suất labaih 822 CV, vận tốc 10 hải lý/tuk, abih tih phun jien đầu tư jaik 17 tỷ đồng, pandar phun jien mesraiy di gilang pariak đầu tư saong patagok VN (BIDV). Ini lac sruh kapal kanduh pasei ka 4 di urang taong cap ikan Đà Nẵng hu ngak barau meng phun jien mesraiy laba biar tui Nghị định 67 di rajaei ka dom sarak patagok kaya ikan.

# Harei 2-4, dom jabat chức năng di huyện Chợ Gạo, tỉnh Tiền Giang peih bruk pasang iek cambaih laih, duah thau cambaih laih makna ba tal metai lahik di ong Nguyễn Minh Úy, 51 thun, daok pak xã Phú Kiết, huyện Chợ Gạo. Page 2-4, ralo bhap bani di xã Phú Kiết, huyện Chợ Gạo tatuak drei tuk mboh ong Nguyễn Minh Úy ndih pam dalam ribaong aia, taphia jalan nao dalam palei saong metai blaoh. Tapa duah thau akaok mereip meng jabat công an, dalam melam 1-4 ong Úy hu nao mbang likhah di sa baoh sang dalam palei, tal page ini ye hu mboh bruk pandik hatai ini. Brak ini daok hu jabat  chức năng pasang iek duah thau. 

 Patui di ini dom khau tin dunya:

# Kapul cứu hộ In-đô-nê-sia gam saong cảnh sát hong bol bala daok kham merat duah dom urang daok diuk, hadei mbang jaleih haluk angaok pulao Gia-va, ngak 30 urang njauk lum ala gluh taneh. Tui urang brei panuac jabat pasang iek saong patrun dom bala langik tasik negar Su-tô-pô Pu-ô Nu-rô-hô, hajan khang dom harei tapa ngak jaleih haluk di sa palei di gah timur Gia-va. Urak ini gah cứu hộ barau duah mboh 2 urang metai saong dom urang daok lahik. Dalam dom urang njauk lum ala gluh taneh hu kapul urang daok thu hoạch laya vir taom dar palei.

# Đại sứ Mỹ pak Liên hợp quốc Ních-ki Ha-lây (Nikki Haley) brei thau negar ini meda ngak sức ép piah Trung Quốc hu hành động haong danak dak vũ khí hạt nhân di Triều Tiên. Panuac ndom ini hu ba tabiak tok dom harei dahlau di tuk Chủ tịch Trung Quốc Tập Cận Bình hu mbang nao rivang Mỹ. Chủ tịch Trung Quốc Tập Cận Bình tui kuhria meda taom gaok Tổng thống Mỹ Đô-nan Trăm (Donald Trump) pak labik padeih padei  Ma a La-gô (Mar-a-Lago) dalam mbang nao rivang Mỹ dalam harei 6  saong harei 7/4 anak tal.

# Hãng thông tấn negar Malaixia Bơ-na-ma ba panuac phaok Thủ tướng Malaixia A-mát Da-hít Ha-ni-đi brei thau, rajaei taneh ia ini oh kreik pabah mbang đại sứ quán Malaixia di ban ine Bình Nhưỡng, Cộng hòa dân chủ bhap bini Triều Tiên saong brei adat dom công dân TT daok diuk rai di Malaixia patui ngak bruk, bất chấp căng thẳng ngoại giao jaik di ini di dua taneh ia./.