Khaw tin 10h30 saong 14h30 harei 3/8

       #/ Phó Thủ tướng rajaei Vương Đình Huệ bahrau hu harak njauk hatai song panuac caong di Mintri jien padai ka bruk patrun thu phí jalan mbak di angaok jalan roya, cao tốc ngan song dom janih radaih nao mai. Tui nan, Phó Thủ tướng Vương Đình Huệ njauk hatai trun 10-15% yaom thu ngan song dom radaih nyaom 4 (radeih hu trọng tải meng 10 tấn tal ala 18 tấn; radeih pajeng pandap meng Container 20 fit) song nyaom 5 (radeih tải trọng meng 18 tấn tagok, radeih pajeng pandap Container 40 fit) di dom bilai hu yaom thu tối đa Khung di thông tư 159. Mintri jien padai brei thau tanut trun 2 nyaom ni dong patrun kan kandah ka bruk pablei salih pajeng ba.

      # Bair harei 2/8 di Hà Tĩnh, gah điều tra Công an tỉnh Hà Tĩnh tabiak quyết định khởi tố vụ án pambuak tal Công ty Môi trường đô thị thị xã Kỳ Anh eng drei lam 100 tấn chất thải di Formosa di trang trại, rah tabiak di phường Kỳ Trinh (ban sit Kỳ Anh). Đại tá Bùi Đình Quang, Phó giám đốc Công an Hà Tĩnh brei thau : "Bruk xử lý gluh di công ty môi trường đô thị Kỳ anh mek meng  nguồn thải di Formosa tapa dut iek mboh  hu chất ngak kanyak jhak tui quy định di adat hukum. Bruk công ty môi trường đô thị Kỳ Anh hu pajeng ba dom gluh nan tuh tabiak piah lam lac suan hukum khik caga alam moi truong, tapa dut iek di mintri Tài nguyên Môi trường, gah cảnh sát điều tra Công an tỉnh brei khởi tố hình sự bruk ini."

       # Melam kabroi 2/8 di ban Quy Nhơn, UB bhap bini tỉnh BĐ hu peih harei patom ilamu dunya Võ cổ truyền Việt Nam mbang ka 6 – BĐ 2016. Harei patom ilamu hu mbaok di labaih 1.000 võ sư, võ sĩ, võ sinh,  di 52 kapul võ thuật cổ truyền dok dalam negar song dunya, dalam nan hu 16 kapul di 9 negar di dunya. Danak dak peih harei patom ilamu dunya Võ cổ truyền Việt Nam mbang ka  6 - Bình Ðịnh 2016 hu angan “ Melam hội võ cổ truyền Việt Nam” hu peih ngak ngan song rilo kadha parang main võ thuật biak gheih, brei mboh bruk patagok di võ cổ truyền Việt Nam song võ cổ truyền Bình Định.

       # Tui kuhria mboh di mintri ngak nong saong patagok palei pala, dalam taneh ia urak ini hu labaih 285 rabau sang raong glang mbaoh tangin tame sanya oh pandar jru pakauk. Tui Cục raong glang, bhum hu sang mbaoh tangin tame sanya rilo abih lac bhum krong Hồng hu 181.505 sang, meblah 63,5% dalam abih tih sang hu mbaoh tangin tame dalam  taneh ia, patui di nan lac Bắc Trung bộ saong duyên hải miền Trung hu 54.835 sang, meblah 19,2%. Ông Hoàng Thanh Vân, akaok Cục raong glang brei thau, bruk sanya oh pandar jru pakauk dalam raong glang di rilo tỉnh daok hu siam tagok.

         #/ Ong Mang Văn Thới, Chi cục phó, Chi cục kiểm lâm tỉnh Tây Ninh brei thau, tapa tuk vak tui iek, duah thau dom cơ sở rong anek athur glai hu brei adat di dalam tỉnh, tỉnh hu 993/1.279 cơ sở hu padeih bruk, piah pacang var ro. Makna ngak ka dom cơ sở ni phá sản lac kayua dahlau deih urang pachreih tui bruk likau adat padang var ro rong trăn, cá sấu, nhím rắn ráo trâu…piah pablei tapa TQ, min dom thun jiak di ni darak pasa ni oh pablei  hu, yaom trun khang  

        # Piah patagok bruk bac bruk ngak saong ba bruk ngak ka urang bangsa takik, abih di nyu nan lac urang bangsa takik di dom labik langiu ban raya, labik “di dời, giải tỏa, Ủy ban bhapbini ban raya HCM hu tabiak bruk peih ngak Đề án "pato bruk, ba brei bruk ngak ka urang bangsa takik dalam ban raya  Hồ Chí Minh tukvak 2016-2020" ngan saong yaom jien ngak abih tih jaik 68 tỷ đồng. Dalam tukvak 2016-2020, đề án ba tabiak bruk pato bruk ngak ka 20% urang bangsa takik, sumu jaik 11.700 urang dalam thun ngak bruk, oh ka tapa tan bac bruk saong caong khin bac bruk. Taphia nan, peih bruk tư vấn, yaih khan bruk ngak ka  80% urang bangsa takik hadei tukhu mbaok tame bac megru.

      #/ Bạc Liêu urak ni hu labaih 30.400 ha taneh ngak mbang tui jalan padai –hadang  Ong Lương Ngọc Lân, Giám đốc Sở ngak nong song patagok palei pala Bạc Liêu,brei thau ni lac jalan ngak khang kajap, njauk brei peih prong di dom labik kein lagaih. Tui Cục pala drak, mintri ngak nong song patagok palei pala, Cục pala drak song pasak pajaih pakat negar dok roh duah dom bộ pajaih padai bahrau chui mbak, lagaih song jalan ngak padai –hadang.

       Khaw tin dunya

      # Hadei tuk nduac tapa Hồng Công saong Quảng Đông, Trung Quốc, ribuk nhiệt đới Ni-đa melam kabroi (2/8) nyu nduac tapa labik tự trị Choang Quảng Tây, pagam saong angin khang saong hajan praong. Karja tỉnh Quảng Tây njauk kareik bambang dom labik mein, du lịch giải trí saong caga dahlau dom jalan ba bhapbini nao plaih meyah ia dom baok kraong dalam tỉnh ini tagok glaong mbuan si dauk saong glut jaleih. Yaok pluh sruh kapal dalam tỉnh ini njauk klak.

     #/ Harei kabroi 2/8, Mintri quốc phòng 3 negar lac In-đô-nê-xia, Phi-lip-pin song  Ma-lai-xia hu njauk gauk ka dom bruk nao pasang iek haong gauk di angaok bhum tasik, piah pacang cakak bruk tội phạm dok tagok yau urak ni. Tui nan, bol lin 3 negar pambuak bruk pasang iek dom labik daok hu bruk blah tasik atau kein laba ka chủ quyền.Bruk pasang iek bahrau ni hu peih ngak tui jalan hải quân yaok negar  eng drei tuần tra dalam bhum tasik di drei song hu pambuak bruk di 3 taneh ia.

      # Dalam mbang ravang Mỹ pahadar 50 thun padang talei pambuak bruk ngoại giao, melam kabroi 2/8, Thủ tướng Xinh-ga-po Lý Hiển Long hu ginum biai saong Tổng thống Mỹ Ba-rắc Ô-ba-ma (Barack Obama) di Nhà Trắng, ginum biai dom bruk piah peih praong talei pambuak bruk dua gah, paglaong talei pambuak bruk saong dom bruk dalam bhum. Dalam sa tuyên bố hadei mbang gaok, Tổng thống Obama ndom lac Xinhgapo nan lac sa gah pambuak bruk khang kajap di Oa-sinh-tơn, saong ndom lac dua taneh ia jeng hu klah rabha tầm nhìn ka sa bhum châu Á-Thái Bình Dương ginup meda, siam mekre, saong ka sa dunya siam jang ./.