# Công ty Đóng gilai Hạ Long (dalam Tổng công ty Công nghiệp tàu thủy) hu peih ngak lễ caik ky tổng đoạn chuẩn gilai ikan FISHING TRAWLER, ký hiệu thiết kế SBA01. Janih gilai ini thuộc thế hệ bahrau abih tui adat taong mek kaya ikan dalam aia di Ca-na-đa. Gilai hu trang bị dom thiết bị đặc biệt duah pasang taong mek, hu hệ thống palih ruah saong parabha janih ikan. Tui kuhria, gilai meda hu jao brei dalam bilan 4/2018 ka khách hàng.

  # Meng blaoh, Sang iek ruak Đa Khoa tỉnh Quảng Ninh ngak hu jayah bruk ngak talang  tagei meng nẹp vít ralai eng ka 2 urang urang ruak jaoh talang tagei ala kayua labuh radaih. Ini lac ilamu birau mbang camereip hu ngak di sang iek ruak ini, hu rilo siam mekre. Tui nan, urang ruak blaic riac sa mbang piah hu siam, gam hu lagaih ka urang hadei laic riac.

# Sang iek ruak Uranaih trung ương brei thau, anek kaman njauk ruak viêm phổi trak kayua njaom mbak vi rút hợp bào hô hấp (RSV) tagok đột biến dalam dom adit jaik di ini. Yaok harei sang iek ruak njauk sàng lọc meng 80 tal 120 urang ruak piah ngak xét nghiệm samar, kết quả jaik 40% số trường hợp njaom mbak vi rút hợp bào hô hấp (RSV). Urang ruak njauk tame sang iek ruak mboh ralo lac uranaih saong anek kaman umo ala 6 bilan thun.

# Di ban Đồng Hới, Kapol Ilamu saong Patao megru Taom gaok Viet Nam pambuak saong Kapol pachreih bac tỉnh Quảng Bình alin brei 273 paok jien bac Vallet ka anek saih, sinh viên naih joi 3 tỉnh Quảng Bình, Hà Tĩnh saong Quảng Trị. Gru Odon Vallet, urang alin paok jien bac ngan kuhrai tui jien jaik 2,4 tỷ đồng. Yaok paok jien bac ka anek saih 8 trieu dong daok sinhvien 13 triệu đồng.

# Pak bal Huế, Mentri ngak nong saong patagok palei pala pambuak haong  tỉnh Thừa Thiên - Huế peih ngak Diễn đàn "Pacang khik, pasiam veik, tái tạo hệ sinh thái thủy sinh saong nguồn lợi thủy sản". Pak Diễn đàn, dom urang lambaok ndom lac, piah pasiam veik, tái tạo nguồn lợi kaya ikan saong hệ sinh thái tasik di bhum tasik ciuk pambak di sự cố môi trường, njauk pataom tame pasiam veik hệ sinh thái rạn san hô, dak padang dom sinh cảnh nhân tạo ngak labik caih menek, labiak daok di dom janih kaya ikan; patrun dom tác động di nghề lưới katung piah patagok hiệu quả di jalan pasiam veik nguồn lợi.

# Dom gah chức năng huyện Chợ Gạo, tỉnh Tiền Giang birau brei pataom saong xử lý salah siam 6 baoh đạn cối 82 ly saong 42 kg jru patuh TNT. Dom đạn cối saong jru patuh kayua sang ông Đặng Minh Thành daok di palei Bình Thọ 2, xã Bình Phục Nhứt, huyện Chợ Gạo duah mboh tuk ngak taneh pal phun mbang baoh. Meng akok thun tal ini, dom gah chức năng di huyện Chợ Gạo ramik pataom hu jao ka jabat hu thẩm quyền taoh klak 3 baoh đạn 75 ly, 1 súng Col 45 hu 9 viên đạn…oh ngak mikva huac.

# Duk Cảnh sát Kinh tế, Công an tỉnh Kiên Giang, brei thau bahrau peih bruk niêm phong, tạm khik labaih 11.000 gói tea ja daneiy angan angaok darak pasar. Số tea ini kayua ong Trần Ngọc Chung, umo 52 thun, daok di phường Vĩnh Lạc, bal Rạch Giá ngak tabiak, đóng gói. Ong Chung khai nhận meng bilan 2/2017 tal ini, ong blei tea nguyên liệu oh thau cambaih laih asal di nyu meng bal raya Hồ Chí Minh ngan haong yaom meng 30 tal 34 ribau đồng /1kg blaoh pah manuac urang ngak tabiak jeng tea thành phẩm ja angan je di dom cơ sở angaok, hadei di nan ba pablei tabiak dom tỉnh piah duah laba bất chính. Urak ini jabat Công an daok patui veik bruk ngak cambaih laih hành vi ngan tabiak, pablei salih pandap ja ngan haong ong Chung piah xử lý tui njauk adat hukum di karja.

Khaw tin dunya

# Thủ tướng Anh Thê-rê-xa Mây lac muk meda hu pan akok đảng Bảo thủ dalam mbang palih ruak anak tal. Javap calei bruk tangi sua amuk hu pan kaok đảng Bảo thủ meda peih tabiak di thun 2022, Thủ tướng Thê-rê-xa Mây brei thau “ dom panuac nan oh thau meng halei mai. Dahlak khinkhin ngak bruk ini suai lavik”. Thủ tướng Anh jeng brei thau bruk khin ngak di drei oh njauk bruk tui ngak siam tiến trình Brexit bo daok dak padang taneh ia Anh khang kajap.

# Hội đồng Bảo an Liên hợp quốc brei tapa nghị quyết gia hạn mbluak sa thun sứ mệnh di Lực lượng lâm thời Liên hợp quốc pak Li-băng (UNIFIL. Nghị quyết kayua Pháp soạn thảo brei thau cambaih, Lực lượng lâm thời Liên hợp quốc pak Li-băng hu thẩm quyền peih ngak taong abih bruk njauk ngak pak dom labik daok hu peih ngak saong njauk grap tanat lac dom labik ini “oh njauk brei pandar ka dom bruk ngak thù địch tui bất cứ jalan ngak halei”.

# Nyaom roya mbang 19 Đảng CS Trung Quốc meda brei peih ngak di harei 18 bilan 10 tal. Ini lac bruk ba tabiak di Mentri Chính trị ĐCS Trung Quốc patahu tagok Nyaom biai pakat negar mbang 7 khóa 8  di Đảng CS Trung Quốc meda brei ginum biai hdi harei 11 bialn 10. BCH Trung ương Đảng CS Trung Quốc mbang 19 tui kuhria dahlau hu 350 ủy viên tame./.