# Di jabat rajaei, Phó Thủ tướng Vương Đình Huệ hu taduan raok ông Ryuji Nishisaki, Giám đốc điều hành, akaok gilang pariak Sumitomo Mitsui (SMBC) di bhum châu Á- Thái Bình Dương. Di var taduan raok, Phó Thủ tướng Vương Đình Huệ mboh hatian bui sambai tuk Việt Nam hu gilang pariak Sumitomo Mitsui pilih ruah lac libik mai dalam đầu tư, pambuak bruk pablei salih saong brei panuac lac Gilang pariak meda buh jien tame gah dak padang hạ tầng. Langiu nan, ngan saong alamu di khik ramik jien padai, Phó Thủ tướng Vương Đình Huệ caong khin gilang pariak pataom tame ramik pasiam Gilang pariak Eximbank patagok khang kajap di tukvak tal; pataom tame jalan cổ phần hóa, ramik pasiam dom doanh nghiệp nhà nước. 

/ Tui mintri ngak nông saong patagok palei pala, njam patam, baoh karaoh pablei tabiak negar lingiu 4 bilan akaok thun ini hu 1 tỷ đô la, ralo jang 32,6% duk saong thun dahlau. Trung Quốc, Hoa Kỳ, Nhật Bản saong  Hàn Quốc lac 4 darak pasar blei rilo njam patam, baoh karaoh VN, meblah 82,9% abih tih yaom pablei njam patam, baoh karaoh tabiak negar lingiu.

# Dom beir pala nho di huyện Ninh Hải, Ninh Phước, ban sit Phan Rang – Tháp Chàm (tỉnh Ninh Thuận) daok paik baoh bilan pasak pablei ka urang blei. Thun ini, nho hu yaom ngak ka urang pala nho biak uan tabuan. Urak ini, sa kg nho di beir hu yaom meng 40.000 tal 50.000 đồng, nho hi jao hu yaom meng  60.000 tal 75.000 đồng. Yaom ini glaong 1 mbang meteh duk saong tukvak puac thun 2016. Kuhria năng suất sa sào hu meng 1 mbang meteh tal dua mbang, hadei mbang kaoh jien buh tame, urang nong laba meng 40 tal 50 triệu đồng.

/ Pabah lam ngu ikan ban sit La Gi, tỉnh Bình Thuận urak ini njauk ô nhiễm trak, jhak tal pren yava di bhap bini saong oh hacih sa-at dom labik pataom blei kaya ikan. Ong Nguyễn Nhược, urang taong cap ikan phường Phước Lộc, ban sit La Gi brei thau: “Pabah lamngu La Gi ini nyu ô nhiễm meng 5, 7 thun dahlau. Nyu gluh baok, gaiy gilai mbau bruk. Bhap bini di labik ini bhian njauk viêm xoang, viêm dung”.

# Yam tame bilan thu 2017, bruk pacang khuah padam khuah glai pala hu dom công ty lâm nghiệp, mBan khik ramik glai phòng hộ dalam tỉnh Kon Tum sangak ngan saong kadha “ caga lac bruk praong abih”. Urak ini, dom libik gam gam caoh jalan caga apui, cuh dom thảm thực vật ala hlui glai, dak padang dom chòi pasang iek di dom libik padiak ka bruk cuh, jah tak puh di mikva. Taphia nan, công ty pathau khan, jak ba urang bhapbini gam pataom tame pacang caga glai, khik caga glai, peih ngak siam bruk “ 4 kadha di libik”.

/ Tỉnh Cà Mau daok pataom tame padang angan brah đặc trưng di puk palei; taphia di nan sangka bruk pablei salih, yaih khan angan brah Cà Mau hadei di tuk mek hu chứng nhận chuẩn chất lượng glaong ka darak pasar dalam saong langiu taneh ia. Tui nan, tal thun 2020, Cà Mau padang bhum ngak padai chất lượng glaong tui chuỗi giá trị  90.000 ha, sản lượng padai mek hu labaih 640.000 tấn.

# Piah pasiam dom kan kandah, trun takik bruk mbuan hu tua mbak ngak khat lihik ka pala drak gam ba mai kein laba glaong ka urang nong, di bilan Đông Xuân 2016 – 2017, huyện tapeng tasik Gò Công Đông, tỉnh Tiền Giang hu peih praong taneh pala njam patam dom janih tagok tal 5.100 ha, patagok jang duk saong dom bilan ini thun dahlau labaih 1.000 ha, puk paleo jeng paik hu jaik 80.000 tấn njam patam dom janih ba pablei tabiak darak pasal tagok labaih 23.500 tấn duk saong dom bilan ini thun dahlau.

Patui di ini dom khau tin dunya:

/ Akaok negar TQ Tập Cận Bình saong Tổng thống Phi-líp-pin Rô-đri-gô Đu-tê-tê harei kabroi 3/5 hu mbang ieu phon ginum meyai ka talei pambuak bruk dua gah saong pambuak bruk dalam khu vực Bắc Á. Dalam nan, bruk angaok bán đảo Triều Tiên hu dua urang dang akaok Trung Quốc – Phi-líp-pin biak sangka.

# Lãnh sự quán taneh ia Cộng hòa xã hội chủ nghĩa Việt Nam di ban ine Bây-rút, Li-băng hu jeng libik randap di bhapbini urang Việt di ini dalam luac 6 thun tapa. Oh lac daong ngak harak ba ar, pháp lý, Lãnh sự danh dự di Việt Nam di Li-băng ông Cha-đi Giô-dép I-sa (Chady Joseph Issa) daok duah rilo bruk ngak siam ka urang ngak Việt Nam. 

/ Somalia meda hu labaih 1,4 triệu uranaih lavang lavaih di puac thun ini, ralo jang 50% duk saong thun 2016 kayua bruk eik lipa kathaot saong pandiak bhang dui atah./.