# Harei kabroi (3/7), kapul ngak bruk di Quốc hội kayua ong Uông Chu Lưu - Phó chủ tịch Quốc hội pan akaok kapul hu nao ngak bruk haong dom urang dang akaok tỉnh Sóc Trăng ka bruk patagok kinh tế - xã hội 6 bilan akaok thun 2018 saong ba tabiak jalan cakrok kinh tế - xã hội thun 2018. Ong Uông Chu Lưu, Phó chủ tịch Quốc Hội pok meyaom dom bruk ngak hu di Sóc Trăng dalam 6 bilan akaok thun 2018 ka patagok kinh tế - xã hội, ka bruk khik caga siam mekre puk palei, pasang iek tư pháp, nội vụ. Ong Uông Chu Lưu jeng hu panuac kakei lac, tỉnh Sóc Trăng njauk patagok jang pren khang di drei piah ngak hu ralo jang gah kinh tế; njauk sangka khik ramik dom yaom glaong ilamu bangsa, peih ngak ka nyu samu gauk dom jalan ngak piah pathau khan, pato pakai, pacang cakak suy thoái đạo đức, patagok dom sarak ka bangsa, rik daong khik kajap an ninh, chính trị, sron mbon, siam mekre puk palei.

# Pambuak tal bruk adei Lương Ngọc Hà, 4 thun metai hadei di tuk ba nao cấp cứu meng cơ sở khik uranaih Kim Sơn, di jalan Khúc Thừa Dụ, phường Phước Long harei 15/6, tui giám định pháp y di pasak Pháp y tỉnh brei thau kayua viêm não - viêm màng não di rup pabhap,  viêm cơ tim, viêm phổi. Daok adei Đỗ Duy Khang, 2 thun daok di xã Phước Đồng metai di sang khik uranaih eng peih harei 6/6, pasak Pháp y tỉnh giám định mboh lac metai kayua mblung ia . Gah Cảnh sát điều tra Công an ban sit Nha Trang jeng daok peih dom bruk điều tra ka dua urang ini piah ngak cambaih bruk bala ini.

         # Dự án pacang dauk hu yaom jien ngak abih jaik 10.000 tỉ đồng di Tập đoàn Trung Nam di TPHCM hu ngak veik hadei di 2 bilan padeih ngak kayua kurang jien. Nan lac panuac khan di ong Võ Văn Hoan, Chánh văn phòng gam lac urang brei panuac di UBND TPHCM dalam mbang họp báo thường kỳ di UBND TPHCM harei kabroi 3/7. Dự án hu ngak piah pasang iek ia dauk kayua triều cường di dom Quận 1, 4, 7, 8 saong 2 huyện Nhà Bè, Bình Chánh...

# Urak ini, bruk caong khin nao mai meng kapal ahaok di urang bhapbini dak harei dak tagok jeng lac bruk dom hãng kapal ahaok meda dang anak bruk trak jang saong meriak gauk. Tui kuhria mboh di mintri Giao thông saong Vận tải brei thau, tal thun 2020, abih tih darak pasal pajeng ba tuai damuai di dom hãng hapal ahaok Việt Nam yaok thun tagok trung bình 16%; sản lượng pajeng ba kuhria yaok thun hu 64 triệu mbang tuai. Tui nan, gah giao thông vận caong khin sruh kapal ahaok di dom hãng kapal ahaok Việt Nam meng ini tal thun 2020 lac labaih 220 sruh duk saong bruk b atabiak dahlau diah. 

# Meng akaok thun tal ini, Đà Nẵng taduan raok labaih 4 triệu mbang tuai mai ravang me-in. Dalam nan, tuai Hàn Quốc hu labaih 800 ribau mbang, tuai Trung Quốc jaik 400 ribau mbang, ralo jang jaik 40% dut saong tukvak ini thun bloh. Bruk hu ralo tuai Trung Quốc, Hàn Quốc mai ravang Đà Nẵng hu ba jien tame ralo ka ban sit jeng ye ka gah du lịch Đà Nẵng. Min tuai mai ralo meng tour du lịch 0 đồng daok lac bruk duh hatai ka  Đà nẵng. 

Khaw tin dunya

#  Đại sứ quán Trung Quốc kakei tuai du lịch Trung Quốc njauk caik hatai dom bruk tuk nao tal Mỹ, hu hóa đơn y tế rilo jien, bruk đe dọa di dom mbang cuh phao libik công cộng saong klaik mehoah, dom bruk duah mek di urang jakar hải quan, pableik saleik viễn thông saong  thảm họa tự nhiên. Tui trang web di đại sứ quán Trung Quốc, bruk an ninh công cộng di Mỹ oh siam saong dom mbang cuh phao, klaik mehoah rah tabiak gam gam.

 # Bruk duah, daong ka 13 urang di kapul caoh mbanh, dit blong uraniah di Thái Lan daok gaok biak ralo kan kandah kayua lingik oh lagaih saong kayua pren yava di dom urang dalam kapul ini. Tui kuhria, bruk nan meda dui atah meng 3 tal 4 bilan.

# harei 3/7, di mbang nyaom di Nghị viện châu Âu pak Xtrat-buốc (Strasbourg), Thủ tướng Áo Sê-bát-chiên Kut-z hu khan brei thau dom bruk caik dahlau di taneh ia ini di libik ngak lac Chủ tịch luân phiên Liên minh châu Âu 6 bilan puac thun, dalam nan ông ieu  hu bruk salih barau dalam mô hình tị nạn:  "Kol drei njauk pataom tame khik caga biên giới ngoại biên di khối, maong ini lac sa bruk ngak catang piah dak apdang sa  châu Âu oh daok biên giới di dom taneh ia thành viên"./.