Khaw tin 10h30 saong 14h30 harei 4/7

#/ Ủy ban Trung ương Mặt trận negar Việt Nam bahrau hu pathau khan ka bruk pasang iek dong ka bhap bini 4 tỉnh gah kreik negar pasiam veik khat lihik kayua kaya ikan metai . Hu labaih 40 ribau boh sang hu dong jiak 4.310 tấn brah, dong rong pala kaya ikan njauk khat lahik labaih 9 tỷ 800 triệu đồng, labaih 8 po kapan kayua padeih tong chap hu dong aom jien abih tih 53 tỷ đống. Langiu di sarak di rajaei, daok hu bruk dong di puk palei, daok bruk dong pasiam veik môi trường dok suai damuai.

# Harei ini (4/7), dom thí sinh pakavah dua môn pakacah ta eng drei pilih ruah lac sajarah tui gah tự luận saong Sinh học tui gah trắc nghiệm. Ini jeng lac harei pakacah puac abih di mbang pakacah Trung học phổ thông pakat negar 2016. Tui kuhria di mintri pato megru, môn Lịch sử saong Sinh học hu thí sinh tut angan tame pakacah takik abih. Dom thí sinh pilih ruah pakacah Lịch sử saong Sinh học rilo pataom tame  xét tuyển đại học, cao đẳng meng tổ hợp môn di khối B saong  C. Dom thí sinh meda xét tuyển đại học, cao đẳng tui tổ hợp môn khối A, A1 saong D, dom adei hu pakacah tamat meng bair harei kabroi (3/7). 

# Tui panuac khan di mintri pato megru beir harei 3/7, hadei di harei pakacah ka 3 ngan song 2 janih pakacah Địa lý song Hóa học,  dalam negar hu 66 thí sinh  vi phạm quy chế thi, dalam nan hu 53 thí sinh brei padeih, 7 thí sinh njauk khiển trách, 6 thí sinh njauk cảnh cáo. Yau nan, hadei di 3 harei pakacah Trung học phổ thông  pakat negar, dalam taneh ia hu 265 thí sinh vi phạm quy chế thi, dalam nan hu 224 thí sinh brei padeih thi. ,

#  Pagaiy harei kabroi (3/7)  di Hà Nội, rah tabiam nyaom roya kapul urang kumei trí thức Việt Nam mbang yaka dua tukvak 2016-2021). Nyaom roya hu njauk gauk pilih ruah 55 urang jakar tame Ban Chấp hành khóa 2. Amuk Phạm Thị Trân Châu hu pilih ruah ngak veik akaok kapul . Amuk Phạm Thị Trân Châu brei thau:Kol dahlak meda jum pataom saong kham merat ngak siam bruk di nyaom roya hu jao ka njauk saong hatai jia. Kapul urang trí thức Việt Nam hu rilo chuyên gia di rilo gah kol dahlak tuk halei jeng halan hatian taduan mek bruk ngak di dom mban, nganh jao brei, abih di nyu nan lac di gah tư vấn saong  phản biện xã hội. Kol dahlak caong khin tukvak tal dom Ủy ban di quốc hội daok brei  kapul urang kumei hu mbaok rik panuac.

#/ Jeng dalam mesup harei kabroi 3/7 mintri Y tế song sang iek ruak đa khoa TƯ Thái Nguyên hu peih pakak Khối nhà kỹ thuật nghiệp vụ song ngak salah dự án đầu tư padang ngak pasiam sang iek ruak tuk vak 1. Ngan song danak dak ni, sang iek ruak tuyến trung ương hu 650 papan ndik iek ruak piah daong giảm tải sang iek ruak. Dự án padang ngak pasiam sang iek ruak Đa khoa Trung ương Thái Nguyên hu yaom jien buh tame ngak abih tih labaih 498 tỷ đồng, meng kadung jien di rajaei.

# Pasak Chất lượng Nông lâm- thủy sản bhum 4 ( Cục khik ramik Chất lượng Nông lâm- thủy sản, mintri ngak nong saong patagok palei pala barau brei harak brei angan VietGap menuk  ta Gò Công di Hợp tác xã raong glang - Thủy sản Gò Công. Ini lac tapol menuk ta akaok mereip do bhum taneran kraong Cửu Long mek hu angan ini .

#/ Mbang pakacah marathon pakat dunya Đà Nẵng 2016 hu rah tabiak di harei 6/8 anak tal ngan song angan “ nduac ngak pahla” tui kuhria hu labaih 4 ribau VĐV mai meng rilo negar di dunya. Mbang pakacah kayua Sở Ilamu thể thao ban Đà Nẵng peih ngak, dalam nan hu dom cự ly nduac chuyên nghiệp 42km, 21km, 10km song nduac phong trào 5km.Kadha bahrau di mbang pakacah thun ni lac mban tổ chức ba tame cự ly 10km song cự ly 5km ka tong abih urang pamong tal bruk ngak pahla. Yaok VĐV hu mbaok jalan nduac 5 km meda đóng phí 50.000 đồng piah padang kadung jien ka dom bruk ngak pahla di ban Đà Nẳng

Khaw tin dunya

# Harei kabroi  (3/7), urang brei panuac rajaei Thái Lan, Thiếu tướng San-sơn (Sansern Kaewkamnerd) brei thau, Thái Lan hu padang dom pasak khik ramik an ninh trật tự  dalam taneh ia. Dom pasak ini meda daong Ủy ban pilih ruah negar peih bruk trưng cầu mek panuac di bhapbini ka dự thảo Hukum negar bahrau di harei  7/8 tal.

#/ Hajan gam dalam 2 adit tapa di rilo tỉnh, ban di TQ ngak ka 61 urang metai, song 14 urang karei lihik. Piah patrun dom khat lihik kayua hajan khang, Jabat khí tượng TƯ TQ hu ba tabiak tanut cảnh báo sambo katam piah ka bhap bini caik hatai sangka.

# Dom tiểu vương quốc Arập thống nhất (UAE) harei 3/7 kakei urang likei plaih cuk angui khan ao mengkan lac ao mesam patih, shaok me om akaok tuk nao ravang mein taneh ia langiu, hadei di tuk sa urang likei doanh nhân taneh ia ini nao Mỹ saong njauk urang nghi ngờ lac kol khủng bố IS. Mintri Ngoại giao dom tiểu vương quốc Arap Thong nhat jeng hu panuac ieu bhap bini pan njauk hukum di taneh ia bo drei daok, pagap yau bruk urang klumei tuk tapa châu Âu meda klak seok pacang mbaok kaua rilo taneh ia hu hukum pakauk