Khaw tin 10h30 saong 14h30, harei 4/8

        #/ Beir harei 3/8 di Phủ Chủ tịch, Phó akaok negar, amuk Đặng Thị Ngọc Thịnh  taduan raok kapul urang amaik VN AH song urang hu buh pren yava ka taneh ia tỉnh Tiền Giang dalam tuk kapul tabiak rivang HN song tame sirah kalan Chủ tịch Hồ Chí Minh. Brei panuac di var taom gaok, phó akaok negar Đặng Thị Ngọc Thịnh ndom lac dalam tuk vak urak ni, taneh ia dok rilo kan kandah, min Đảng song karja drei tuk halei jeng kham merat rik dong siam di abih bruk an sinh xã hội ka dom amaik VNAH, urang buh pren yava ka CM

       # Anak dom bruk klaik tuh ia nerak tabiak alam moi truong di pasak Chế biến athur, menuk ada Đà Nẵng, di Công ty Cổ phần Procimex Việt Nam, bair harei 3/8, Ủy ban bhapbini ban sit Đà Nẵng peih mbang nyaom chip saong po  doanh nghiệp saong gah chức năng puk palei pandar samal hu jalan langyah catang di tukvak drak di abih. Di mbang nyaom , ông Huỳnh Đức Thơ, akaok Ủy ban bhapbini ban sit Đà Nẵng pandar : Bruk alam moi truong lac bruk biak praong, oh lac  doanh nghiep bo caik ka alam moi truong takre ngak hagaiyt ye ngak lac oh hu, dom thun ini paje. Thei jeng yau nan, ông halei praong abih mai di ini jeng yau nan, ngak oh siam lac kareik bambang, oh caik brei ngak yau nan hu.

        #/ Bahrau duah mboh 1 urang njom vi rút zika camereip di palei Tân Hội, xã Sơn Hội, huyện Sơn Hòa, tỉnh Phú Yên. Gah y tế tỉnh ni hu peih dom jalan ngak piah pacang cakak, langyah sruh jit ruak, patrun bruk njom mbak tabiak bhap bini, Urang njom rivut Zika di palei Tân Hội, xã Sơn Hội, huyện Sơn Hòa, tỉnh Phú Yên mboh pandiak gam song pandik cơ, pandik khớp, tagok boh ia,njauk  tame sang iek ruak Đa khoa huyện Sơn Hòa iek ruak. Tal harei 28/7, Viện Pasteur Nha Trang hu panuac khan lac dut iek darah di urang ruak dương tính song virut Zika

       # Pasak y tế huyện Đắc Tô, tỉnh Kon Tum urak ini daok laik tame bruk quá tải kayua urang ruak pandiak tabiak darah tame iek ruak biak rilo. Meng labaih 540 mbang urang tame iek ruak di sang iek ruak, huyện Đắc Tô lac labik hu urang ruak pandiak darah rilo abih di tỉnh Kon Tum kuhria meng akaok thun tal ini .

       #/ Pagam tal lệ phí tut angan tame palih ruah, sang bac Đại học Nông Lâm ban raya Hồ Chí Minh bahrau brei miễn lệ phí palih ruah tame sang bac ni ka dom thí sinh di bhum kan kandah song tut angan tame tapak.Tui nan, hadei di 3 harei tut angan palih ruah, thí sinh hu dong ba yau ni: Thí sinh hu hộ khẩu di 4 tỉnh gah kreik negar dalam nan hu Hà Tĩnh, Quảng Bình, Quảng Trị song Thừa Thiên - Huế njauk ảnh hưởng kayua tác động môi trường meng công ty Formosa hu miễm lệ phí palih ruah dalam nan hu 3 jalan tut angan: payua tapa bưu điện, tut angan tapak di sang bac song trực tuyến angaok website. Bruk miễn giảm lệ phí ni hu peih ngak di abih sang bac Đại học Nông Lâm ban raya Hồ Chí Minh song 2 phân hiệu di tỉnh Gia Lai song Ninh Thuận

    # Ngak tui bruk pato pakai mengkan saong inem krung ilimo dalam sang bac, ban sit Cần Thơ hu peih ngak rilo bruk pambuak pagam saong sang bac dom pakat, dalam nan hu dom bruk ngak iek daok ngak siam daok hu peih praong. Urak ini, dom sang bac  padang hu 8 kapul pathau khan inem mek ilimo dalam sang bac kayua gru pato saong anek saih gam dang ngak.

     #/ Urak ni, boh kayau di gah merong dok tame bilan paik, min boh kayau TQ dok pablei grauk labik dom drak pasa di ban raya HCM. Bruk tui iek hacih saat pandap mbang di dom janih boh kayau ni dok hu rilo urang pandar caik hatai sangka. Urak ni, yaok harei, pasa Đầu mối Thủ Đức blei tame meng 2.500 -2.700 tấn boh kayau, dalam nan hu nho hajao di TQ. Bruk bo urang pandar duh hatai urak ni lac boh kayau TQ dok pablei biak rilo di dom darak pasa, min oh phân biệt hu boh kayua halei nhập khẩu chính thức hu dut iek bloh, boh kayau halei nhập lậu.

        Khaw tin dunya

     # bair harei 3/8, di ban ine Viêng Chăn (Lào), dom urang jakar kinh tế 10 taneh ia ASEAN, Tổng thư ký ASEAN Lê Lương Minh hu pataom mbaok tame nyaom biai akaok mintri Kinh tế ASEAN mbang yaka 48 (AEM48 ). Thun 2016 lac thun akaok mereip hadei di tuk ASEAN brei padang Cộng đồng Kinh tế, pamaong tal bruk tame kinh tế khu vực praong dalam di thun 2025. Yau nan ye, kadha pambuak bruk praong dalam thun lac dak apdang jalan peih ngak  Lộ trình tổng thể dak padang Cộng đồng Kinh tế ASEAN (AEC) 2025.

     #/ Urang vak di rayo sap ndom VN dok di Thái Lan hu ba số liệu Văn phòng chính sách tài khóa Thái Lan (FPO) brei tha, KT Thái Lan thun 2016 hu khan lac meda patagok tui kuhria labaih 3,3% kayua dom bruk kham merat lac chi tiêu công song du lịch. . Giám đốc Văn phòng chính sách tài khóa Thái Lan brei thau, tagok KT dalam luac thun 2016 hu khang jang dut song 6 bilan akaok thun./. 

    # Huac ka jit ruak Zika di Mỹ tagok glaong hadei tuk karja Bang Phlo-ri-đa (Florida) adit blaoh brei thau lac mboh hu bruk njaom mbak di labik tapa jamaok. Sở Y tế Phlo-ri-đa daok pasang iek dom urang njom mbak di labik, paglaong abih tih urang njaom vi-rút hadei tuk gaok jamaok kaik di taneh praong 2,6 ki-lô-mét vuông di Hạt Mai-a-mi Đát (Miami-Dade) tagok tal 15 urang ruak. Thượng nghị sỹ Mác-cô Ru-bi-ô hu panuac ieu Thượng viện Mỹ kakak katut tukvak padheih hè piah brei tapa sa dự luật caga njaom mbak di vi-rút Zika.