Khaw tin 10h30 saong 14h30 harei 5/2

# Phó Thủ tướng Vương Đình Huệ brei bruk ka Mintri jien padai  buh tabiak 794,715 tấn brah khik piah di negar brei ka tỉnh Nghệ An daong pacang eik lipa ka bhap bini pala drak oh njauk thun 2017. Phó Thủ tướng jao ka  UBND tỉnh Nghệ An taduan mek saong parabha brah nan najuk menuac, njauk urang tui adat hukum

# Harei ini (5/2) dom doanh nghiệp di Đắk Lắk pandar yaom vé gam saong phụ thu vận tải Tết Nguyên Đán Mậu Tuất 2018. Tapa nan, dom radaih pajeng tuai meng Đắk Lắk nao Hà Nội saong dom tỉnh gah Brak hu yaom vé meng 950 tal 1.050 đồng; vé Đắk Lắk nao dom tỉnh bhum gah kreih negar meng 450 tal 650 rabau đồng, daok vé nao dom tỉnh gah meraong lac 250-350 rabau đồng. Ông Lê Công Du, Phó giám đốc Sở Giao thông Vận tải tỉnh Đắk Lắk brei thau : Njauk niêm yết công khai yaom vé, oh patagok yaom vé tui hatai, libik halei ngak suan kol dahlak langyah tui quy định di adat hukum."

# Page mesup 4/2, Đại học Nha Trang hu ba sinh viên daok di gah krewh negar nao palei mbang Tết. Meng 2 thun dahalu, Đại học Nha Trang hu jak ba dom doanh nghiệp daong 10 sruh radaih ba labaih 300 sinh viên nao palei. Ini lac dom sinh viên palei daok di dom tỉnh yau: Quảng Nam, Quảng Ngãi, Bình Định… Ông Đỗ Quốc Việt, urang dang akaok pasak Quan hệ doanh nghiệp saong daong sinh viên, Đại học Nha Trang brei thau: "Thun ini, dom tỉnh bhum tapen tasik gah kreh negar gaok lrilo khat lihik trak meng ribuk ka 12, nan ye sang bac daok hu dom sruh radaih ini, hu 5 doanh nghiệp daong ba dom adei nao palei."

# Harei kabroi (4/2), di sân vận động Thống Nhất ban raya HCM, dom urang di đội tuyển U23 Việt Nam hu taom gaok chreih chrai saong cổ động viên saong urang hâm mộ gah meraong. Tapa nan, UB bhabini ban raya HCM hu thưởng ka dom urang dalam đội caoh blong U23 Việt Nam 2 tỷ 500 ratuh triệu đồng; rilo mạnh thường quân jeng hu pandap  thưởng ka abih đội caoh blaong U23 Việt Nam.

# Tập đoàn Sungroup bahrau peih jalan cáp treo Hòn Thơm 3 talei bahrau abih di dunya, pambuak ban sit An Thới haong pulao Hòn Thơm – pulao praong abih di dom pulao An Thới daok di gah meraong pulao Phú Quốc. Jalan  cáp treo Hòn Thơm lac kadha akaok meti saong lac kadha praong abih dalam labik me-in giải trí tasik Sun World Hòn Thơm Nature Park kayua  Tập đoàn Sun Group padang ngk di Nam đảo. Jalan cáp treo Hòn Thơm saong dom labik me-in giải trí tasik hu peih pabah mbang taduan tuai di harei 14/2, lac harei 29 tết nguyên đán.

Khaw tin dunya

# Barau blaoh, Thủ tướng Nguyễn Xuân Phúc hu var taom gaok dom urang Việt Nam daok di Lào. Thủ tướng Nguyễn Xuân Phúc taong yaom, dom doanh nghiệp saong mikva Việt kiều Việt Nam di Lào jeng lac nhân tố biak praong, lac tatua dui pagam talei rohim saong pambuak bruk di dua taneh ia saong caong khin di dom doanh nghiệp Việt Nam...

# Japon bahrau ini cuh hu tên lửa ba tui vệ tinh sit abih di dunya. Jabat roh duah patagok hàng không vũ trụ Japon (JAXA) brei thau, tên lửa nan atah 10 mét saong hu đường kính 50 cm, ba tui sa vệ tinh sit, trak 3 kg, hu cuh meng pasak Trung tâm Vũ trụ Uchinoura (Ư-chi-nô-ư-ra), tỉnh Kagoshima (Ca-gô-si-ma), Tây Nam Nhật Bản, saong  hu par tagok quỹ đạo. /.

# Dom urang alamu di Đại học Waterloo, Canada, barau patagok sa thuật toán barau piah daong dom jabat daong cakak chip bala di lingik tasik piah daong siam ka urang praong thun. Thuật toán piah ngak tabiak sa danh sách cập nhật dom urang praong thun daok pandar dom dịch vụ pasang iek di sang, pagam tui dom asal kadha camabih ye: bruk pren yava, tanut taom gaok xã hội saong hu bhapbini daong.