# Tỉnh Điện Biên hu peih bruk pok ilamu ngak bingu la angaok khan ao meng kan di urang Mông, gah Mông bingu, di xã Sa Lông, huyện Mường Chà, tỉnh Điện Biên lac inem krung ilamu phi vật thể oakat negar. Ilamu ngak bingu la angaok khan ao meng kan di urang Mông gah Mông bingu, di xã Sa Lông lac janih ilamu bhap bini, khik ramik bruk cih bingu la meng sáp ong, menyim, pứt bingu la angaok khan ao meng kan

# Di palei sinh thái inem krung di xã Axan, huyện Tây Giang, Quảng Nam, rija peih akaok thun dhar phuan glai hu peih ngak piah paglaong akaok sahaneng di urang bhapbini ka bruk khik caga glai , pambak praong ilimo khik glai di bhapbini. Ini lac thun akaok mereip huyện Tây Giang ngak veik rija ini dalam praong prang; caong khin ka sa thun hu hajan siam angin lagaih, menuac sia khang kadang, kayaraong pala siam, gam brei mboh hatai iek praong taneh riya lingik tasik.   

# Công ty Cấp nước saong Đầu tư xây dựng Đắk Lắk brei thau, urak ini, dom gah padang ngak daok pataom pren yava, menuac ngak, pandap panda piah jhul samar bruk padang ngak sang mac cấp nước Ea Na (huyện Krông Ana) hu công suất 35.000 mét khối sa harei melam, saong sang mac pabak ia pandar Ea Bhốk (huyện Cư Kuin) hu công suất 20.000 mét khối sa harei melam. Dom gah daok samar ngak, kham merat tal puac thun 2018 ba tame ngak bruk, tamat bruk kurang ia pandar dalam bilan thu di ban sit Buôn Ma Thuột.

# Chi cục Kiểm lâm tỉnh Bình Phước brei thau, lingik pandiak bhang daok catang tagok dalam tỉnh, ba tui khuah glai di dom libik. Anak bruk nan, Chi cục Kiểm lâm tỉnh Bình Phước peih ngak saong gauk dom bruk pacang caga khuah glai di gah, dom libik jao khik glai saong dom libik hu taneh glai dalam tỉnh ye: jak ba dom sang daok diuk saong pala drah jaik glai, dalam glai, sanya khik caga, caga khuah padam glai.

# Sở ngak Nông saong patagok palei pala tỉnh Bến Tre brei thau, baoh la-u Xiêm Xanh saong baoh kruac bung kanduh hajao di tỉnh ini bahrau hu Cục Sở hữu trí tuệ- Bộ Khoa học saong Công nghệ Việt Nam brei harak chứng nhận tut angan chỉ dẫn địa lý. Tui nan, bhum địa lý lac dom huyện Châu Thành, Chợ Lách, Giồng Trôm, Mỏ Cày Nam, Mỏ Cày Bắc, Thạnh Phú, Ba Tri, Bình Đại saong ban sit Bến Tre. Ủy ban Nhân dân tỉnh Bến Tre lac gah khik ramik chỉ dẫn địa lý ini saong tukvak bảo hộ vô thời hạn dalam taneh ia Việt Nam.

Khaw tin dunya

# Harei 4/3, akaok mintri Y tế Nam Phi Aaron Motsoaledi khan brei thau vi khuẩn Listeria hu mboh di dom pandap mbang di taneh ia ini saong pandar dom công ty chế biến pandap mbang njauk drah samal duah tabiak dom bruk piah caga bruk pambak dom janih vi khuẩn Listeria. Hu thau, vi khuẩn Listeria bhian gaok di dom pandap sữa chua hu khử trùng, phomát lipih, ralo la ar, njam patam baoh traih saong kaya ikan dalam ia xông khói bhian ngak tabiak ngộ độc pandap mbang meda ba tal trak. Tui kuhria brei mboh, hu jaik 20% urang ruak njaom khuẩn Listeria monocytogenes metai.

# Jaik 1 adit hadei di mbang megei baoh taneh rah tabiak di bhum mbon ceik di Papua Niu Ghinê, jaik 150 ribau menuac jeng daok caong hu daong pandap mbang menyum kayua jalan khut saong dom mbang jaleih haluk nyu pacang bruk ba pandap daong tal dom bhum atah bayah. Papua Niu Ghinê hu tabiak panuac khẩn cấp di bhum njauk megei baoh taneh, min bruk khat lihik di mbang megei baoh taneh ia praong sit yau habar oh ka thau cambaih, mbiah tal tuk  dom kapul cứu hộ saong gah chức trách ngak salah bruk taong yaom.

#Harei 4/3, di baha Nisshikutsu di Tokyo, Hội Phật giáo Việt Nam di Nhật Bản barau peih Đại Lễ cầu siêu, truic gilau pahadar dom liệt sỹ ndih trun di mbang mesruh Gạc Ma (14/3/1988 - 14/3/2018). Đại lễ hu mbaok di dom tăng ni, phật tử, dom sử gia, urang roh duah sajarah di Nhật Bản, Đại sứ quán Việt Nam di Nhật Bản, dom urang di dunya gam rilo bhapbini urang Việt Nam di Nhật Bản.