# Pamaong tal pahadar 42 thun harei peih paha gah meraong, yasa taneh aia (30/4/1975 - 30/4/2017), pak Phủ Chủ tịch, akaok negar Trần Đại Quang bahrau hu van taom gaok haong Kapul lambaok urang dahlau diah ngak Điệp báo An ninh khu Sài Gòn - Gia Định (Điệp báo An ninh T4) tukvak tabiak rivang bal ine Hà Nội saong dom tỉnh bal gah Barak. Dalam tukvak ini, akaok negar Trần Đại Quang pandar dom jabat chức năng pambuak haong Ban liên lạc urang dahlau diah ngak Điệp báo An ninh T4 roh duah, đề xuất Karja mong iek pok meyaom dom jabat, manuac urang dalam lực lượng Điệp báo An ninh T4 hu thành tích xuất sắc min oh ka pok meyaom.

    # Tại Hà Nội, Hội Nhà văn Việt Nam tổ chức kỷ niệm 60 năm xây dựng và phát 2/ Di Hà Nội, Hội Nhà văn Việt Nam peih bruk pahadar 60 thun dak padang saong patagok (1957 – 2017). Tapa nan, urang ba gauk hadar veik bruk dak padang saong patagok Hội Nhà văn Việt Nam. 60 thun tapa, dom nhà văn VN tuk halei jeng nao gam saong bangsa. Daok dalam samar halei, nhà văn jeng lac dom urang abih hatai jai saong bruk cách mạng, lac domurang lin nao dahlau di gah Văn hóa tư tưởng.

     # Piah pasiam veik bruk kurang vi chất dinh dưỡng (kurang Vitamin A, sắt, I - ốt) di uranaih, abih di nyu lac kurang Vitamin A, taphia di nan jak ba bhap bani hu mbaok tame dim bruk pacang cakak suy dinh dưỡng, thun 2017 Bắc Giang kham merat hu labaih 98% uranaih umo meng 6 tal 60 bilan saong urang amaik menek dalam bilan akaok hu menyum Vitamin A ginup liều, an toàn. Bắc Giang meda peih ngak chiến dịch menyum Vitamin A grauk labik dalam tỉnh, rabha jeng 2 mbang: mbang 1 meng harei 1 tal harei 2/6/2017 saong mbang ka  2 meng harei 4 tal harei 5/12/2017.

     # Anak bruk báo chí brei thau lac urang metai hadei di blac daraih cakak u pruac lành di sang iek ruak Hữu nghị Việt Đức, mintri Y tế hu công văn pandar Giám đốc sang iek ruak Hữu nghị Việt Đức samar duah thau bruk nan; ngak brei cambaih trách nhiệm di kapul nyaom, menuac urang pambuak tal, langyah catang dom kapul nyaom, menuac urang njauk tui adat urak ini (meyah ngak sung).

    # Hadei di sa bilan peih ngak catang dom bruk pasang iek, taong phat, tal ini bruk jah tak, pajeng ba saong pablei salih kayau pơ mu suan adat hukum dalamtỉnh Điện Biên daok pasang iek hu. Hadei di tuk dom jabat báo brei thau ka bruk tak mek kayau pơ mu suan adat hukum di labik giáp ranh 3 huyện Mường Ảng, Tuần Giáo saong Mường Chà (Điện Biên). Ủy ban bhap bani tỉnh Điện Biên, gah ngak nong saong patagok palei pala tỉnh hu peih dom jalan ngak khang piah pasang iek, taong phat bruk nan.

     # Công an ban Hạ Long hu ba  hồ sơ gam saong 2 urang ka phòng cảnh sát pasang iek tội phạm ka ma túy Công an tỉnh Quảng Ninh piah ngak brei cambaih laih bruk pajeng ba sung hukum jaik 1kg ma túy. Dua urang ini lac Nguyễn Văn Hiên, ndih tapui thun 1989, daok di Hải Phòng saong Đặng Thị Phương, ndih tapui thun 1994, daok di tỉnh Tuyên Quang.

     # Bruk an toàn giao thông dalam tỉnh Lâm Đồng daok rah tabiak srau kadau, ngak ka urang metai ralo, tgaok tal 31,4%. Nan lac panuac khan dalam mbang giao ban báo chí kayua tỉnh Lâm Đồng bahrau peih ngak. Meng akaok thun tal ini, dalam tỉnh hu rah tabiak 56 mbang bala angaok jalan mbak nao mai, dalam nan hu 37 mbang biak khang, ngak brei 46 urang metai saong njauk rambuis 34 urang; tagok jaik 8% dom mbang saong patagok labaih 31% ka manuac urang metai dut haong tukvak ini thun dahlau. Dom bala nan bhian rah tabiak angaok jalan roya 20, labik jalan meng Đà Lạt nao bal raya Hồ Chí Minh.

       Patui di ini dom khau tin dunya:

       # Hải quân Thái Lan barau cap khik 16 urang taong cap ikan VN angaok 5 kapal ikan kayua lih tame bhum tasik taneh ia ini saong taong cap ikan sung hukum di bhum tasik tỉnh Trát, gah timur Thái Lan. Bruk cap nan di tukvak 14tuk meteh biar harei kabroi hadei di tuk kapal tuần tra HTMS Khi-rị-rát mboh dom kapal ikan nan lih tame bhum tasik. hadei di tuk tabiak tín hiệu cảnh báo, kapal tuần tra TL brei kapal cao nao jaik saong lục soát dom kapal ikan VN.

     # Tổng thống Philippines Đu-téc-tê hu sa thải Bộ trưởng Nội vụ Xu-ê-nô kayua lahik uy tín. Ini lac chính khách pakat glaong abih dalam raja-ei Philippines njauk cách chức pambuak pagam tal bruk tham nhũng. Ini lac panuac kakei dahlau ngan haong dom urang jakar dalam raja-ei. Akaok Mentri Sueno hu ngak tapa trợ lý di Tổng thống Duterte dalam chiến dịch jak ba tranh cử saong jeng lac urang peih ngak dom mbang tuần hành ủng hộ urang pal akaok ini.

    # Pasak tui iek môi trường ban Bắc Kinh brei thau, dalam 15 tuk hadei tuk ba tabiak tanut cảnh báo kanyik ka ô nhiễm không khí di ban Bắc Kinh, jabat ini hu tagok tanut cảnh báo Cam – tanut glaong ka 3 dalam bruk cảnh báo 4 pakat di ban. Meng harei ini 5/4 dom radaih ô tô xả thải tanut chuẩn 1 saong tanut chuẩn 2 oh brei peih jeng yau dom bruk ngak ngoài trời saong xây dựng jeng padeih . Pasak tui iek môi trường ban Bắc Kinh brei thau phạm vi  ô nhiễm sauk dhur mbang ini hu bak labik Bắc Kinh, Thiên Tân, Hà Bắc saong dui atah tal harei 7/4 tal./.