# Pak jabat Raja-ei, Thủ tướng Nguyễn Xuân Phúc bahrau dang tabiak peih nyaom biai Raja-eI bilan 4. Thủ tướng pandar Mentri ngak nong saong patagok palei pala, Mentri Công thương duah jalan pasiam veik bruk yaom pabui trun biak biar, patrun dom khat lahik ka urang raong glang. Pak dom puk palei bo Thủ tướng hu mai ngak bruk tapak, dalam nan hu Bình Thuận, Trà Vinh, nyaom biai xúc tiến đầu tư pachreih hu ralo urang đầu tư dalam saong langiu negar, bruk xúc tiến đầu tư biak biai saong nao tame dalam. 

      # Di sang QH, Ủy viên mintri Chính trị, Phaok akaok Thường trực Quốc hội Tòng Thị Phóng chủ trì mbang nyaom di mban peih nyaom meyai chuyên đề IPU khu vực Châu Á- Thái Bình Dương ka “Pacang cakak saong biến đổi khí hậu: bruk ngak di dom gah lập pháp piah peih ngak patagok khang kajap” tui kuhria hu rah tabiak meng harei 11 tal harei 13/5 di ban raya HCM. Brei panuac di mbang nyaom, phaok akaok QH kakei lac, UB Đối ngoại di Quốc hội, jabat ngak bruk Quốc hội saong dom bộ, ngành pambuak tal brei patui peih ngak saong ngak salah dom bruk daok veik, khik kajap bruk jak jeng di nyaom meyai, pabak hatai jia di Đại hội Đồng IPU hu palih ruah VN lac labik peih sự kiện praong ini.

      # 25 thun tapa, kadung jien daong ka uranaih dom pakat pak Việt Nam jak ba hu labaih 5 ribau 500 tỷ, yaok rituh ribau tấn pandap panda saong yaok triệu mbang urang hu mbaok tame, daong ka labaih 30 triệu mbang ranaih. Pok sap iew bhap bani sa tangin rik daong jien padai ka uranaih njauk ruak tim bẩm sinh hu blac raih, daong ka dom adei hu baoh hatai khang kadang piah diuk rai, bac megru saong cakrok patagok.

      # Di vạch phân định tatua Bắc Luân, Đồn Biên phòng pabah mbang negar Móng Cái hu pambuak bruk saong Tổng Cục cảnh sát – mintri Công an taduan mek sa urang hu lệnh truy nã đặc biệt ka duah pablei salih urang kamei kayua Chi đội Công an Biên phòng ban Phòng Thành Cảng, tỉnh Quảng Tây (Trung Quốc) trao trả. Urang nan lac Dương Thị Hà, ndih tapui thun 1975, daok di palei Bình Yên, xã Cẩm Bình, huyện Cẩm Thủy, tỉnh Thanh Hóa njauk truy nã đặc biệt ka duah pablei salih kamei”,  nduaC tapa TQ nyaik bruk duah cap di gah chức năng VN.

     # 4 bilan  akaok thun ini, dalam tỉnh Quảng Ngãi rah tabiak 8 mbang khuah, patuh, ngak ka 1 urang metai, khat lahik labaih 4,3 tỷ đồng. Cảnh sát pacang khuah padam khuah tỉnh Quảng Ngãi daok patagok bruk thẩm duyệt thiết kế pacang caga khuah ngan haong jaik 60 công trình; peih bruk brei ka 30 labik pablei salih gas saong labaih 300 baoh sang pablei salih pak dom darak mboh tangin tame grap tanat bruk pacang caga khuah; pathram, paglaong ilamu ka menuac ngak pak dom cửa hàng pablei salih xăng menjek.

      # UB bhap bini tỉnh Đắk Nông barau mbaoh tangin tame quyết định taong phạt saong brei padeih ngak dalam tukvak 3 bilan ngan saong sang máy sản xuất vật liệu xây dựng Tây Nguyên daok di palei Phú Sơn, xã Quảng Phú, huyện Krông Nô, tỉnh Đắk Nông. Tui nan, quyết định taong phạt 140 triệu đồng ngan saong hành vi oh vận hành gam gam công trình khik caga môi trường; taong phạt 70 triệu đồng ngan saong hành vi oh đăng ký nguồn chất thải nguy hại tui quy định. Abih tih yaom taong phạt lac 210 triệu đồng.

     # Pak bal Đà Lạt, Mentri Khoa học saong Công nghệ pambuak haong Ủy ban bhap bani tỉnh Lâm Đồng bahrau peih ngak Nyaom ginum biai Khoa học saong Công nghệ dalam patagok năng suất, chất lượng pandap di bhum Nam Trung bộ saong Tây nguyên. Tui nan, Phaok giáo sư, tiến sĩ Lê Tất Khương, Akaok Viện roh duah saong patagok bhum, mentri Khoa học saong Công nghệ, caik ka dom janih pandap  chủ lực bhum Nam Trung bộ saong Tây nguyên paglaong năng suất saong chất lượng, patagok kein laba saong pren khang di drei, langiu di  bruk pandar khoa học công nghệ, labik dang di dom doanh nghiệp nan lac biak prong.

       Patui di ini dom khau tin dunya:

      # Urang vak di rayo sap ndom VN daok di Thái Lan ba panuac urang ngak praong TL brei thau, ralo khả năng dom phần tử di kol IS hu tame gah meraong di taneh ia ini tui jalan taphia negar saong Ma-lay-xia. Thủ tướng Thái Lan Pra-dút Chan-ô-cha ndom lac, dom gah chức năng di taneh ia ini daok pambuak khang kajap saong gah Ma-lay-xia piah cap saong dẫn độ dom phần tử nguy hiểm ini.

     # Cảnh sát Ma-lai-xi-a bahrau cap khik 2 urang Thổ Nhĩ Kỳ, mong dua urang ini yau “mối đe dọa an ninh” ngan haong taneh aia Ma-lai-xi-a. Dua urang bahrau cap mek  nan lac Tu-gay Ka-ra-man (Turgay Karaman) saong I-xan A-xlan (Ihsan Aslan), dahlau di nan hu panuac brei thau lac lahik di Ma-lai-xi-a. Urak ini urang jakar Ma-lai-xi-a oh ka brei thau rilo ka bruk cap khik dua urang ini.

     # Mêhicô barau hu jit cúm menuk ada H7N3 di sa trang trại pablei salih di bang Da-lit-xcô. Tui mintri ngak nông Mêhicô, sruh jit rah tabiak njauk labik bo virút cúm menuk ada hu mboh thun 2012 saong mbang jit ini hu duah mboh kayua danak dak tui iek định kì. Mêhicô lac taneh ia pablei tabiak negar langiu praong dom pandap menuk ada. Dom bilan jaik di ini, dom chủng menuk ada karei di gauk hu mboh di ralo taneh ia Châu Á, châu Âu, châu Phi saong di Mỹ, ba tal bruk ba nao am cuh klak yaok triệu menuk ada gam saong lệnh patakik blei tame baoh, ralo menuk ada./.