# Meng harei 15/7, hu abih tih 88 dịch vụ hu ramik veik yaom, dalam nan hu 70 dịch vụ hu trun yaom meng 5% tal 24%, lac: yaom iek ruak, yaom papan ndih iek ruak kuhria tui harei saong yaom dom janih xét nghiệm; 9 dịch vụ tagok jaik 5%, lac yaom giường hồi sức tích cực, giường hồi sức cấp cứu; saong daok brei pabak yaom di 9 janih dịch vụ kỹ thuật bahrau. Thứ trưởng Bộ Y tế Phạm Lê Tuấn brei thau: Bruk patabiak Thông tư 15 lac jalan yam tagok bahrau dalam jalan patagok quyền lợi ka urang blei Bảo hiểm Y tế saong patagok parilo menuac blei Bảo hiểm Y tế.

# Jalan ngak barau ka dom danakdak đột phá lac asal kadha praong meda hu ginum biai di nyaom biai Thành ủy ban raya HCM rah tabiak meng harei 4 tal 6-7. Tabhia nan, nyaom biai meda sơ kết kreih nhiệm kỳ, maong veik 2 thun meteh barau blaoh, ba tabiak bruk ngak ka dua thun meteh daok veik. Brei panuac di nyaom biai, ông Nguyễn Thiện Nhân, Uỷ viên mintri Chính trị, Bí thư Thành ủy brei thau: Ban Chấp hành Đảng bộ ban raya mbang yaka 10 nyaom mbang 17 piah taong yaom abih gah bruk ngak hu di urang ba akaok, tacei pato peih ngak sarak nyaom roya Đảng bộ 10 di ban raya angaok cơ sở dom bruk ba tabiak di sarak nyaom roya 12 di Đảng. Langyah rilo dom bruk ngak hu, dom tavak tavaiy, makna ngak ka tavak tavaiy, alamu meng bruk ngak hu. Meng di nan ba tabiak dom jalan ramik pasiam daok tavak taviay srau kadau, peih ngak siam dom sarak nyaom roya Đảng bộ mbang yaka 10 di Đảng bộ ban raya, rik daong peih ngak siam sarak nyaom roya 12 di Đảng.

# Dalam 6 bilan akaok thun ini, kinh tế - xã hội di tỉnh Quảng Ngãi daok patagok. Abih tih sản phẩm (GRDP) tagok labaih 9,2%; jien mek tame kadung jien karja tui kuhria hu 8.350 tỷ đồng; ieu pataom urang tame buh jien tame ngak mbang patagok xã hội labaih 16.573 tỷ đồng; dom bruk ilamu - xã hội hu ralo siam mekre, an sinh xã hội hu khik kajap, bruk dak padang Đảng, dak padang hệ thống chính trị hu ralo siam lagaih. Meng ini tal puac thun, tỉnh Quảng Ngãi pataom tame ramik veik, salih bharau, paglaong kein laba bruk ngak di đơn vị sự nghiệp công lập; pakhang pasiam kỷ luật, kỷ cương dalam dom jabat ngak bruk karja, peih ngak samu gauk, siam lagaih, kein laba bruk dak padang karja điện tử, duh ka bhap bini... 

         # Tal bair harei kabroi 4-7, gah chức năng jeng daok duah daong urang njauk bala di kapal tasik Mông Cổ saong sà lan pajeng cuah. Libik rah tabiak bala daok di libik mbeik anak saong cảng ELFGAS (gah jaik ar libik đô thị Thủ Thiêm, quận 2, ban raya HCM) di tuk 5 tuk harei 4-7. Mbang bala ngak ka sà lan gaok ginuh karam, 3 urang gaok bala, dalam nan 1 urang gaok chấn thương, 2 urang daok veik hu 1 thuyền trưởng saong 1 thuyền viên lihik.

# Dalam tỉnh Long An urak ini hu labaih 3 rabau ha pala bei  khoai mỡ, ralo meng lac di huyện Thạnh Hóa, năng suất hu 56 tạ/ha. Meyah phun khoai mỡ  hu yaom meng 15 tal 16 rabau đồng/kg lac hu laba meng 150 tal 200 triệu đồng/ha. Sở ngak nong saong patagok palei pala Long An daok tacei pato dom tổ hợp tác, hợp tác xã ka bruk pala drak tui jalan công nghệ cao piah ngak tabiak pandap siam, njauk tanut VietGap.

#Bhum gah Brak, gah kreih negar daok di mbang pandiak bhang tabung glaong ngak ka dom urang ruak njauk tame sang iek ruak kayua sốc nhiệt, đột quỵ tagok glaong. Tui kuhria, pandiak bhang catang labaih 37 độ C daok dui atah tal harei 6-7 di bhum taneran Bắc Bộ saong harei 7 tal harei 8-7 di Trung Bộ. Nhiệt độ trun min jeng hu khik tanut 35 độ C dalam dom harei tal.

Khaw tin dunya

#Oh lac di taneh ia drei daok pandiak khang, bo ralo taneh ia karei di dunya jeng hu pandiak yau nan. Abih tih 17 urang metai kayua lingik pandiak di bhum miền Đông saong bhum kreih negar Ca-na-đa kuhria meng puac adit bloh. Taong abih dom urang metai jeng daok diMông-trê-an (Montreal), pasak di tỉnh Kê-bếch (Quebec), labik hu lingik pandiak tal 40 độ C saong lingik pandiak tui kuhria mboh lac daok dui atah tal harei page (6/7).

# Ha- oai( Hawaii) hu jeng bang akaok meti di Mỹ pakauk dom janih kem pacang caga pandiak hu oxybenzone( ô-xi-ben-zôn) saong octinoxate( óc – ti- nô- xít)  piah khik caga san hô. Hukum pakauk pablei saong ba pandap kem pacang caga pandiak hu chứa dom hóa chất angaok hu Thống đốc bang Ha- oai, ông David Ige mboah tangin tame harei kabroi ( 4/7). Hukum hu pandar meng marei 1/1/2021.

# Ngoại trưởng  taneh ia Hàn Quốc, Nhật Bản saong Mỹ meda taom gaok gauk di ban ine Tô-ki-ô (Tokyo), Nhật Bản adit tal. Akaok mintri Ngoại giao Hàn Quốc brei thau, bruk ginum biai hu rah tabiak dalam mbang ravang di Ngoại trưởng Mỹ Mai Pom-peo (Mike Pompeo) tal Triều Tiên, tui kuhria lac meng harei ini (05/07). Ngoại trưởng Hàn Quốc Kang Ki-âng Oa (Kang Kyng-wha) meda hu mbang taom gaok haong urang dang akaok gah ngoại giao Mỹ piah ginum biai ka bruk ngak hu dalam mbang ravang Triều Tiên di ong Mai Pom-peo. Mbang nyaom hu pambuak patui di nan meng dom bruk ginum biai 3 gah, hu mbaok di Ngoại trưởng Nhật Bản Ta-rô Cô-nô (Taro Kono). Ini lac mbang ginum biai 3 gah mbang ka 2 di Mỹ, Hàn Quốc saong Nhật Bản dalam tukvak oh ka tal 1 bilan tapa./.