Khaw tin 10h30 saong 14h30 harei 5/7

        # Puac tuk biar harei kabroi (4/7), Mentri Pato megru peih họp báo, brei thau tamat  bruk mong iek pakacah, mbang pakacah Trung học phổ thông negar thun 2016. Tui taong yaom di Mentri Pato megru, 4 harei pakacah di mbang pakacah Trung học phổ thông negar thun ini rah tabiak siam mekre, pachreih hu bruk hu mbaok di karja puk palei, sang bac đại học cao đẳng, dom kapul nyaom daong mbang pakacah. 

        # Dalam mbang pakacah Trung học phổ thông  pakat negar thun 2016, Gia Lai hu labaih 13 rabau anek saih tut angan tame pakacah. Di cụm pakacah xét tốt nghiệp Trung học phổ thông saong pakacah đại học- cao đẳng, cụm pakacah 45, kayua sang bac Đại học Nông Lâm ban raya Hồ Chí Minh dang akaok, dom anek saih pataom tame pakacah dom môn hu meng 95% tagok.  Ông Nguyễn Vinh Hiển, Thứ trưởng mintri pato megru taong yaom : “Dom kapul halan hatian daong dom adei biak siam. Di dom hội đồng pakacah jeng ngak siam bruk di drei, duk pakacah hu khik caga siam, lagaih. Giám thị maong pakacah nghiêm túc,  oh ngak căng thẳng ka thí sinh yau nan ye kol dahlak jia lac bruk pakacah brei thau njauk chất lượng pato megru di tỉnh.”

      #Pak tỉnh Khánh Hòa, piah ba mbuan laghaih ka dom anek saih dom huyện bhum ceik mai pakacah Trung học phổ thông Negar, dom sang bac pambuak haong amaik ame peih ba radaih ô tô pajeng ba anek saih nao pakacah. Taphia di nan daong labik mbang, labik ndih oh abih jien ka thí sinh saong amaik ame. Ong Lê Tuấn Tứ, Akaok Sở Pato megru tỉnh Khánh Hòa brei thau, tamat 4 harei pakacah, oh hu urang halei ngak suam hukum njauk brei padeih pakacah: Dom adei mai Nha Trang pakacah ye amaik ame pambuak haong sang bac piah raok ba dom adei nao pakacah pak Nha Trang, dom sang bac Trung học Phổ thông hu ngak siam. Mai Nha Trang hu kapul  daong pren bilan pakacah, dom gah pambuak pagam tal abih di nyu lac bruk salamat angaok jalan. Ngan haong 2 huyện Khánh Sơn, Khánh Vĩnh, adei halei oh hu mbaok pakacah piah gam xét tốt nghiệp gam xét đại học ye dom adei njauk pakacah di puk palei piah patrun áp lực.)

Likau salih tapa khaw tin karei

         # Ông Phạm Văn Long, Phó Giám đốc Công ty Điện lực Sơn La brei thau, tal harei 30/6/2016, dự án ba menyek negar ka dom sang oh ka hu menyek tỉnh Sơn La thun 2015 hu nghiệm thu, pambuak menyek. Dự án hu brei menyek negar ka labaih 5.300 sang bhapbini bangsa Mông, Thái, Khơ Mú, Xinh Mun di dom palei bhum glaong tapeng negar di 5 xã Phiêng Pằn, Chiềng Nơi (huyện Mai Sơn), Nà Nghịu, Chiềng Phung saong Nậm Ty, huyện Sông Mã, tỉnh Sơn La. 

        # Bal ine Hà Nội bahrau hu Mentri Ilamo padhih saong rivang ma-in pok brei gilac 4 inem mek kiến trúc nghệ thuật pakat negar. Nan lac inem mek kiến trúc nghệ thuật Đình Tràng (xã Liên Bạt, huyện Ứng Hòa); Inem mek kiến trúc nghệ thuật Phủ thờ Nguyễn Ngọc Trì (xã Hát Môn, huyện Phúc Thọ); Inem mek kiến trúc nghệ thuật Đình Đoàn Xá - hu Đình Thượng saong Đình Hạ (xã Đồng Tiến, huyện Ứng Hòa) saong Inem mek kiến trúc nghệ thuật Chùa Thấp (xã Hạ Bằng, huyện Thạch Thất).

        # "Pink light-ánh sáng hồng" lac angan ieu di mbang parang iek điêu khắc trẻ kayua kalup kapul họa sĩ trẻ,  kapul Mỹ thuật Việt Nam peih ngak, yaih khan dom  thử nghiệm điêu khắc di thun 2016.  Mek  bối cảnh ngak jeng bruk salih meta maong, parang iek "Pink light" pilih ruah bruk sắp đặt 13 tác phẩm điêu khắc dalam ánh sáng hồng. 9 tác giả ranaih umo pataom tame parang iek mbang ini lac Đào Đình Tân, Đào Thắng, Hoàng Văn Phương, Nguyễn Phú Viên, Hà Sỹ Giáp, Trần Văn Minh, Hoàng Văn Minh, Đỗ Ngọc Quân, Nguyễn Mạnh Hùng daok lac sinh viên thun puac khoa điêu khắc, sang bac Đại học Mỹ thuật Việt Nam.  

        Patui di ini khaw tin dunya

       # Liên minh Châu Âu saong dom negar Ban-căng harei kabroi peih Nyaom biai pakat glaong pak bal ine Paris, Pháp piah ginum biai ka bruk duah quy chế thành viên di DOM negar Ban-căng dalam khối này. Pak nyaom biai, dom gah njauk gauk mboh lac, bruk peih prong Liên minh Châu Âu oh gaok tavak tavaiy hagait meng bruk duah thau hatai saneng di bhap bani pak negar  Anh harei 23/6 meng blaoh.

     # Liên hợp quốc harei kabroi pachreih dom gah hu mbaok mesruh di Xyri ba mbuan lagaih piah pajeng ba pandap  viện trợ nhân đạo tal yaok pluh rabau urang  daok  gar di 4 ban sit di Xyri, taphia nan hu pannuac brei thau dahlau lac bruk eik lipa trak meda rah tabiak di dom bhum ini .

      # Harei ini, raja-ei Ixraen brei bruk padang ngak yaok rituh baoh sang bahrau ka urang Do Thái pak khu Bờ Tây. Thủ tướng Ixraen Ben-gia-min Nê-ta-ny-a-hu (Benjamin Netanyahu) saong akaok Mentri quốc phòng negar ini Li-ê-bơ-man (Avigdor Lieberman) HU brei adat padang ngak 560 baoh sang bahrau pak labik Ma-a-lê A-đu-mim (Maale Adumim) – labik daok prong abih pak Bờ Tây, jaik Giê-ru-xa-lem. Labik daok ini hu padang ngak meng thun  1975, hu labaih 37 ribau urang daok.