# Tổng cục Thủy lợi, Mentri Ngak nong saong Patagok palei pala bahrau hu công điện patagok bruk tacei pato, điều hành mek aia mbang ka 3, duh ka bruk pala drak padai vụ Đông Xuân 2016-2017, bhum Trung du saong Đồng bằng Bắc bộ. Mbang ka 3 meda mek aia tui njauk Thông báo ka 11060 di Mentri Ngak nong saong patagok palei pala, peih akaok meng harei 6/2 tal harei 13/2/2017, yau nan min meda hu điều chỉnh pakatut tukvak hadei di puk palei ngak salah blaoh bruk mek aia. 

      # Thun ini, tỉnh Quảng Trị kham merat pala meng 5 rabau tal 6 rabau héc ta glai tập trung, glai phòng hộ saong glai sản xuất ngan saong labaih 1 triệu phun phân tán dom janih. Dom puk palei hu bloh jalan ngak piah glang iek, khik caga saong patagok glai, rik daong khik caga hu bruk che phủ glai labaih 51% bruk di tỉnh ba tabiak. Ông Hà Sỹ Đồng, Phó akaok uy mban bhapbini tỉnh Quảng Trị brei thau: Khaol dahlak hu tacei pato gah ngak nong patagok palei pala, uy mban bhapbini dom huyen, ban kuhria caga siam bruk quy hoạch quỹ taneh saong pasang iek veik taneh caik saih mbon ceik, taneh meblak saong dom lâm phận meda pala hu phun. Kuhria caga siam dom bruk ka alamu, pasang iek, glang khik, abih di nyu nan lav phun pajaih khik caga chat luong piah patagok độ che phủ paglaong yaom pandap di glai pala.

       # Dalam dom harei padeih Tết nguyên đán Đinh Dậu 2017, tuai damuai mai rivang ma-in, padeih padei pak bal Móng Cái, tỉnh Quảng Ninh biak ralo. Tuai damuai daok veik dalam dom harei Tết jaik 5,5 ribau urang; tuai damuai tame tabiak tapa pabah mbang negar dunya Móng Cái hu jaik 38 ribau mbang urang, lac sa bruk biak chreih chrai peih mbaok ka thun rivang ma-in 2017.

       # Yaom lac abih mbang padheih tết, min dua harei puac adit ( harei 8 bingun saong 9 bingun tết) tuai du lich mai ban sit Vũng Tàu paglaong jang. Di harei 8 bingun tết ( yaom lac harei 3/2, labaih 100 rabau mbang tuai hu tuh mai tasik. Dom mblang khik radaih ô tô jeng ye radaih patuh tuk halei jeng mboh quá tải. Di dom bhum tasik ia dalam, ia xoáy gah chức năng tuk halei jeng glang iek piah tacei pato, kakei urang bhapbini plaih plaik tame libik nguy hiểm.

      # Tui bruk ba tabiakl di Mentri Y tế, dalam thun ini meda thanh tra taong abih bruk pasang iek ruak tui hatai caong khin di dom sang iek ruak công lập. Cambaih laih meda thanh tra ka yaom dịch vụ y tế, bruk đấu thầu, blei tame jru, vật tư tiêu hao, trang thiết bị y tế pak dom sang iek ruak yau: Răng - Hàm -  Mặt Trung ương bal raya Hồ Chí Minh, Meta Trung ương saong Việt Nam - Thụy Điển Uông Bí. Thông tư bahrau ndom tui kuhria meda hu patabiak dalam quý 1 thun ini, piah plaih tình trạng chênh lệch biak glaong gah khám dịch vụ di dom sang iek ruak cùng hạng, taphia di nan plaih tình trạng cơ sở vật chất, thiết bị di phòng điều trị tui hatai caong khin oh tương xứng haong yaom jien bo urang ruak njauk buh tabiak.

      # Dalam dom thun tapa, pak dom tỉnh, bal dalam bhum taneran kraong Cửu Long gam gam hu hajan prong suan bilan ngak kan kandah ka bhap bani urang nong, abih di nyu lac bruk yuak kuak padai. Pak bal Cần Thơ, kayua hajan angin meng dahlau di Tết nguyên đán tal ini ngak ka labaih 2.400 ha padai đông xuân daok tathak, mboh ralo di dom puk palei yau huyện Cờ Đỏ, Vĩnh Thạnh saong quận Thốt Nốt njauk jaleih, pambak tal năng suất.

        # Yaom lac daok dalam tuk tabung glaong bilan thu, min ruak pandiak tabiak darah di ban raya Hồ Chí Minh oh trun. Urak ini, kuhria caga yaok adit, gah y te ban raya Hồ Chí Minh mboh hu 600 ca ruak panidak tabiak darah. Kuhria meng akaok thun 2017 tal ini, ban raya hu labaih 2.300 ca ruak pandiak tabiak darah saong 12 ca dương tính saong vi rút Zika, mboh rilo di dom quận, huyện. Bác sỹ Lê Hồng Nga, Akaok khoa ruak Truyền nhiễm, pasak Y tế Dự phòng ban raya  Hồ Chí Minh lac: Ini daok lac tukvak puac di bilan jit, yau nan ye kol dhlak njauk pagalong dom bruk caga ruak, ta eng pametai jamaork, pametai lăng quăng di dom sang drei. Abih di nyu nan lac jaik ini, tukvak gah meraong hu rilo salih barau, hajan suan bilan jeng lac bruk mbuan lagaih piah dom sruh lăng quăng vil tam daar sang tamuh.

       Khaw tin dunya

      # Mintri Quốc phòng Mỹ oh hu thau ginup dom số liệu pambuak tal yaok rabau mbang không kích bo bol bala Mỹ hu peih ngak di dom thun di I-rắc, Xy-ri saong Áp-ga-ni-xtan. Ini lac asal kadha hu trang mạng Thời báo quân đội (the Military Times) hu jabat di Mỹ khan brei thau di harei 5/02.

     # Piah pacang ô nhiễm, dalam thun ini, bal ine Bắc Kinh meda patagok bruk cakak rilo jang jaik 30% lượng dhang pandar, samu jaik  7 triệu tấn dhang, salih tame nan pachreih bhap bani pandar năng lượng hacih.

     # Takik abih 50 urang metai hadei sa mbang jaleih tuyết rah tabiak di palei Nu-rít-xtan (Nuristan), gah timul Áp-ga-ni-xtan (Afghanistan) di harei 5/2, patagok abih tih urang metai kayua lở tuyết di taneh ia ini labaih 100 urang. Lở tuyết jeng ngak ka yaok pluh urang karei bị thương. Giới chức Áp-ga-ni-xtan  cảnh báo dom urang metai meda tagok glaong dalam tuk dom mbang lở tuyết daok ngak tayah rilo baok palei di Áp-ga-ni-xtan, pambuak pagam saong biên giới Pakistan./.