# Biar harei 5-3, ong Trần Đại Quang, akaok negar, hu taduan raok akaok Quốc hội Bangladesh Shirin Shamin Chaodhury, akaok đảng Công nhân Bangladesh Rashed Khan Menon saong urang dang akaok Liên đoàn dom jabat pablei salih saong Công nghiệp Bangladesh (FBCCI) Shafiul Islam. Ong Trần Đại Quang caong dua gah klah rabha ilamu, brei gauk thau, daong gauk dalam dom gah ngak nong, kaya ikan, khik caga pandap panda di 2  taneh ia truh dom paga pacang pablei salih tuk pablei tame dom negar ka 3, jhul patagok talei pambuak bruk pato pakai, du lịch, samar peih jalan par tapak..

# Di tuk pahadar 108 thun harei dunya urang kumei (8/3/1910 - 8/3/2018) saong pahadar 1978 thun khởi nghĩa Hai Bà Trưng, bair harei  5-3, akaok Uỷ ban Trung ương MT negar Việt Nam Trần Thanh Mẫn hu nao ravang saong tadhau yuh Hội Liên hiệp urang kumei Việt Nam.  Ông Trần Thanh Mẫn caong khin, Trung ương Hội Liên hiệp urang kumei Việt Nam saong dom pakat kapul puk palei peih dom bruk jak ba, dom bruk pakacah anit ranam taneh ia saong pambuak bruk haong MT negar ngak siam bruk chính trị bo Đảng, karja, MT negar Việt Nam jao brei.

# Biar harei 5/3, hadei di tuk tame pabah lamnge Tiên Sa, ban sit Đà Nẵng, piah rivang Đà Nẵng, Phó Đô đốc Philip G. Sawyer, Tư lệnh Hạm đội 7, Hạm đội Thái Bình Dương Hoa Kỳ saong dom urang dang akaok kapal Hải quân Hoa Kỳ, tdalam nan hu kapal mblang kapal haok USS Carl Vinson mai salam dom urang dang akaok ban Đà Nẵng. Dalam tukvak rivang Đà Nẵng mbang ini, Đoàn Hải quân Hoa Kỳ daok hu mbaok tame dom bruk klah rabha ilamu, giao lưu thể thao saong dom bruk ngak karei karei.

#  Di Hà Nội, Hội liên hiệp urang kumei Việt Nam peih harei alin giải thưởng Kovalevskaia thun 2017.  Giải thưởng hu alin ka dua urang kumei khoa học hadah trah dalam bruk roh duah alamu, rik daong praong ka bruk patagok alamu taneh ia hu: PGS.TS Bác sỹ Trần Vân Khánh, Trưởng bộ môn Bệnh học phân tử, Khoa Kỹ thuật Y học; Phó Giám đốc Pasak roh duah Gen – Protein, Đại học Y Hà Nội saong PGS-TS Đinh Thị Bích Lân, Giảng viên cao cấp, Viện công nghê sinh học, sang bac Đại học Huế. 

# Phòng Cảnh sát kinh tế Công an tỉnh Thừa Thiên- Huế hu cap kreik 6 urang me-in mbia saong peih bruk me-in mbia kayua Trương Minh Quang, 32 thun, daok di thôn Nam Thượng, xã Phú Thượng, huyện Phú Vang pan akaok.   Pasang iek sang di 6 urang nan, Công an khik jaik 1,8 tỷ đồng, 4 mbaik meh, 4 sruh ô tô saong rilo janih pandap duh ka bruk me-in mbia saong peih bruk me-in mbia tapa mạng. Di jabat Công an, urang dang akaok lac Trương Minh Quang khan lac blah mạng di nyu hu yaom jien me-in mbia samu jaik 100 tỷ đồng.

Khaw tin dunya

# Harei 5/3, Tổng thống Pháp Ma-crông (Emmanuel Macron) lac Liên minh châu Âu njauk ngak bruk khẩn cấp di gah pablei salih Dunya (WTO) meyah Mỹ taong thuế glaong ka thép saong nhôm blei tame taneh ia ini. Tui ông Ma-crông, dom bruk ieu lac “chủ nghĩa kinh tế dân tộc” atau chủ nghĩa dân tộc lac bruk mesruh bo gah halei jeng lah. Dahlau nan, harei 1/3, Tổng thống Mỹ Đô-nan Trăm (Donald Trump) khan brei thau meda kak je 25% ka thép saong 10% ka nhôm blei tame taneh ia ini. Meyah bruk ini hu peih ngak lac janih nhôm saong thép di Liên minh châu Âu, Ca-na-đa saong Trung Quốc meda gaok trak.   

# Dom chuyên gia thú y Bun-ga-ri bahrau duah mboh sa sruh jit kum menuk ada hu chủng vi-rút mbuan njom mbak H5N8 di sa  trang trại raong menuk ada daok di quận Đô-b-rích. Dom chuyên gia thú y hu peih bruk padam jit tui adat urak ini di Liên minh châu Âu. Jaik 140 ribau drei menuk ada njom ruak atau jaik si njom ruak hu ba nao am cuh klaak. Karja palei jeng hu tabiak adat oh brei pablei salih, pajeng ba menuk, cim glai, baoh kram piah pacang cakak bruk njom mbak di jit ruak./.

# Mintri Nội vụ Campuchia hu tah klak harak likau padang đảng chính trị barau mek angan Kem Lây. Kem Lây lac sa urang phân tích chính trị angan je hu dom urang chính trị di Campuchia taong yaom glaong. Min, di bilan 7 thun 2016, urang phân tích chính trị ini gaok sa urang pametai kayua nyim jien oh bayan. Ông Kem Lây gaok pametai ngak duh hatai ka xã hội Campuchia. Tangin phao Chup Som Lap hu Tòa kết án guk chung thân.