# Pak baoh sang daok padang ngak dalam khu chung cư pakat glaong di quận Hà Đông, bal Hà Nội bahrau rah tabiak bruk jaleih giàn giáo, ngak ka 3 urang ngak njauk rambuis. Ong Đặng Anh Phương – Akaok Uỷ ban bhap bani xã Cự Khê, huyện Thanh Oai, Hà Nội mai mong iek saong brei thau, hu 3 urang njauk rambuis. Ini lac công trình glaong 15 tal saong urak ini jaik si ngak blaoh tal tầng 15.

     # Di palei Bản Lầy, xã Xuân Lễ, huyện Lộc Bình, tổ ngak bruk duk Cảnh sát pacang, cakak tội phạm ka môi trường, Công an tỉnh Lạng Sơn barau cap hu 5 radaih mô tô saong sa radaih ô tô pajeng menuk lậu meng TQ mai VN. Angaok dom radaih nan hu 15 lồng pasei saong 20 lồng katak kreik menuk pajaih,abih tih jaik 3.000 drei. Dom drei menuk ini oh thau mai meng halei, oh ka tapa dut iek jit.      

       # Mbang pakacah Trung học phổ thông pakat negar thun 2017, tỉnh Lào Cai meda hu 15 labik pakacah pak dom huyện, bal sit ngan haong 5.943 thí sinh mboh tangin tame pakacah. Tỉnh Lào Cai hu padang Ban tacei pato pakacah Trung học phổ thôngpakat  negar thun 2017, ngan haong 38 thành viên, kayua ong Phaok akaok Ủy ban bhap bani tỉnh ngak Akaok ban. Tui bruk ba tabiak, dahlau di harei 20/5, Ban tacei pato pakacah Trung học phổ thông pakat negar di tỉnh meda peih mbang nyaom brei thau ka bruk kuhria caga saong peih ngak bruk tacei pato, peih ngak mbang pakacah thun 2017.

     # Công an ban sit Huế, tỉnh Thừa Thiên Huế barau cap hu 2 menuac blah, handaoh labaih 65 triệu đồng. Di jabat công an, dua urang nan khan lac: piah hu jien pandar cai, kol nyu jak gauk peih radaih Sirius, taoh biển số radaih, pacang mbaok sre meng khẩu trang piah nao blah, handaoh pandap. Urak ini công an ban sit Huế daok ngak harak cố hồ sơ lanyah tui adat hukum. 

       # Sở Giao thông vận tải bal raya Hồ Chí Minh saong Liên hiệp dom kapul nyaom khoa học kỹ thuật bal raya, Ban khik iek jalan pasei đô thị gam haong dom jabat pambuak pagam bahrau nyaom biai jalan ngak xử lý 28 phun hijao tapen jalan Lê Lợi piah peih ngak tuyến metro ka 1 (Bến Thành – Suối Tiên). Kỹ sư pakat glaong Hà Ngọc Trường, Ủy viên Thường vụ Liên hiệp dom Hội khoa học saong Kỹ thuật bal raya Hồ Chí Minh brei thau: Dom gah đơn vị tư vấn hu kuhria cambaih 28 phun ye hu sa phun meda panduan ba nao pala veik di labik karei, daok veik 27 phun ye njauk tak kaoh. Tuii Liên hiệp hội saong các chuyên gia ini lac bruk oh khin min oh ngak karei hu piah  peih ngak dom công trình ka tuyến metro. 

      # Urak ini, gah pato megru quận Ninh Kiều, ban Cần Thơ daok caga ka dom bruk ngak dalam bilan hè thun 2017. Ngan saong 78 sang bac, dalam nan hu 55 sang bac công lập, 23 sang bac mầm non tư thục, labaih 1.300 nhóm tal bac saong labaih 47.200 anek saih, gah pato megru quận padang jalan ngak ka bilan hè thun bac 2017. Amuk Trần Hồng Thắm, Giám đốc Sở pato  MEGRU ban Cần Thơ lac: “Thun bac 2017 – 2018, khối tal sa hu peih rilo danak dak pato megru phổ thông barau, kayua yau nan ye bruk kuhria caga dalam hè ka gru pato khối tal sa saong dom urang jakar khik iek di dom sang bac tiểu học lac biak praong, brei kham merat kuhria caga dahlau. Khin yau nan brei phân loại gru pato piah pasram megru dalam hè yau habar piah thun bac barau bruk ngak ini hu tani tanat”  

        # Pak khu du lịch giải trí dunya Tuần Châu bahrau rah tabiak bruk peih mbaok giải bóng chuyền mblang tasik kumei châu Á Tuần Châu Master – Quảng Ninh 2017. Mbang pakacah ini hu mbaok di 23 đội kamei, mai meng 12 taneh aia saong bhum taneh (Australia, Trung Quốc, Hồng Kông Trung Quốc, Indonesia, Nhật Bản, Kazakhstan, NewZealand, Malaysia, Singapore, Thái Lan, Vanuatu, Việt Nam) rah tabiak meng harei 4 tal harei 7-5. Ini jeng lac thun hu rilo đội tame pakacah di abih dalam dom mbang peih pakacah kuria meng thun 2005.

        Patui di ini dom khau tin dunya:

       # Nyaom meyai đặc biệt akaok mintri Ngoại giao ASEAN-Hoa Kỳ barau rah tabiak di  Oa-xinh-tơn DC, Hoa Kỳ. Hu mbaok tame mbang nyaom nan hu akaok mintri ngoại giao dom taneh ia ASEAN saong phaok Tổng Thư ký ASEAN. Kapul Việt Nam kayuaThứ trưởng mintri Ngoại giao, Trưởng SOM ASEAN pan akaok kapul. 

       # Thủ tướng Đức Angela Merkel bahrau hu mbang nao rivang bất ngờ tal Nga. Mbang taom gaok pak Sochi di ong Putin saong amek Merkel yaom lac oh mek hu dom kết quả cụ thể, min nan lac sa kadha praong piah ka dua gah duah hu dom sap ndom haong gauk jang. Ini lac mabng akaok meti hadei di jaik 2 thun, kuhria meng thun 2015, amuk Thủ tướng Đức Angela Merkel meng mai rivang Nga.

    # Sa bala khang angaok jalan mbak barau rah tabiak di gah meraong taneh ia Đức ngak ka dom uranaih njauk rambuah. Tui cảnh sát pak nan, bala ini rah tabiak di ralo radaih angaok jalan cao tốc jaik pasak Mu-ních dalam bang Ba-va-ri-a. Hadei di tuk bala rah tabiak, dom urang cứu hộ hu mbaok chip pak nan piah pasiam dom khut khat saong ba dom urang njauk rambuah nao chữa trị. Urak ini dom urang jakar daok duah thau makna rah tabiak bala./.