# Biar harei 7/5, CA ban raya HCM brei thau: CA chap mek 7 urang pambuak tal bruk patuh anak labik ngak bruk di Công an Phường 12, quận Tân Bình, 4 dalam 7 urang njauk dauh khủng bố, 3 urang daok veik njauk dauh pablei salih pandap patuh. 

Dom urang dang akaok CA ban raya Hồ Chí Minh ndom lac, bruk caik pandap patuh pamaong tame labik ngak bruk di CA phường 12, Tân Bình lac bruk khủng bố. Mboh ini lac bruk praong, khang nan ye rilo gah, dalam nan hu gah duah palai bom mìn hu ba mai pambuak bruk haong CA - Bộ Chỉ huy quân sự  dom tỉnh Đồng Nai, Đắc Nông piah samar duah mboh. Hadei di 10 harei, dom urang dang tabiak ngak bruk nan njauk  chap mek, gam saong 10kg jru patuh TNT, pandap ngak baoh patuh, saong 8 baoh patuh hu dom urang nan caga ba nao khủng bố di dom labik karei. Mai hu mbaok saong pok meyaom bruk duah mboh kol  tội phạm, khik kajap an ninh quốc gia di CA ban raya Hồ Chí Minh, Bí thư Thành ủy TPHCM Nguyễn Thiện Nhân ndom lac “ Anak tal, dom gah chức năng njauk patagok bruk pathau khan brei bhap bini thau bruk ngak njauk tui adat hukum, thau njauk sarak di Đảng, hukum di Karja, saong samar mboh, samar pacang dom bruk caong ngak di kol kanjah jhak”: Meng bruk brei thau harei ini, lac bruk brei mboh lac kol drei daok caga siam dom bruk yau nan saong langyah hu siam. Meyah oh samar langyah ye ngan saong 10 kg jru patuh saong 38 pandap patuh hu ngak bloh nan, kol palai pajoa meda ngak dom bruk karei ba tal srau kadau. Ini lac bruk ngak hu biak praong

# Melam 5/7, di Hà Nội hu rah tabiak bruk brei thau danakdak pambuak bruk alin brei ndom bảo hiểm ka anek saih tan bac 1 pakat negar thun bac 2018-2019. Danakdak kayua Uỷ ban An toàn giao thông negar pambuak bruk saong mintri pato megru saong Công ty Honda Việt Nam ngak. Hu thau, thun bac 2018-2019, dalam taneh ia hu jaik 1 triệu 950 rabau anek saih meda yam tame tan bac 1. Ndon bảo hiểm meda hu alin ka dom adei di sang bac meng harei 5/9/2018 dalam harei peih thun bac barau. Akok mintri Giao thông Vận tải Nguyễn Văn Thể, Phó akaok Thường trực Uỷ ban An toàn giao thông negar khan lac: Kol drei njauk kuhria, pasang iek piah khik caga yaok adei tuk tame tan bac 1 thun bac ini jeng hu alin sa baoh ndon bảo hiểm. Ndon bảo hiểm ini khik caga tiêu chuẩn chất lượng njauk tui tiêu chuẩn Việt Nam, rik daong khik caga tính mạng ka dom adei.

# Tui kuhria mboh di Hội Thẻ ngân hàng, tal abih thun 2017, dalam darak pasar hu jaik 110 triệu thẻ ngân hàng, dalam nan hu labaih 30 triệu thẻ oh pandar tal, daok khóa hủy. Min dalam 77 triệu thẻ daok pandar, hu oh takik thẻ oh pandar tal dalam sa tukvak suai livik.

# Abih tih yaom pandap xuất nhập khẩu tapa Cửa khẩu Sóc Giang, huyện Hà Quảng, tỉnh Cao Bằng lac hu jaik 40 triệu USD di 6 bilan akaok thun ini, tagok jaik 190% duk saong dom bilan thun dahlau. Tui Chi cục Hải quan cửa khẩu Sóc Giang, Cao Bằng: pandap panda pablei tapa cửa khẩu ini rilo meng lac kaya nong hu: amraik kalu, baoh traoh that saong thu… tagok tal labaih 70% abih tih dom pandap panda pablei tabiak taneh ia lingiu.

# Pambuak tal bala trak angaok kraong Sài Gòn ngak brei 2 urang lihik, biar harei (5/7) dom gah chức năng di ban raya Hồ Chí Minh brei thau, tau di 2 urang lihik hu duah mboh jaik labik sà lan kram. Tau di thuyền trưởng saong thuyền viên baoh sà lan  BTr.7759 (tỉnh Bến Tre) hu duah mboh tuk seik angaok kraong Sài Gòn atah di labik bala jaik 50 mét. Dom gaha cứu hộ hu ba tau tagok thu, jao ka gauk gar urang metai nan. Hu thau, page mesup 4/7, baoh kapal PROSPER pajeng container di Mông Cổ meng cảng VICT nao gah hạ lưu kraong Sài Gòn paoh gaok sà lan  BTr.7759 (tỉnh Bến Tre),  pajeng 600 m3 cuah. Hadei di tuk paoh gauk nan, sà lan nyu kram, angaok sà lan hu 3 urang, dalam nan hu 1 urang hu sraong tagok, njauk rambus hasit, 2 urang daok veik kram tui sà lan.

Khaw tin dunya

# Dom gah pambuak bruk pablei salih praong di Mỹ hu Liên minh châu Âu, Trung Quốc saong Nhật Bản barau hu panuac quan ngại rilo ka gah pablei salih dunya (WTO) ka bruk kateik kak je pabak ka dom radaih ôtô saong dom linh kiện blei di taneh ia lingiu. Labaih 40 thành viên di gah pablei salih dunya, hu 28 taneh ia di Liên minh châu Âu, cảnh báo lac bruk ngak ini di Mỹ meda ngak klaih meteh trak darak pasal dunya saong đe dọa hệ thống di gah pablei salih dunya, kayua bruk praong glaong di janih ôtô dalam gah pablei salih dunya.

# Trung Quốc tabiak panuac lac cagar veik chip tuk bruk kak je pandap panda Trung Quốc yaom 34 tỷ đôla hu hiệu lực.  Trung Quốc brei thau lac cagar veik meng bruk kak je yaok ratuh pandap panda di Mỹ, hu đậu tương saong kapah meng dom mbang pachreih tui Tổng thống Đô-nan Trăm (Donald Trump) dalam mbang bầu cử thun 2016 yau Tếch-dát (Texas) saong Aiowa

# Dalam panuac brei thau di bair harei 5-7, jabat khik ramik pariak gauk Singapore (CCCS) ndom lac, bruk ba Grab saong Uber tame gauk biak nao lac cakak bruk bruk pariak gauk saong ieu lac phạt jien di dua công ty dịch vụ vận tải ini. Ủy ban di Singapore brei thau barau peih bruk dut iek di dua gah saong gah ka 3 piah hu dom chứng cứ brei thau la bruk ini. CCCS jeng brei thau hu ba tagok sa gah phạt jien di dua công ty Uber saong Grab kayua peih bruk ba brei salih ka bruk njauk thau dahlau pren meriak gauk.