Khaw tin 10h30 saong 14h30 harei 6/7

       # 263 ribau urang ngak gaok kan kandah dalam nan 100 ribau urang gaok kan kandah tapak, 163 ribau urang gián tiếp gaok kan kandah meng dom bruk kanjah jhak môi trường kayua công ty Fomusa ngak tabiak pak 4 tỉnh gah kreh negar hu daong pato bruk ngak, ba brei bruk ngak saong ba nao ngak bruk pak negar langiu. Ini lac brukn hu Thứ trưởng Mentri Lao động-Thương binh saong Xã hội Doãn Mậu Diệp brei thau di biar harei 5/7, pak Hà Nội.

        # Dua mintri Công Thương – jien padai barau brei ramik veik yaom pablei lẻ xăng meng 15 tuk bair harei kabroi 5/7. Tui nan, yaom pablei lẻ yaok lít xăng RON 92 trun 200 đồng/sa lít; Xăng E5 trun 200 đồng/sa lít; menyek Diesel saong menyek gum khik tani tanat yaom. Yau nan, yaom pablei lẻ yaok lít xăng RON 92 lac 15.968 đồng sa lít; yaom pablei xăng E5 lac 15.447 đồng/sa lít saong yaom  menyek Diesel lac 12.298 đồng/sa lít...bruk ramik veik yaom lac kayua yaom xăng menyek di darak pasal dunya hu trun di mbang kuhria yaom 15 harei tapa.

        # Meng akaok thun tal ini, jaik 60 ha mblang taneh raong hadang tỉnh Quảng Ngãi njauk jit ruak, mboh ralo nan lac ruak hoại tử gan tụy cấp tính saong vi rút đốm mbong, ngak ka jaik 15 triệu drei hadang pajaih metai, ngak khat lahik ralo abih pak huyện Bình Sơn. Urak ini, mblang taneh raong hadang dalam tỉnh Quảng Ngãi daok 380 ha min, trun 14% dut haong tukvak ini thun dahlau. Sản lượng mek hu labaih 1.900 tấn, trun jaik 2% dut haong tukvak ini thun dahlau Amuk Đỗ Thị Thu Đông, Phaok akaok Chi cục Thủy sản tỉnh Quảng Ngãi brei thau: Dom thun jaik di ini hadang raong bhian njauk ruak nan ye urang raong jeng oh khin buh jien tame raong tra, nan ye mblang taneh raong nyu takik nao. Tal urak ini kayua langik pandiak jeng tamuh tabiak dom janih ruak. Gah thủy sản jeng hu ba tabiak lịch thời vụ meng harei 1 bilan 7 tal 15 bilan 8 nan lac tukvak oh brei palao pajaih hadang tra piah plaih pandiak ka hadang raong.

        # Pambuak tal bruk yaok pluh urang njauk jru mek pandap mbang njauk tame sang iek ruak hadei tuk mbang bánh mì di tỉnh Phú Yên bo rayo sap ndom VN hu khan brei thau, harei kabroi (5/7), ông Nguyễn Văn Tâm, akaok Chi Cục An toàn hacih saat pandap mbang menyum tỉnh Phú Yên brei thau : tapa dut iek 10 mẫu pandap mbang mek di harei 19/6 pak labik pablei bánh mì Thuận Phát daok di phường 1, ban sit Tuy Hòa brei mboh hu tal 7 mẫu njaom Ecoli saong tụ cầu khuẩn. Ông Nguyễn Văn Tâm, akaok Chi cục An toàn hacih saat pandap mbang menyum, Sở Y tế tỉnh Phú Yên brei thau :Kol dahlak oh mek hu mẫu, kayua tui adat bruk ini jao ka dom sang iek ruak njauk mek mẫu samal di urang ruak taglon. Min, tuk trun ngak bruk di dom sang iek ruak lac oh mek hu mẫu. Kol dahlak jeng nyim gah taduan mek veik mẫu piah ba nao.

       # Harei kabroi  5/7, ong Nguyễn Đức Hòa, Phaok Akaok Ủy ban bhap bani tỉnh Bình Thuận gam haong urang pal akaok Sở Ngak nong saong patagok palei pala, Sở Xây dựng mai pasang iek bruk jaleih tatua máng ba aia dalam hệ thống thủy lợi Sông Dinh 3, huyện Hàm Tâm. Anak meta, makna di nyu lac kayua angin hajan khang. Yau nan min, chất lượng công trình hu siam halei oh daok hu mong iek.

        # Sở ilimo padhih saong Du lịch Lai Châu peih parang iek thaot binguk  nghệ thuật “palei negar Việt Nam: gheih mekre saong chreih chrai hatai jai” piah yaih khan bruk gheih mekre, ilimo mengkan Tây Bắc tal tuai damuai ban ine. Bruk ngak ini piah salam uan harei padang gah Du lich (9/7/1960-9/7/2016) saong thun Du lịch negar Tây Bắc 2017. Meng dom kadha "Lai Châu - Bản tình ca di dom sambo mau” saong “ inem krung Việt Bắc lung linh di melam hội Thành Tuyên", di dom tỉnh ye Lai Châu, Tuyên Quang saong Hà Giang hu yaih khan dom angan taneh angan menuac urang pambuak pagam saong dom adat cambat tanarakun, ilimo di yaok puk palei.

      # Biar harei 5/7, xà lan trak 500 tấn nduac meng quận 7 mai Nhà Bè Bal raya Hồ Chí Minh blaoh ginuh tame takai tatua pasei Rạch Đĩa, ngak pacah brong ba aia, blaoh karam. Urang peih xà lan nan lac ong Phạm Văn Tâm (umo 45 thun, daok pak Long An). Tatua Rạch Đĩa atah labaih 100 m, prong 3 m daok angaok jalan Lê Văn Lương, pambuak quận 7 saong huyện Nhà Bè.  Hadei di tuk tatua jaleih, tatua hu pacang cakak, bhap bani njauk nao tapa jalan Nguyễn Hữu Thọ atah di nan dom rituh mét. Langiu di nan, sa binah huyện Nhà Bè njauk lahik aia.

        Khaw tin dunya

       # Pathau khan "tani tanat jien padai " định kỳ sa thun dua mbang di Gilang pariak Trung ương Anh (BoE) ba tabiak harei kabroi 5/7 brei thau, Gilang pariak ini hu quyết định cadu quy định di gah Gilang pariak piah jhul khang bruk brei mesraiy di dom sang saong doanh nghiệp; taphia nan cảnh báo ka dom nguy cơ daok mboh di bruk tani tanat jien padai di taneh ia Anh hadei tuk bhapbini taneh ia ini buh phiếu tabiak truh Liên minh châu Âu (EU) di bruk trưng cầu ý dân harei  23/6 barau blaoh .

   # Gilang pariak Trung ương châu Âu (ECB) harei kabroi 5/7 hu brei thau ka blah jien ba-ar yaom 50 ơ-rô (euro) bahrau dalam kham merat pacang cakak bruk ngak jien ja saong brei mboh bruk pachreih brei pandar jien mặt. Nền jien 50 ơ-rô bahrau hu sambo màu kanjik katam saong sambo màu cam nhạt, di kieng gah hanuk hu in kandong klau chiều rup binguk công chúa Ơ-rô-pa (Europa) dalam thần thoại Hy Lạp, dalam tuk nan di kieng gah iew lac số 50 sambo màu hijao meda salih tapa hijao kalik langik tui hiệu ứng aia harei./.

# Thủ tướng Đức An-giê-la Méc-ken (Angela Merkel) harei kabroi 5/7 hu panuac ieu dom taneh ia di dunya paglaong dom bruk khik caga alam moi trường, pacang caga biến đổi khí hậu.