# Taduan panuac daa di Akaok Quốc hội Nguyễn Thị Kim Ngân, Kapul pakat glaong Quốc hội negar Cộng hòa Dân chủ Bhap bani Lào kayua ong Pany Yathotou (Pa- ny Ya- tho- tu), Akaok Quốc hội ba akaok mai rivang Việt Nam. Mbang rivang ngak brei patagok jang talei rohim meng lavik mai, hatai gul pataom saong pambuak bruk taong abih gah di dua  Đảng, dua Karja saong bhap bani dua negar Lào - Việt Nam.

      # Bair harei 6/3, di jabat akaok taneh ia, akaok taneh ia Trần Đại Quang taduan raok Thống tướng Min Aung Hlaing, Tổng tư lệnh dom tapon nyom bol pan phao kraong Myanmar daok hu mbang ravang Việt Nam tui panuac daa di akaok mintri Quốc phòng Ngô Xuân Lịch. Di var raok, akaok taneh ia Trần Đại Quang pauan Tổng tư lệnh dom tapon nyom bol pan phao kraong taneh ia Cộng hòa Liên bang Myanmar saong kapul tapa ravang Việt Nam; maong ini lac bruk ngak cambaih di talei pambuak bruk hữu nghị truyền thống siam mekre di bhapbini dua taneh ia. 

    # Pak Hà Nội, bahrau rah tabiak Nyaom roya urang kamei pakat negar mbang ka 12, ngan haong kadha “Gul pataom – Salih bahrau - Bình đẳng – Yam tame". Hu labaih 1.100 urang hu mbaok dalam nyaom roya lambaok ka dom tal urang kamei, dom bangsa, agama, umo, dom bruk ngak saong dom bhum palei karei di gauk dalam negar. Dalam anak tal, kapul urang kamei Việt Nam pataom pren khang piah jhul pakhang dua jalan ngak praong: Paglaong kein laba bruk pasang iek, phản biện xã hội, tham mưu đề xuất sarak, daong lang yah dom bruk di urang kamei daok caong khin; paglaong bruk ngak di Hội cơ sở, đa dạng hóa dom jalan bac megru di urang kamei, patagok quyền ngak po di hội viên, urang kamei.  

      # Kapul khik ramik darak pasal ka 1 ban sit Lào Cai, tỉnh Lào Cai barau pambuak bruk saong dom gah cơ quan chức năng mek khik saong cuh klak jaik 1 tấn saok menuk đông la ar blei lậu hu asal meng taneh ia langiu. Ini lac sa dalam dom kham merat cakak vi rút kum A/H7N9 saong dom chủng vi rút kum menuk ada karei blei tame tapa jalan biên giới tame puk palei di dom gah chức năng tỉnh Lào Cai hu jhul khang tukvak tapa.

     # Pak bal Móng Cái, tỉnh Quảng Ninh hu rah tabiak danak ndom biai nao mai di kapul  urang kamei bal Móng Cái (Quảng Ninh, Việt Nam) haong kapul urang kamei Đông Hưng (Khu tự trị bangsa Choang, Quảng Tây, Trung Quốc). Tapa nan piah ka dua gah hu thau gauk jang, bac megru gauk dalam bruk ngak di kapul urang kamei pambuak pagam haong ralo janih dreh gauk di Móng Cái (Việt Nam) saong Đông Hưng (Trung Quốc), daong ka bruk urang kamei di dua gah dak harei dak patagok.

      # Trun menek nan lac sa dalam dom bruk praong di gah dân số Nghệ An, abih di nyu nan lac tuk urak ini Nghệ An jeng lac sa dalam 10 tỉnh hu tanut menek glaong abih dalam taneh ia. Anak bruk ini, bruk praong bo gah dân số di tỉnh ba tbaiak nan lac trun tỷ lệ menek anek ka 3. Piah pachreih dom puk palei saong urang bhapnini, rilo puk palei daok patabiak sarak ka bruk pok meyaom dom libik, palei oh hu urang menek anek ka 3 tagok. Dalam nan, langiu mức meyaom di tỉnh, rilo huyen paglaong tanut meyaom ka xã oh hu urang menek anek ka 3 tagok lac 100 triệu đồng/sa palei .

      # Peih ngak quy định cơ chế, sarak daong ngak gilai bahrau nao taong mek kaya ikan saong gilai dịch vụ khai thác hải sản ka dom kapul nyaom manuac urang dalam bal Đà Nẵng, meng thun 2012 tal ini, hu labaih 40 sruh gilai bahrau ngak hu brei tabiak tasik, ngan haong yaom jien labaih 27 tỷ đồng; daong brei trang thiết bị hàng hải ka labaih 100 gilai, ngan haong taong abih jien labaih 3 tỷ đồng piah daong brei ka urang taong ikan padang ngak hầm khik piah meng bahrau PU, máy tời thu câu, máy định vị, máy dò ngang, daong brei khay khik piah saong panduan salih bruk ngak ka urang taong ikan.

      Khaw tin dunya

     # Quyền Tổng thống gam ngak Thủ tướng Hàn Quốc Hwang Kyo-ahn (Hoang Ki-ô An) barau lên án mbang papar tên lửa di Triều Tiên, taphia nan ieu drak saml ngak blaoh hệ thống phòng thủ tên lửa tầm glaong tukvak tamat blaoh di  Mỹ pak Hàn Quốc. Khan brei thau di sa mbang nyaom chip di Ủy ban Thường trực Hội đồng An ninh negar Hàn Quốc, ông Hwang ndom khang lac mbang papar tên lửa di Triều Tiên "lac sa bruk ngak khiêu khích trak ka bhapbini dunya.

     # Campuchia bahrau tamat tukvak 3 harei piah ka dom đảng phái chính trị tut angan tabiak ứng cử Hội đồng xã phường dalam negar. Panuac di Ủy Ban bầu cử negar brei thau, dalam mbang bầu cử Hội đồng xã phường rah tabiak dalam bilan  6 tal, Campuchia hu 12 đảng phái chính trị tut angan tabiak ứng cử. Tui hukum negar Campuchia, Hội đồng xã, phường kayua bhap bani bầu tabiak. Tui puk palei, dalam yaok Hội đồng xã, phường hu meng 5 tal 13 urang, đảng halei hu ralo kik dalam Hội đồng ye hu brei adat pok urang ngak chủ tịch Hội đồng saong ngak xã trưởng. dom urang dalam Hội đồng xã, phường hadei ini meda bầu tabiak Hội đồng quận huyện, tỉnh bal saong Thượng viện.

     # Kapul khik caga takai tasik Italy barau khan brei thau lac jaik 1.800 urang  di cư hu daong di puac adit tuk dom urang nan daok theik di Địa Trung Hải, langiu ar tasik Libya. Urak ini 1.300 urang  di cư hu ba tagok pulao Sicily (Xi-xin), di gah meraong Italy saong jaik 500 urang daok veik kuhria meda mai tal libik ini di dom harei tal. Tui Tổ chức Di cư dunya (IMO), kuhria meng akaok thun tal ini hu jaik 500 urang di cư metai di tasik Địa Trung Hải, glaong jang duk saong 2 bilan akaok thun dahlau. /.