# Hadei di tukvak njauk pandiak bhang, tal urak ini tapol menuk ada athur raong di tỉnh Ninh Thuận hu paiam veik, patagok gah  số lượng saong chất lượng.Tui kuhria mboh di tỉnh Ninh Thuận urak ini hu jaik 3.780 drei kubao, 112.500 drei limo, 280.900 pabe pabo; 77.900 drei pabui, 878.900 menuk, 465.000 drei ada. Taong abih sản lượng rilo hơi pablei tabiak (limo, pabui, pabe, pabo, menuk ada) tagok meng 5,1 - 11,6% dut haong tukvak ini thun dahlau.

      #Urak ini, bruk tội phạm xâm hại tình dục uranaih di tỉnh Vĩnh Long rah tabiak dak harei dak catang, dak rilo. Thun 2016, dalam tỉnh hu 30 mbang bruk xâm hại tình dục uranaih, ralo jang 13 mbang duk saong thun 2015. Eng akaok thun 2017 tal urak ini, dalam tỉnh rah tabiak 9 mbang, 10 urang xâm hại tình dục uranaih.

    #Tal tukvak ini, urang nong dalam tỉnh Sóc Trăng daok pataom tame yuak padai Đông Xuân, dom mblang taneh trun pajaih hadei saong yaom padai trun biar dut haong akaok vụ. Meyah dalam bilan 3 meng blaoh, padai RVT hu urang blei yaom 6.200 – 6.600 đồng/kg ye urak ini, yaom padai RVT hu urang blei pak laok hamu daok tok 5.500 – 5.700 đồng/kg. Ini lac vụ padai daok maong akaok di abih dalam thun, min kayua langik tasik oh siam nan ye ngak ka năng suất trun, gam haong yaom padai daok trun ngak ka urang nong oh bui sambai.

     # Sở ngak nông saong patagok palei pala tỉnh Trà Vinh brei thau, meng akaok bilan 4 tal ini hu 7 HTX saong tổ pambuak bruk di dom bhum tapen tasik di dom huyện Châu Thành, Cầu Ngang, Duyên Hải yam tame bilan thu hoạch labaih 740 ha mblang raong nghêu, abih tih sản lượng tui kuhria labaih 1.420 tấn nghêu thương phẩm, jien mek tame labaih 32 tỷ đồng. Kayua yaom nghêu thương phẩm urak ini biak glaong, meng 23.000 - 25.000/kg nan ye dom  Hợp tác xã raong nghêu jeng hu laba jaik 50%. 

    # Kapul urang ngak pahla di bal raya Hồ Chí Minh pambuak haong giáo xứ Đồng Tín, xã Đồng Tâm, huyện Đồng Phú, tỉnh Bình Phước hu mai rivang saong alin brei pandap ka urang kathaot bangsa takik, urang taha metui dalam  xã. Kapul hu pok brei 100 pok pandap, yaok pok yaom 200.000 đồng, dalam nan hu brah, aia mesil, menuyek mbang, bột ngọt… Yaok pok pandap yaom lac sit sot, min ini lac pren khang piah pachreih urang kathaot yam tagok.

       # Meng phun jien mesraiy ưu đãi 20 triệu đồng meng kadung jien daong urang nông, ong Võ Văn Lê daok di palei Thới Tứ 2, xã Thới Tam Thôn, huyện Hóc Môn, ban raya Hồ Chí Minh blei hu 2 drei limp binai. Tapa 4 thun, meng sa baoh sang kan kathaot, baoh sang ong hu rai diuk tani tanat. Tapon limo di baoh sang ong Lê urak ini tagok hu 6 drei ngan saong yaom jaik 100 triệu đồng.

    # Tal urak ini, tỉnh Tiền Giang hu buh tabiak ralo tỷ đồng piah peih ngak labaih 180 jalan mbrong ba aia brei ka bhap bani bhum tasik, bhum pulao kaoh di tỉnh, atah abih tih labaih 150.000 mét. Tapa nan duh ka labaih 7.700 baoh sang daok di bhum atah bayah, atah di halau aia. Ong Đoàn Văn Tiến, Phaok akaok Uỷ ban bhap bani xã Kiểng Phước, huyện Gò Công Đông, tỉnh Tiền Giang lac: “aia pandar thun ini grap tanat. Bhap bani hu caga hồ, lu máy piah padang aia. Kadua nan lac tỉnh, huyện sangka padang ngak mbrong aia  piah ba tame halau aia BOO”. 

        Patui di ini dom khau tin dunya:

     #Hu takik di abih 4 urang metai saong 22 urang karei njauk rambuah dalam sa mbang taong mbom di ban La –ho di Pakistan. Gah an ninh saong cừu hộ hu mbaok di labik nan, peih bruk daong saong khoanh vùng labik taong mbom. Urak ini oh ka hu kapul halei lac drei ngak bruk nan.

   # Bộ Quốc phòng Nga brei thau sa bal sit di gah barak Syria njuak nyaom mbak chất độc hóa học, hadei di tuk bol lin Raja-ei Syria không kích njauk sa kho vũ khí di gah nổi dậy. Dom vũ khí hóa học hu ngak tabiak meng sang mac ini dahlau deih bhian hu pandar pak Iraq. 

     # Di Mỹ, dalam 10 urang kamei metian njom virus Zika ye hu sa urang ndih tapui njauk dom dị tật meng tian amaik. Panuac ini hu pasak pasang iek saong pacang cakak jit ruak di Mỹ brei thau harei 4/4.