# harei pataom ilamu dom bangsa bhum kreh negar mbang ka III thun 2018 hu peih tabiak di TP Tam Kỳ (Quảng Nam) meng harei 15-17.8 anak tal. Ini lac bruk kayua Bộ VHTTDL pambuak bruk haong UBND tỉnh Quảng Nam peih tabiak , hu mbaok di labaih 1.000 diễn viên, vận động viên lambaok ka 20 bangsa mai meng 13 tỉnh, ban bhum kreh negar (meng Thanh Hóa tal Bình Thuận) saong Miuyim ilamu dom bangsa Việt Nam. Ralo danak dak hu peih tabiak ngak dalam dom harei pataom ini,m yau ye: daoh tamia bhap bini saong parang iek khan ao meng kan; parang me-in, yaih khan trích đoạn lễ hội, adat ngak ilamu meng kan di bangsa; parang iek, yaih khan pandap ilamu dom bangsa; parang iek, yaih khan pandap mbang menyum bangsa’

# Meng harei 9/7 tal, gah radaih apui Việt Nam ba tame pandar toa radaih khoang 2 laneng angaok canah jalan Hà Nội- ban raya Hồ Chí Minh. Abih di nyu nan lac, piah pabak caong khin dak harei dak glaong di tuai, ngan saong toa radaih laneng ndih, lingiu janih libik 4 laneng sa khoang saong 6 laneng sa khoang, Tổng công ty radaih apui Việt Nam hu ba tabiak pandap barau nan lac khoang 2 laneng di dom toa laneng ndih. Yaok toa radaih laneng ndih meda hu dua khoang 2 laneng đặc biệt piah duh ka dom tuai caong hu labik joa lange eng drei. Tuai pandar khoang 2 laneng đặc biệt hu duh ia menyum saong var mbang saoh.

 # Dalam tuk pahadar 58 thun harei padang gah du lịch Việt Nam (9/7/1960 - 9/7/2018), di Hà Nội, Tạp chí Du lịch (Tổng cục Du lịch) hu peih bruk jao giải mbang rup thaot nghệ thuật du lịch tpakat negar mbang yaka 8 ngan saong kadha  “Akau anit Việt Nam” thun 2018. Giải Nhất hu jao brei kadha “Sắc màu của biển” di Trần Bảo Hòa. Lingiu jien thưởng saong medai di Hội Nghệ sỹ Nhiếp ảnh Việt Nam, urang mek hu giải Nhất daok hu brei nao du lịch Dubai (Các Tiểu Vương quốc Ả rập Thống nhất - UAE) 6 harei 5 melam.

 # Tui Sở ilimo padhih saong Du lịch tỉnh Bình Thuận, bilan 6 lac tukvak Bình Thuận yam tame bilan du lịch hè ngan saong ralo tour, tuyến tuai dalam taneh ia. Kuhria dalam bilan 6, dalam tỉnh raok jaik 430 rabau mbang tuai, tagok jaik 12% duk saong dom bilan ini thun 2017. Meng akaok thun tal ini, Bình Thuận taduan raok jaik 2,6 triệu mbang tuai, tagok 11,6%; dalam nan, tuai du lịch dalam taneh ia meblaih jaik 87%.  Lượng tuai dunya mai Bình Thuận tagok 13,9% duk saong dom bilan ini thun 2017 ngan saong labaih 334 rabau mbang urang, rilo nan lac mai meng Trung quốc, Nga, Hàn Quốc, Thái Lan… Doanh thu meng du lịch kuhria hu 6.351 tỷ đồng, tagok 18,88%.

# Sở Ilamu & Thể thao Bình Định pambuak bruk haong Viện roh duah Kinh thành (Viện hàn lâm Khoa học Việt Nam) peih nyaom biai “Pathau khan bruk roh duah phế tích bimaong Chà Rây”. Tapa roh duah, pataom mek hu 10.496 kaya pandap, rilo meng lac dom kiak rilo janih gam saong dom trang trí kiến trúc meng haluk am. Meng bruk roh duah di bimaong Chà Rây hu peih tabiak jalan roh duah dom phế tích bimaong Cam karei, jeng yau roh duah ka ilamu Chăm Pa di Bình Định. 

        Khaw tin dunya

        # Sa bản sao quý hiếm di Tuyên ngôn Độc lập Mỹ barau hu duah mboh dalam sa kho khik piah di ban Chichester gah meraong taneh ia Anh. Hội đồng Hạt Tây Sussex di Anh barau brei thau, dom dut iek hadei nan hu chứng minh giả thuyết bản sao ini hu vak tame di dom thun 1780, tok dom thun hadei tuk tuyen ngôn độc lập di Mỹ hu ba tabiak di thun 1776. Tui hội đồng ini, dahlu si duah mboh bản sao ini, tok hu sa bản sao vak tangin angaok ba ar kalik duy nhất di Tuyên ngôn Độc lập lac bản sao hu akhar ký daok hu khik di Kho khik piah negar di ban ine Washington, daok ieu lac Tuyên ngôn Matlack.

 # Hội đồng Báo chí negar Thái Lan saong karja taneh ia ini hu panuac ieu saong kakei gah truyền thông njauk hu jalan ngak siam mekre, oh nduac tui hatai takre di urang karei bo ngak jhak tal bruk cứu hộ jeng yau hatung hatian di dom urang dalam kapul dit blongdaok gar dalam lubang Tham Luang saong gauk gar di dom urang dalam kapul. Dalam sa panuac ba tabiak bahrau ini, hội đồng ini caong gah truyền thông dalam saong lingiu negar njauk li-an hatai cang piah tangi sua dom urang njauk bala saong gauk gar di dom urang nan di tuk lagaih .

# Ngoại trưởng Australia Julie Bishop brei thau, hu ba 2 chuyên gia quốc phòng naih joi di gah ramik pasiam bala di  Australia tagok jalan tapa Thái Lan, daong kapul caoh blong thiếu niên di taneh ia ini urak ini daok gar dalam hang độngTham Luang dauk ia. Tabhia nan, ba veik sa sỹ quan cảnh sát pakat glaong di lực lượng cảnh sát liên bang Australia (AFP) nao daong padang bruk saong pambuak saong dom gah chức năng daong urang gaok bala.